Lenaneo la mantswe
-
BoporistaKe tumello le matla a Modimo. Modimo o neha motho matla ana ho etsa dintho lebitsong la Hae. Boporista ba Aarone bo tsosolotswe ka Joseph Smith ke Johanne Mokolobetsi, ya neng a kolobetse Jesu. Boporista ba Melki zedek bo tsosolotswe ke Petrose, Jakobo, le Johanne, ba bararo ho ba Lehome le metso e Mmedi ba baapostola ba Jesu.
-
Boporista ba MelkizedekBoporista bo phahameng kapa bo boholo. Bo fuwe lebitso la Melkizedek wa Testamente ya kgale ka Bibeleng,eo e neng ele moporista e moholo ebile ele morena ya lokileng.
-
Boporista ba AaroneBoporista bo bonyenyaneBoporista bona bo ena le matla a ho kolobetsa mme bo fuwe lebitso la Aarone wa Testamente ya kgale ka Bibeleng.
-
EvangediMoralo wa Ntate ya Mahodimong wa ho re thusa ho fumana kgotso bophelong bona le thabo ka hosafeleng. Evangedi e tsepame hodimo ha Topollo ya Jesu Kreste mme ere hloka hore re ebe le tumelo ho Eena, re bakele dibe tsa rona, re kolobetswe, re fuwe mpho ya Moya o Halalelang, mme re mamelle ho isa pheletsong.
-
KgelohoKe ha batho ka bo mong, kereke, kapa dichaba tsohle li fetohela kapa ho lahla evangedi ya Jesu Kreste. Kgeloho e baka karohano, pherekano, le tahlehelo ya matla a boporista, kapa tokelo ya ho etsa dintho lebitsong la Modimo.
-
KolobetsoKe mohato wa bohlokwa wa ho amohela tshwarelo ya dibe. Ka kolobetso le tiiseletso ka matla a Boporista, re eba ditho tsa Kereke ya Jesu Kreste ya Bahalaledi ba Mehla ya Kajeno. Kolobetso e etswa ka ho inelwa, ho bolelang hore motho ha a kolobetswa mmele wa hae o kenngwa ka metsing kaofela ha nakwana e nyenyane. Kolobetso e bontsha boitelo ba rona ho latela mohlala wa Kreste le ho etsa dilekane le Modimo.
-
MoapostolaKe lebitso leo Jesu Kreste a neng a le fe banna ba leshome le metso e mmedi bao a neng a ba kgethe ele basebetsi mmoho ba Hae ba kgethehileng nakong ya bosebeletsi ba Hae lefatsheng bao a ileng a ba neha matla a ho etsa dintho ka lebitso la Hae. Mehleng ena, Jesu Kreste o bitsitse banna ba bang ho sebetsa ele Baapostola ba Hae. Jwalo ka dinakong tse fetileng, Moapostola ke paki e ikgethileng ya Jesu Kreste mme o ena le matla a tswang ho Eena.
-
Moya o HalalelangHape o bitswa Moya o Halalelang, Moya wa Modimo, le Motshedise. O tsebahatsa, kapa ho paka ka Ntate ya Mahodimong le Jesu Kreste hape o senola le ho ruta nnete.
-
TopolloKe ketsahalo e entseng hore re boele ho Modimo. Ho lopolla ke ho hlokofaletswa kotlo ya sebe, ele ho tlosa ditla-morao tsa sebe ho baetsa-dibe ba bakang. Jesu Kreste e ne ele Eena feela ya neng aka lokelwa ke ho etsa Topollo e phethahetseng bakeng la batho bohle. Topollo ya Hae e bile ho hlokofaletswa dibe tsa rona, ho tshollwa ha madi a Hae, le lefu le Tsoho ya Hae Bafung. Ka lebaka la Topollo, bohle ba phetseng ba tla tsoha bafung. Topollo e boetse e re neha tsela eo re tshwarelwang dibe tsa rona ka yona le ho ya phela ka hosafeleng le Modimo.
-
Tshebeletso ya EvangediKe tshebeletso e halalelang, e hlophisitsweng e etswang ka matla a boporista. Mohlala ke kolobetso.
-
TshenoloPuisano pakeng tsa Modimo le bana ba Hae, ha ngata ka Moya o Halalelang. Batho ka bo mong ba ka amohela tshenolo ho tsamaisa maphelo a bona, empa ke feela moporofeta ya kghethilweng ke Modimo ya amohelang Tshenolo bakeng la lefatshe lohle. Tshenolo e tla ka mekgwa e mengata, empa ha ngata e tla ka mokgwa wa menahano, maikutlo, le dinyenyeletso.
-
Tsoho ya bafuKamorao ho lefu la mmele, kopano ya moya le mmele o phethahetseng wa nama le masapo. Jesu Kreste ke eena wa pele wa ho tsoha bafung.
-
TsosolosoKe ho etsa ntho jwalo kaha e ne ele ka teng; ho e theha hape; ho e tlisa hape botjha. Kamor’a hore nnete le matla di lahlehe lefatsheng, evangedi e ile ya tsosoloswa ka moporofeta Joseph Smith. Tsosoloso e fapana le ntlafatso ka hore ho ntlafatsa ho hlalosa ho tlisa diphetoho mokgatlong o seng o ntse o le teng kapa ditlwaelo tseo di ntseng di le teng ele ho leka ho e khutlisetsa moo e neng e le kateng pele, ha ho tsosolosa ho hlalosa ho boela o theha hape kapa ho boela o ntjhafatsa mokgatlo kapa ditlwaelo tsa pele di ntse di le jwalo di felletse.