1 Nephi

Basahon ni Mormon

Mga Sulod
Pasiuna ug mga Saksi
1 Nephi
2 Nephi
Jacob
Enos
Jarom
Omni
Mga Pulong ni Mormon
Mosiah
Alma
Helaman
3 Nephi
4 Nephi
Mormon
Ether
Moroni

1 Nephi

Kapitulo 1
Si Nephi misugod sa paghimo sa talaan sa iyang katawhan—Nakita ni Lehi sa panan-awon ang usa ka haligi sa kalayo ug mibasa gikan sa libro sa panagna—Gidayeg niya ang Dios, gitagna ang pag-anhi sa Mesiyas, ug gitagna ang pagkalaglag sa Jerusalem—Siya gilutos sa mga Judeo. Mga 600 B.C.
Kapitulo 2
Si Lehi midala sa iyang pamilya ngadto sa kamingawan dapit sa Pulang Dagat—Gipangbiyaan nila ang ilang mga kabtangan—Si Lehi mihalad og sakripisyo sa Ginoo ug mitudlo sa iyang mga anak nga lalaki sa pagtuman sa mga sugo—Si Laman ug si Lemuel nagbagulbol batok sa ilang amahan—Si Nephi nagmasulondon ug nag-ampo inubanan sa pagtuo; ang Ginoo namulong kaniya, ug siya ang gipili nga mangulo sa iyang mga igsuong lalaki. Mga 600 B.C.
Kapitulo 3
Ang mga anak nga lalaki ni Lehi namalik sa Jerusalem aron mokuha sa mga palid nga tumbaga—Si Laban midumili sa paghatag sa mga palid—Si Nephi miawhag ug midasig sa iyang mga igsuong lalaki—Si Laban mikawat sa ilang mga kabtangan ug misulay sa pagpatay kanila—Si Laman ug si Lemuel mibunal ni Nephi ug ni Sam ug gibadlong sa anghel. Mga 600–592 B.C.
Kapitulo 4
Gipatay ni Nephi si Laban agi og pagsunod sa sugo sa Ginoo ug dayon mikuha sa mga palid nga tumbaga pinaagi sa usa ka taktika—Si Zoram mipili nga mokuyog sa pamilya ni Lehi ngadto sa kamingawan. Mga 600–592 B.C.
Kapitulo 5
Si Sariah mireklamo batok kang Lehi—Silang duha nagmaya sa pagbalik sa ilang mga anak—Naghalad sila og mga sakripisyo—Ang mga palid nga tumbaga naglakip sa mga sinulat ni Moises ug sa mga propeta—Ang mga palid nagtino nga si Lehi kaliwat ni Jose—Si Lehi nanagna kabahin sa iyang binhi ug sa pagtipig sa mga palid. Mga 600–592 B.C.
Kapitulo 6
Si Nephi misulat sa mga butang mahitungod sa Dios—Ang tuyo ni Nephi mao ang pagdani sa mga tawo nga moduol ngadto sa Dios ni Abraham ug maluwas. Mga 600–592 B.C.
Kapitulo 7
Ang mga anak nga lalaki ni Lehi namalik sa Jerusalem ug midani kang Ishmael ug sa iyang pamilya sa pagkuyog kanila sa ilang panaw—Si Laman ug ang uban misupil—Si Nephi miawhag sa iyang mga igsuong lalaki sa pagbaton og pagtuo sa Ginoo—Sila migapos kaniya og pisi ug naglaraw sa pagpatay kaniya—Nakalingkawas siya pinaagi sa gahom sa pagtuo—Ang iyang mga igsuong lalaki nangayo og pasaylo—Si Lehi ug ang iyang mga kauban mihalad og sakripisyo ug mga sinunog nga halad. Mga 600–592 B.C.
Kapitulo 8
Si Lehi nakakita og panan-awon bahin sa kahoy sa kinabuhi—Mikaon siya sa bunga niini ug nagtinguha nga ang iyang pamilya mokaon usab—Nakakita siya og gunitanan nga puthaw, higpit ug pig-ot nga agianan, ug gabon sa kangitngit nga mitabon sa mga tawo—Si Sariah, Nephi, ug Sam mikaon sa bunga, apan si Laman ug si Lemuel midumili. Mga 600–592 B.C.
Kapitulo 9
Si Nephi mihimo og duha ka hugpong sa mga talaan—Ang matag usa gitawag og mga palid ni Nephi—Ang mas dagkong mga palid naglangkob sa kalibotanong kasaysayan; ang mas gagmay niini naghisgot sa sagradong mga butang. Mga 600–592 B.C.
Kapitulo 10
Si Lehi nanagna nga ang mga Judeo mabihag sa mga taga-Babilonia—Misulti siya bahin sa pag-anhi taliwala sa mga Judeo sa usa ka Mesiyas, sa usa ka Manluluwas, sa usa ka Manunubos—Si Lehi misulti usab bahin sa pag-anhi sa usa kinsa mobunyag sa Kordero sa Dios—Si Lehi misulti mahitungod sa kamatayon ug pagkabanhaw sa Mesiyas—Iyang gitandi ang pagkatibulaag ug pagkapundok sa Israel ngadto sa usa ka kahoy nga oliba—Si Nephi namulong bahin sa Anak sa Dios, sa gasa sa Espiritu Santo, ug sa panginahanglan sa pagkamatarong. Mga 600–592 B.C.
