Mosiah

Basahon ni Mormon

Mga Sulod
Pasiuna ug mga Saksi
1 Nephi
2 Nephi
Jacob
Enos
Jarom
Omni
Mga Pulong ni Mormon
Mosiah
Alma
Helaman
3 Nephi
4 Nephi
Mormon
Ether
Moroni

Mosiah

Kapitulo 1
Gitudloan ni hari Benjamin ang iyang mga anak nga lalaki sa pinulongan ug mga panagna sa ilang mga amahan—Ang ilang relihiyon ug sibilisasyon napatunhay tungod sa mga talaan nga gitipigan sa nagkalain-laing mga palid—Si Mosiah napili nga hari ug gihatagan og katungod sa pag-atiman sa mga talaan ug sa uban pang mga butang. Mga 130–124 B.C.
Kapitulo 2
Namulong si hari Benjamin sa iyang katawhan—Gisaysay niya og balik ang pagkamakiangayon, pagkapatas, ug ang pagka-espirituhanon sa iyang paghari—Mitambag siya kanila sa pag-alagad sa ilang Langitnong Hari—Kadtong mobatok sa Dios mag-antos sa kasakit nga sama sa walay pagkapalong nga kalayo. Mga 124 B.C.
Kapitulo 3
Gipadayon ni hari Benjamin ang iyang pakigpulong—Ang Ginoong Makagagahom mangalagad taliwala sa katawhan sa mortal nga lawas—Dugo manggawas sa matag lungag sa Iyang panit samtang mag-ula Siya alang sa mga kasal-anan sa kalibotan—Ang Iyang ngalan mao lamang ang bugtong nga ngalan diin ang kaluwasan moabot—Ang katawhan mahimong mosalikway sa kinaiyanhon nga tawo ug mamahimong mga Santos pinaagi sa Pag-ula—Ang hilabihang pagsakit sa mga daotan susama sa usa ka linaw sa kalayo ug asupre. Mga 124 B.C.
Kapitulo 4
Gipadayon ni hari Benjamin ang iyang pakigpulong—Ang kaluwasan moabot tungod sa Pag-ula—Tuo sa Dios aron maluwas—Pagbaton og kapasayloan sa inyong mga sala pinaagi sa pagkamatinud-anon—Ipakigbahin ang inyong kabtangan ngadto sa mga kabos—Buhata ang tanan nga butang pinaagi sa kaalam ug kahusay. Mga 124 B.C.
Kapitulo 5
Ang mga Santos nahimong mga anak nga lalaki ug mga anak nga babaye ni Kristo pinaagi sa pagtuo—Sila gitawag dayon sa ngalan ni Kristo—Gitambagan sila ni hari Benjamin nga magmakanunayon ug dili matarog sa paghimo og maayong mga buhat. Mga 124 B.C.
Kapitulo 6
Gisulat ni hari Benjamin ang mga ngalan sa katawhan ug nagpili og mga pari aron magtudlo kanila—Naghari si Mosiah isip usa ka matarong nga hari. Mga 124–121 B.C.
Kapitulo 7
Nakaplagan ni Ammon ang yuta nga Lehi-Nephi, diin si Limhi mao ang hari—Ang katawhan ni Limhi giulipon sa mga Lamanita—Gisugilon og balik ni Limhi ang ilang kasaysayan—Usa ka propeta (Abinadi) mipamatuod nga si Kristo mao ang Dios ug Amahan sa tanang butang—Kadtong mga nagpugas og kahugawan moani og alimpulos, ug kadtong kinsa mobutang sa ilang pagsalig diha sa Ginoo luwason. Mga 121 B.C.
Kapitulo 8
Gitudloan ni Ammon ang katawhan ni Limhi—Nahibaloan niya ang mahitungod sa kawhaan ug upat ka Jaredita nga mga palid—Ang karaan nga mga talaan mahubad pinaagi sa mga manalagna—Walay gasa ang labaw pa kay sa pagkamanalagna. Mga 121 B.C.
Kapitulo 9
