E faapefea ona ou fesoasoani i se tasi ia lagonaina e alofagia, faatauaina, ma manaomia?

Na faasoa mai e Peresitene Jean B. Bingham: “O se tasi o auala sili ona taua e mafai ona tatou atiae ai ma faailoa atu ai lo tatou alofa mo o tatou tuaoi e ala lea i le faaali atu o mafaufauga ma upu. … Ua i ai i upu se mana e ofo ai, e faafiafia ai isi ma faalotovaivaia ai foi. Atonu tatou te manatuaina uma lava ni upu lē lelei na faalotovaivaia ai i tatou ma isi upu na tautalagia i le alofa na matua faagaeetia ai o tatou agaga. O le filifili e fai atu na o upu e lelei e uiga i isi—ma i—isi e siitia ma faamalolosia ai i latou o siomiaina i tatou ma fesoasoani ai i isi ia mulimuli i le ala a le Faaola.”(“O Le A Ou Aumaia le Malamalama o le Talalelei i totonu o Lo’u Aiga,” Liahona, Nov. 2016, 6, 7).

Sa faamalamalama mai e Sister Sharon Eubank e faapea, o nisi tagata e le lagonaina e talia pe taliaina i latou: “Ua faaali mai e le Feagaiga Fou ni taumafaiga maoae na faia e Iesu e aapa atu ai i ituaiga uma o tagata: o lepela, ao lafoga, tamaiti, le au Kalilaia, fafine talitane, o fafine, au Faresaio, o ē agasala, o Samaria, fafine ua oti a latou tane, o fitafita Roma, tagata mulilulua, o ē le mama i tulaga faalesauniga. E toetoe lava o tala uma, o loo Ia aapa atu i se tasi e le masani ona taliaina i faapotopotoga. … O se tulaga manaomia lē fetuunaia mo soo Kerisiano ma le Au Paia o Aso e Gata Ai le faaalia o le alofa moni i le tasi ma le isi.” (“O Keriso: O Le Malamalama e Susulu i le Pogisa,” Liahona, Me 2019, 74).