Zaj Ntsiab Lus txog Kev Qhia Zoo Li Yexus Khetos

Tej daim duab nram qab no yuav qhia ntsiab lus txog tej lub ntsiab cai uas muaj nyob hauv phau ntawv no.

Tsom Ntsoov rau Yexus Khetos

Qhia txog Yexus Khetos Txawm Koj Qhia Dab Tsi Los Yog

• Hais ntau txog Yexus Khetos tus yam ntxwv.

• Qhia txog Yexus Khetos tej npe, tej hauj lwm, thiab tej cwj pwm.

• Nrhiav tej lub cim uas ua tim khawv txog Yexus Khetos.

Pab cov Neeg Kawm Kom Lawv Los Cuag Yexus Khetos

• Pab cov neeg kawm kom paub txog tus Tswv txoj kev hlub, lub hwj chim, thiab lub siab hlub nyob hauv lawv lub neej.

• Pab cov neeg kawm kom sib raug zoo nrog Leej Txiv Saum Ntuj Ceeb Tsheej thiab Yexus Khetos.

• Pab cov neeg kawm txhob txwm siv zog hloov los ua neeg zoo li Yexus Khetos ntxiv.

Tej Ntsiab Cai ntawm Kev Qhia Zoo Li Yexus Khetos

Hlub cov uas Koj Qhia

• Pom cov neeg kawm zoo li Vajtswv pom lawv.

• Nrhiav kev kom paub lawv—to taub lawv tej xwm txheej, tej kev xav tau, thiab lawv tej kev muaj zog.

• Thov Vajtswv foom koob hmoov rau lawv.

• Tsim muaj ib qho chaw nyab xeeb kom ib leeg saib ib leeg rau nqi thiab paub tias tej yam lawv ua muaj nqis.

• Nrhiav tej kev tsim nyog kom qhia tias koj hlub lawv.

Qhia nrog tus Ntsuj Plig

• Npaj koj tus kheej sab ntsuj plig.

• Ua raws li tej kev tshoov siab ntawm sab ntsuj plig txog tej yam uas cov neeg kawm xav tau.

• Tsim tej cib fim kom tus Vaj Ntsuj Plig Dawb Huv yuav muaj sij hawm qhia cov neeg kawm.

• Pab cov neeg kawm kom nrhiav, pom, thiab ua raws li kev tshwm sim.

• Ua tim khawv ntau, thiab caw cov neeg kawm qhia tias lawv xav li cas hauv lawv lub siab, lawv lub neej, thiab zaj lus tim khawv.

Qhia cov Lus Qhuab Qhia

• Cia li kawm Yexus Khetos cov lus qhuab qhia.

• Qhia los ntawm cov vaj lug kub thiab cov yaj suab hauv hnub nyoog kawg no tej lus.

• Pab cov neeg kawm nrhiav, pom, thiab to taub tej yam tseeb nyob hauv cov vaj lug kub.

• Tsom ntsoov rau tej yam tseeb uas pab neeg hloov siab los ntseeg thiab txhawb lawv txoj kev ntseeg Yexus Khetos.

• Pab cov neeg kawm nrhiav tej yam tseem ceeb rau lawv lub neej nyob hauv Yexus Khetos cov lus qhuab qhia.

Caw Kom Tib Neeg Rau Siab Kawm

• Pab cov neeg lav ris tej yam uas lawv yuav kawm.

• Hais kom cov neeg kawm kom paub txog tus Cawm Seej los ntawm kev kawm txog txoj moo zoo txhua hnub.

• Caw cov neeg kom npaj kawm.

• Hais kom cov neeg qhia txog tej yam tseeb uas lawv kawm.

• Caw cov neeg kom ua neej raws li tej yam uas lawv kawm.

daim duab ntawm Zaj Ntsiab Lus txog Kev Qhia Zoo Li Yexus Khetos