E aha tā’u e rave ’e ’aore rā, e parau ?

E riro ē, e mea huru fifi nā mua. Pēnei a’e ’o te riri ’e te pāto’ira’a te mana’o mātāmua. « E mea faufa’a roa ’ia tāmarū ia ’oe nō te tu’u i te reira mau mea atoa’ i te hiti, ’e ’ia fa’aoroma’i ’e ’ia ha’amata i te paraparau ’e i te fa’aro’o ’e i te tāmata ’ia haro’aro’a maita’i a’e ». ’Aita ’outou i tītauhia e fa’a’āfaro i te mau mea ato’a i roto i te hō’ē ’āva’e ’e ’aore rā, te hō’ē hepetoma ’e ’aore rā, te hō’ē matahiti.

’Ia toro ana’e i te rima i te ta’ata ’e ’ia aupuru ana’e ia rātou, e mea faufa’a roa ’ia fāri’i i te mana’o ’e te fa’a’itera’a a terā ta’ata. E tūtava tātou i te haere i te mau ta’ata ra, ma te here ’e te hāro’aro’a huru Mesia, noa atu te vāhi tei reira rātou i ni’a i te ’ē’a nō te tāhuti nei, ’e mai reira e haere atu ai i mua.