E aha tā’u e rave nō te fa’a’ite i te here huru Mesia ?

E mea faufa’a roa ’ia hāro’aro’a ē, « tei te vāhi ta’a ’ē roa te ta’ata i ni’a i te ’ē’a ». E tītauhia ia tātou ’ia ’ite i te mau hina’aro o vetahi ’ē tei hā’ati nei ia tātou. E fāri’i tē feiā ato’a i tē tāmatara’a. Tē vai ra e mau tāmatara’a rahi roa ’ino ’aita tātou i ’ite a’e. ’Ua here te Atua ia tātou pā’āto’a. E tītauhia ia tātou ’ia hi’o pāpū maita’i ia vetahi ’ē nā roto i tē mata o te Mesia. ’Eiaha « nā te ferurira’a ha’avā e fa’ahepo i te huru tātou e rave i te ta’ata ». E ’ere te orara’a « i tō tātou noa nu’ura’a i mua, ’o te tauturura’a rā ia vetahi ’ē ia nu’u ato’a i mua ». « ’Ua tu’uhia tātou i tē vahi tei reira tātou nō te fa’atupu i te here ’e nō te fa’ateitei ia vetahi ’ē ».

Te rirora’a ’ei pipi nō te Mesia, te aura’a ra, ’ei tauturu ia vetahi ’ē i ni’a i te ’ē’a. « ’Aita roa atu te ’evanelia a Iesu Mesia e tu’u nei i te mau ta’ata i te hiti. E tu’u te ta’ata i te ta’ata i te hiti. ’E nā tātou e tātā’i i te reira. E tītauhia ia tātou ’ia vai ara noa ’e ’ia here ia rātou ’e ’ia vaiiho i te taime nō te tupu mai ’e nō te ’ūa’a ’e nō te riro i te ta’ata maita’i roa a’e e noa’a ia rātou. E tārēni ’e te ’aravihi tō rātou ’e [e huru ho’i] tei hina’arohia i roto i te bāsileia o te Atua ». ’Ia haere ana’e te mau ta’ata i te purera’a, « e mea ti’a ïa ’ia fāri’ihia rātou i reira ra ma te here, te poupou ’e te fa’auruhia ato’a ho’i ». I muri mai, ’ia haere ana’e rātou i rāpa’e i tē ’ōpani, e mea maita’i a’e ïa rātou « no tē mea ua ’ite rātou ē, ’ua here tē Fatu ia rātou. [’E ’ua ’ite ato’a rātou] ē, tē vai ra tō rātou mau hoa i roto i tā rātou fa’aro’o » (Carol F. McConkie, « Lifting Others », ChurchofJesusChrist.org).