Si Zeniff nangulo sa usa ka pundok gikan sa Zarahemla aron mopanag-iya sa yuta sa Lehi-Nephi—Ang hari sa mga Lamanita mitugot nga sila makapanunod sa yuta—Adunay gubat tali sa mga Lamanita ug sa katawhan ni Zeniff. Mga 200–187 B.C.
Kapitulo 10
Si Hari Laman namatay—Ang iyang katawhan mga luog ug bangis ug nagtuo sa sayop nga mga tradisyon—Si Zeniff ug ang iyang katawhan midaog batok kanila. Mga 187–160 B.C.
Kapitulo 11
Si Hari Noah nangulo sa kadaotan—Gikalipay niya sa hilabihan ang sobrang paglingaw-lingaw sa kinabuhi kauban sa iyang mga asawa ug mga puyo-puyo—Gitagna ni Abinadi nga ang katawhan pagadad-on ngadto sa pagkaulipon—Ang iyang kinabuhi gitinguhang kutloon ni Hari Noah. Mga 160–150 B.C.
Kapitulo 12
Si Abinadi gibilanggo tungod sa pagpanagna sa kalaglagan sa katawhan ug sa kamatayon ni Hari Noah—Ang mini nga mga pari mikutlo sa mga kasulatan ug nagpakaaron-ingnon nga nagtuman sa balaod ni Moises—Si Abinadi nagsugod sa pagtudlo kanila sa Napulo ka Sugo. Mga 148 B.C.
Kapitulo 13
Si Abinadi gipanalipdan pinaagi sa balaan nga gahom—Gitudlo niya ang Napulo ka Sugo—Ang kaluwasan dili moabot pinaagi sa balaod ni Moises lamang—Ang Dios mismo mohimo og usa ka pag-ula ug motubos sa Iyang katawhan. Mga 148 B.C.
Kapitulo 14
Namulong si Isaias susama sa Mesiyas—Ang pagpaubos ug mga pag-antos sa Mesiyas gitakda—Gihimo Niya ang Iyang kalag nga usa ka paghalad alang sa sala ug gihimo ang pagpangamuyo alang sa mga malapason—Itandi sa Isaias 53. Mga 148 B.C.
Kapitulo 15
Sa unsang paagi nga si Kristo parehong Amahan ug Anak—Mangamuyo Siya ug mopas-an sa mga kalapasan sa Iyang katawhan—Sila ug ang tanan nga balaang mga propeta Iyang binhi—Iyang gipahitabo ang Pagkabanhaw—Ang gagmayng mga bata adunay kinabuhing dayon. Mga 148 B.C.
Kapitulo 16
Ang Dios motubos sa mga tawo gikan sa ilang kahimtang sa pagkawala ug pagkapukan—Kadtong mga tawhanon magpabilin sama nga walay katubsanan—Si Kristo mopahitabo sa pagkabanhaw ngadto sa walay kataposang kinabuhi o ngadto sa walay kataposang panghimaraot. Mga 148 B.C.
Kapitulo 17
Si Alma mituo ug misulat sa mga pulong ni Abinadi—Si Abinadi nag-antos sa kamatayon pinaagi sa kalayo—Nanagna siya og sakit ug kamatayon pinaagi sa kalayo alang sa iyang mga mamumuno. Mga 148 B.C.
Kapitulo 18
Si Alma nagsangyaw sa tago—Gihan-ay niya ang pakigsaad sa bunyag ug nagbunyag didto sa katubigan sa Mormon—Nagtukod siya og Simbahan ni Kristo ug mi-orden og mga pari—Gisuportahan nila ang ilang mga kaugalingon ug nagtudlo sa katawhan—Si Alma ug ang iyang katawhan milayas gikan kang Hari Noah ngadto sa kamingawan. Mga 147–145 B.C.
Kapitulo 19
Si Gideon nagtinguha sa pagpatay ni Hari Noah—Misulong ang mga Lamanita sa yuta—Si Hari Noah nag-antos sa kamatayon pinaagi sa kalayo—Si Limhi nagmando ingon nga usa ka monarkiya nga tighatag og buhis ngadto sa mas taas nga hari. Mga 145–121 B.C.
Kapitulo 20
