Vakaiʻi Fakalūkufua ʻo e Faiako ʻo Hangē ko Kalaisí

ʻOku ʻoatu ʻe he ngaahi saati ko ʻení ha vakai fakalūkufua ki he ngaahi tefitoʻi moʻoni ʻoku akoʻi ʻi he maʻuʻanga tokoni ko ʻení.

Tokanga Taha kia Sīsū Kalaisi

Akoʻi fekauʻaki mo Sīsū Kalaisi ʻo Tatau Ai Pē pe Ko e Hā ʻOkú Ke Akoʻí

• Fakamamafaʻi ʻa e sīpinga ʻa Sīsū Kalaisí.

• Akoʻi fekauʻaki mo e ngaahi huafá, fatongiá, mo e ngaahi ʻulungaanga ʻo Sīsū Kalaisí

• Kumi ha ngaahi fakaʻilonga ʻoku fakamoʻoni kia Sīsū Kalaisi.

Tokoniʻi e Kau Akó ke Haʻu kia Sīsū Kalaisi

• Tokoniʻi ʻa e kau akó ke ʻilo ʻa e ʻofa, mālohi mo e ʻaloʻofa ʻa e ʻEikí ʻi heʻenau moʻuí.

• Tokoniʻi ʻa e kau akó ke fakamālohia honau vā fetuʻutaki mo e Tamai Hēvaní mo Sīsū Kalaisí.

• Tokoniʻi e kau akó ke nau feinga ʻi he ʻiloʻilo pau ke hangē ko Sīsū Kalaisí.

Ko e Ngaahi Tefitoʻi Moʻoni ʻo e Faiako Hangē ko Kalaisí

ʻOfa ʻi he Niʻihi ʻOkú Ke Akoʻí

• Vakai ki he kau akó ʻi he founga ʻoku ʻafioʻi ai kinautolu ʻe he ʻOtuá.

• Feinga ke ʻiloʻi kinautolu—maʻu ha mahino ki honau ngaahi tūkungá, ngaahi fiemaʻú, mo honau mālohingá.

• Lotua kinautolu ʻaki honau hingoá.

• Fokotuʻu ha ʻātakai malu ʻa ia ʻoku fakaʻapaʻapaʻi ai ʻa e tokotaha kotoa pē pea ʻiloʻi ʻoku fakamahuʻingaʻi ʻenau tokoní.

• Kumi ha ngaahi founga taau ke fakahaaʻi ʻaki hoʻo ʻofá

Faiako ʻaki e Laumālié

• Teuteuʻi fakalaumālie koe.

• Mateuteu maʻu pē ke ke tali e ngaahi ueʻi fakalaumālie fekauʻaki mo e ngaahi fiemaʻu ʻa e kau akó.

• Fokotuʻu ha ngaahi feituʻu mo ha ngaahi faingamālie maʻá e kau akó ke akoʻi kinautolu ʻe he Laumālie Māʻoniʻoní.

• Tokoniʻi e kau akó ke nau fekumi, ʻiloʻi, pea ngāue ʻo fakatatau mo e fakahā fakatāutahá.

• Toutou fai hoʻo fakamoʻoní, pea fakaafeʻi e kau akó ke vahevahe ʻenau ngaahi ongó, aʻusiá, mo e fakamoʻoní.

Akoʻi ʻa e Tokāteliné

• Ako ʻiate koe pē ʻa e tokāteline ʻo Sīsū Kalaisí.

• Faiako mei he ngaahi folofolá mo e ngaahi lea ʻa e kau palōfita moʻuí.

• Tokoniʻi e kau akó ke nau fekumi, ʻiloʻi, mo mahinoʻi ʻa e ngaahi moʻoni ʻi he folofolá.

• Tukutaha e tokangá ki he ngaahi moʻoni ʻoku nau tataki ki he uluí mo langaki ʻa e tui kia Sīsū Kalaisí.

• Tokoniʻi e kau akó ke nau ongoʻi ha mahuʻingaʻia fakatāutaha ʻi he tokāteline ʻo Sīsū Kalaisí.

Fakaafeʻi ʻa e Ako Fakamātoató

• Tokoni ki he kau akó ke nau fatongia ʻaki ʻenau akó.

• Poupouʻi e kau akó ke nau ʻiloʻi e Fakamoʻuí ʻaki hono ako fakaʻaho e ongoongoleleí.

• Fakaafeʻi e kau akó ke nau teuteu ke ako.

• Poupouʻi e kau akó ke vahevahe e ngaahi moʻoni ʻoku nau akó.

• Fakaafeʻi e kau akó ke nau moʻui ʻaki ʻa e meʻa ʻoku nau akó.

Saati Vakaiʻi Fakalūkufua ʻo e Faiako ʻo Hangē ko Kalaisí