E faapefea ona ou faaaloalogia ia eseesega?

Afai e i ai ni tagata o lou aiga po o ni uo ua faailoa mai e i latou lava ua fesuiai itupa, tatalo mo le alofa o Keriso a o e taumafai malosi e mulimuli i le faataitaiga a le Faaola ma alofa ia i latou. O le poloaiga ia alofa le tasi i le isi ua aofia ai ma i latou e le o vaai atu i le lalolagi i le ala lava e tasi o loo tatou vaaia ai.

E pei ona sa aoao mai Peresitene Dallin H. Oaks: “I le tele o mafutaga ma tulaga i le olaga, e tatau lava ona tatou ola faatasi ma nei eseesega. I tulaga e taua ai, o lo tatou itu o nei eseesega e le tatau ona teenaina pe lafoaia, ae i le avea ai ma soo o Keriso e tatau ona tatou ola filemu faatasi ma isi e le tutusa o tatou tulaga faatauaina pe talia ia aoaoga ia o loo faavaeina ai. O le ata o le faaolataga a le Tama, lea ua tatou iloaina i faaaliga faaperofeta, ua tuu ai i tatou i se tulaga faaletino lea e ao ai ona tatou tausia Ana poloaiga. E aofia ai i lena mea le alofa i o tatou tuaoi e eseese aganuu ma talitonuga e pei ona Ia alofa mai ia i tatou. E pei ona aoao mai se perofeta o le Tusi a Mamona, e tatau ona tatou fetaomi atu i luma, ma ‘se alofa i le Atua ma tagata uma’ (2 Nifae 31:20)” (“Ola Faatasi ma Alolofa atui Isi e Eseese o Tatou Talitonuga,” Liahona, Nov. 2014, 28).