1 Ug karon ako, si Nephi, dili mohatag sa kasaysayan sa kagikan sa akong mga amahan dinhi niini nga bahin sa akong talaan; ni ako mohatag niini bisan kanus-a dinhi niining mga palid nga akong gisulat; kay gisulat na kini diha sa talaan nga gitipigan sa akong amahan; mao nga, dili ko kini isulat dinhi niini nga buhat.

2 Kay igo na kanako ang pag-ingon nga kami mga kaliwat ni Jose.

3 Ug dili mahinungdanon kanako nga akong idetalye ang paghatag og tibuok nga asoy sa tanan nga butang nga gisulat sa akong amahan, kay dili kini mopaigo dinhi niini nga mga palid, kay ang akong tinguha mao ang lunâ nga akong kasulatan sa mga butang mahitungod sa Dios.

4 Kay ang kinatibuk-an sa akong tuyo mao nga akong madani ang mga tawo nga magpaduol ngadto sa Dios ni Abraham, ug sa Dios ni Isaac, ug sa Dios ni Jacob, ug maluwas.

5 Mao nga, ang mga butang nga makapahimuot sa kalibotan dili ko isulat, kondili ang mga butang nga makapahimuot sa Dios ug ngadto kanila kinsa dili iya sa kalibotan.

6 Mao nga, mohatag ako og sugo ngadto sa akong binhi, nga dili nila pun-on kini nga mga palid sa mga butang nga walay bili sa mga anak sa katawhan.