Pōpoaki mei he Kau Palesitenisī ʻUluakí

Siʻi kāinga ʻofeina,

Ko ha faingamālie nāunauʻia moʻoni ia ke akoʻi e ongoongolelei ʻo Sīsū Kalaisí! Tatau ai pē pe ʻoku ʻi ai hao uiuiʻi pau ke faiako pe ʻikai, ko ha faiako koe. ʻI hoʻo hoko ko e ākonga ʻa e Faiako Tuʻukimuʻa ko Sīsū Kalaisí, ʻokú ke maʻu ai ha ngaahi faingamālie ke vahevahe ʻEne māmá ʻi ha feituʻu pē te ke ʻalu ki ai—ʻi ʻapi, ʻi he lotú, ʻi hoʻo ngāue fakaetauhi ki he niʻihi kehé, pea ʻi he lotolotonga ho ngaahi kaungāmeʻá. Ko hono akoʻi ʻo e ongoongolelei ko ha falala toputapu ia. Ko ha konga mahuʻinga ia ʻo e ngāue ʻa e ʻEikí, pea ʻoku ngāue lelei taha ia ʻi he taimi ʻoku tau fakahoko ai ia ʻi Heʻene foungá.

ʻOku mau fakaafeʻi koe ke ke ako lahi ange fekauʻaki mo Sīsū Kalaisi mo e founga naʻá Ne akoʻi ʻaki ʻa e ongoongoleleí. Ako ʻi he faʻa lotu ʻa ʻEne ngaahi folofolá, ngaahi meʻa naʻá Ne fakahokó, mo Hono ngaahi ʻulungāngá, pea feinga ke muimui ofi ange kiate Ia. ʻE lava ke hoko ʻa e Faiako ʻi he Founga ʻa e Fakamoʻuí ko ho faifakahinohino.

Ko e Kau Palesiteni ʻUluakí