Ang ubang mga anak nga babaye sa mga Lamanita gidagit sa mga pari ni Noah—Ang mga Lamanita nagpasiugda og gubat ngadto ni Limhi ug sa iyang katawhan—Ang panon sa katawhan nga Lamanita gipaatras ug gihupay. Mga 145–123 B.C.
Kapitulo 21
Ang katawhan ni Limhi gisilotan ug gibuntog sa mga Lamanita—Ang katawhan ni Limhi misugat ni Ammon ug nakabig—Gisultihan nila si Ammon bahin sa kawhaan ug upat ka palid sa Jaredita. Mga 122–121 B.C.
Kapitulo 22
Mga plano gihimo alang sa paglayas sa katawhan gikan sa pagkaulipon sa mga Lamanita—Ang mga Lamanita gihubog—Ang katawhan milayas, mibalik ngadto sa Zarahemla ug nahimong sakop ni Hari Mosiah. Mga 121–120 B.C.
Kapitulo 23
Si Alma mibalibad nga mahimong hari—Nangalagad siya isip usa ka labaw nga pari—Ang Ginoo mipanton sa Iyang katawhan, ug ang mga Lamanita mibihag sa yuta sa Helam—Si Amulon, pangulo sa daotan nga mga pari ni Hari Noah, nagmando ubos sa hari sa Lamanita. Mga 145–121 B.C.
Kapitulo 24
Si Amulon milutos ni Alma ug sa iyang katawhan—Pahamtangan sila sa kamatayon kon mag-ampo sila—Ang Ginoo mihimo sa ilang mga palas-anon nga daw gaan—Siya miluwas kanila gikan sa pagkaulipon, ug namalik sila sa Zarahemla. Mga 145–120 B.C.
Kapitulo 25
Ang mga kaliwat ni Mulek didto sa Zarahemla nahimong mga Nephita—Nakahibalo sila kabahin sa katawhan ni Alma ug ni Zeniff—Si Alma mibunyag kang Limhi ug sa tanan niya nga katawhan—Si Mosiah mihatag og pagtugot kang Alma sa pagtukod sa Simbahan sa Dios. Mga 120 B.C.
Kapitulo 26
Daghan nga sakop sa Simbahan nadala sa pagpakasala pinaagi sa mga dili matuohon—Si Alma gisaaran og kinabuhing dayon—Kadtong kinsa maghinulsol ug magpabunyag makaangkon og kapasayloan—Ang mga sakop sa Simbahan nga makasala kinsa maghinulsol ug mokompisal ngadto kang Alma ug sa Ginoo mapasaylo; kon dili, dili sila maihap nga kauban sa katawhan sa Simbahan. Mga 120–100 B.C.
Kapitulo 27
Gidid-an ni Mosiah ang pagpanglutos ug miawhag sa kaangayan—Si Alma nga batan-on ug ang upat ka anak nga mga lalaki ni Mosiah nagtinguha sa paglaglag sa Simbahan—Usa ka anghel mipakita ug misugo kanila sa paghunong sa ilang daotan nga palakaw—Si Alma naamang—Ang tanan nga katawhan kinahanglan gayod nga matawo pag-usab aron makaangkon og kaluwasan—Si Alma ug ang mga anak na lalaki ni Mosiah mipadayag og malipayong mga balita. Mga 100–92 B.C.
Kapitulo 28
Ang mga anak nga lalaki ni Mosiah nanglakaw aron sa pagsangyaw ngadto sa mga Lamanita—Gamit ang duha ka bato sa manalagna, gihubad ni Mosiah ang mga palid sa mga Jaredita. Mga 92 B.C.
Kapitulo 29
Si Mosiah misugyot nga magpili og mga maghuhukom puli sa hari—Ang dili matarong nga mga hari modala sa ilang katawhan ngadto sa sala—Si Alma nga batan-on napili nga labaw nga maghuhukom pinaagi sa tingog sa katawhan—Siya usab ang halangdon nga pari sa Simbahan—Si Alma nga mas edaran ug si Mosiah namatay. Mga 92–91 B.C.

Iprinta

Ilakip ang mga highlight ug mga underline

Sign-in aron magamit

Ilakip ang mga footnote