ʻOku lava ʻe he lisi hokohoko ʻo e ngaahi mapé ʻo tokoniʻi koe ke ke kumi ʻo ʻiloʻi ʻi he mapé ʻa e feituʻu ʻokú ke kumí. ʻOku fakahā atu ʻi he hingoa taki taha ʻa e fika ʻo e mape ʻoku tuʻu ai ʻa e feituʻu ko iá, pea hoko atu ai mo e feituʻu ʻi he mapé ʻa ia ʻoku maʻu ai iá, ʻa ia ko ha mataʻi tohi ia ʻoku ʻoatu fakataha mo ha mataʻi fika. Hangē ko ʻení, ʻoku fakahā atu ʻa e feituʻu ʻoku tuʻu ai ʻa Lapana (ʻAmani) ʻi he mapé ʻo pehē ko e 1:H5—pea ko e ʻuhinga ia ki he, mape fika 1, mo e sikuea H5. Te ke lava ʻo maʻu ʻa e ngaahi sikuea ʻi he mape taki taha, ʻaki haʻo vakai ki he ngaahi mataʻi tohi ʻi ʻolunga ʻi he mapé mo hono fetaulakiʻanga mo e mataʻi fika ʻi he tafaʻaki ʻo e mapé. ʻOku haʻi atu ʻi mui ʻa e ngaahi hingoa kehe ʻoku ui ʻaki ʻa e ngaahi feituʻú—hangē ko ʻení, naʻe toe ui foki ʻa Lapana ko ʻAmani. Ka ʻasi atu ha fakaʻilonga fehuʻi ʻi mui ʻi ha hingoa, ko hono ʻuhingá, ko e feituʻu ko ia ʻoku hā atu ʻi he mapé ko ha fakaʻapē pē ʻa e feituʻu ko iá, ka ʻoku ʻikai ko hano fakapapauʻi totonu ia ʻo hono tuʻungá.