“Xtikib’ankil li k’utuk jo’ li Kristo,” Li K’utuk jo’ li Kolonel (2022)
Xtikib’ankil li k’utuk jo’ li Kristo
Eb’ li kaaxukuut a’in neke’xch’olob’eb’ li na’leb’ li neke’k’utman sa’ li hu a’in.
Xjayalinkil li tzolok rik’in li Jesukristo
Sa’ chixjunil li taak’ut, chatk’utuq chirix li Jesukristo
-
Ye chan ru naq li Jesukristo kixk’ut a’in rik’in lix b’aanuhom.
-
K’uteb’ lix k’ab’a’, eb’ lix k’anjel, ut eb’ lix chaab’ilal li Jesukristo.
-
Sik’eb’ li eetalil li neke’xch’olob’ xyaalal li Jesukristo.
Xtenq’ankileb’ li komon chi chalk rik’in li Kristo
-
Tenq’aheb’ laj tzolonel chixk’eeb’al reetal lix rahom, lix wankil, ut li ruxtaan li Qaawa’ sa’ lix yu’ameb’.
-
Tenq’aheb’ laj tzolonel chixkawob’resinkil lix wanjikeb’ rik’in li qaChoxahil Yuwa’ ut li Jesukristo.
-
Tenq’aheb’ laj tzolonel chixyalb’aleb’ xq’e chi wank jo’ li Jesukristo.
Li jolomil na’leb’ chirix li k’utuk jo’ li Kristo
Xraab’aleb’ li tzolbʼilebʼ aabʼaan
-
Chawileb’ laj tzolonel jo’ narileb’ li Dios.
-
Sik’ xnawb’aleb’ ru—chatawaq ru li wankeb’ wi’, li neke’raj ru, ut lix seeb’aleb’.
-
Chattijoq chirixeb’ rik’in tz’aqal xk’ab’a’eb’.
-
Chiwanq junaq li na’ajej b’ar wi’ oxloq’inb’ilaqeb’ ut te’xnaw naq li k’a’ru neke’xwotz k’eeb’il xloq’al.
-
Chataw li ch’ina na’leb’ us xb’aanunkil re taak’ut wi’ laa rahom.
Kʼutuk rikʼin li Musiqʼej
-
Kawresi aawib’ sa’ musiq’ej.
-
Rajlal kawresinb’ilaqat re rab’inkil li na’leb’ taak’ul chirix li rajomeb’ ru laa tzolom.
-
Kawresi junaq li na’ajej ut k’e li hoonal re naq a’anaq li Santil Musiq’ej li taatzoloq reheb’ li komon.
-
Tenq’aheb’ li komon chixsik’b’al, chixk’eeb’al reetal, ut chixk’anjelakil li na’leb’ xe’xk’ul.
-
Wotz laa nawom chi kok’ aj xsa’ ut b’oqeb’ li komon chixwotzb’al li reek’ahomeb’, lix k’ulumeb’, ut lix nawomeb’.
Xkʼutbʼal li tzolʼlebʼ
-
Tzol lix tzol’leb’ li Jesukristo aajunes.
-
Oksiheb’ li loq’laj hu ut li raatineb’ li profeet sa’ roso’jikeb’ li kutan naq nakatk’utuk.
-
Tenq’aheb’ li komon chixsik’b’al, chixk’eeb’al reetal, ut chixtawb’aleb’ li yaal wankeb’ sa’eb’ li loq’laj hu.
-
K’e laa wilob’aal sa’eb’ li yaal neke’k’amok b’e sa’ li jalaak ut neke’kab’lan paab’aal chirix li Jesukristo.
-
Tenq’aheb’ li komon re naq te’xk’ul xna’leb’ rik’in lix tzol’leb’ li Kristo.
Xbʼoqbʼalebʼ re teʼxyal xqʼe chi tzolok
-
Tenq’aheb’ li komon rik’in lix teneb’ankil chirix li tzolok.
-
K’e xkawileb’ xch’ool li komon naq te’wulaq chixnawb’al ru li Kolonel naq te’xtzol li evangelio wulaj wulaj.
-
B’oqeb’ li komon chixkawresinkileb’ rib’ re tzolok.
-
K’e xkawileb’ xch’ool li komon chixwotzb’al li yaal li yookeb’ chixtzolb’al.
-
B’oqeb’ li komon chixyu’aminkil li yookeb’ chixtzolb’al.