Kapitulo 11
Si Nephi nakakita sa Espiritu sa Ginoo ug gipakita sa kahoy sa kinabuhi pinaagi sa panan-awon—Nakakita siya sa inahan sa Anak sa Dios ug nakakat-on mahitungod sa pagpaubos sa Dios ngadto sa tawo—Nakakita siya sa pagbunyag, pagpangalagad, ug pagkalansang sa Kordero sa Dios sa krus—Nakakita usab siya sa pagtawag ug pagpangalagad sa Napulog Duha ka Apostoles sa Kordero. Mga 600–592 B.C.
Kapitulo 12
Si Nephi nakakita sa yutang saad pinaagi sa panan-awon; sa pagkamatarong, pagkadaotan, ug pagkapukan sa mga lumulupyo niini; sa pag-abot sa Kordero sa Dios taliwala kanila; kon sa unsa nga paagi ang Napulog Duha ka Disipulo ug ang Napulog Duha ka Apostoles mohukom sa Israel; ug sa makapadumot ug hugaw nga kahimtang niadtong kinsa mokunhod ngadto sa kawalay pagtuo. Mga 600–592 B.C.
Kapitulo 13
Si Nephi nakakita pinaagi sa panan-awon sa simbahan sa yawa nga gitukod taliwala sa mga Hentil, sa pagkakaplag ug pagkasakop sa Amerika, sa pagkawala sa daghan nga yano ug bililhong mga bahin sa Biblia; sa kahimtang nga misangpot sa pag-apostasiya sa mga hentil; sa pagpahiuli sa ebanghelyo, sa pagtungha sa ulahing mga adlaw nga kasulatan, ug sa pagkatukod sa Zion. Mga 600–592 B.C.
Kapitulo 14
Ang anghel misulti kang Nephi sa mga panalangin ug mga tunglo nga modangat sa mga Hentil—Adunay duha lamang ka simbahan: ang Simbahan sa Kordero sa Dios ug ang simbahan sa yawa—Ang mga Santos sa Dios sa tanan nga kanasoran gipanglutos sa gamhanan ug salawayon nga simbahan—Si Apostol Juan mosulat mahitungod sa kataposan sa kalibotan. Mga 600–592 B.C.
Kapitulo 15
Ang mga binhi ni Lehi makadawat sa ebanghelyo gikan sa mga Hentil sa ulahing mga adlaw—Ang pagkapundok sa Israel gipahisama sa kahoy nga oliba kansang kinaiyanhon nga mga sanga ibalik sa pagsumbak—Si Nephi mihubad sa panan-awon bahin sa kahoy sa kinabuhi ug namulong bahin sa kaangayan sa Dios sa pagbulag sa mga daotan gikan sa mga matarong. Mga 600–592 B.C.
Kapitulo 16
Ang mga daotan maglisod sa pagdawat sa kamatuoran—Ang mga anak nga lalaki ni Lehi nakigminyo sa mga anak nga babaye ni Ishmael—Ang Liahona migiya sa ilang dalan padulong sa kamingawan—Mga mensahe gikan sa Ginoo nasulat sa Liahona matag karon ug unya—Si Ishmael namatay; ang iyang pamilya nagbagulbol tungod sa mga kasakit. Mga 600–592 B.C.
Kapitulo 17
Si Nephi gisugo sa paghimo og barko—Ang iyang mga igsuong lalaki misupak kaniya—Siya miawhag kanila pinaagi sa paghisgot sa kasaysayan sa mga pakigsabot sa Dios sa Israel—Si Nephi napuno sa gahom sa Dios—Ang iyang mga igsuong lalaki gidid-an sa paghikap kaniya, basin unya og sila malawos sama sa laya nga sagbot. Mga 592–591 B.C.
Kapitulo 18
Ang barko nahuman—Ang pagkahimugso ni Jacob ug ni Joseph gihisgotan—Ang pundok misugod sa pagbiyahe padulong sa gisaad nga yuta—Ang mga anak nga lalaki ni Ishmael ug ang ilang mga asawa nangapil sa hudyaka ug rebelyon—Si Nephi gigapos, ug ang barko gipadpad og balik sa mabangis nga unos—Si Nephi gibuhian ug pinaagi sa iyang pag-ampo ang bagyo milurang—Ang katawhan nangabot sa gisaad nga yuta. Mga 591–589 B.C.
Kapitulo 19
Si Nephi mihimo og mga palid nga oro ug mitala sa kasaysayan sa iyang katawhan—Ang Dios sa Israel moabot unom ka gatos ka tuig gikan sa panahon sa pagbiya ni Lehi sa Jerusalem—Si Nephi misaysay sa Iyang mga pag-antos ug pagkalansang sa krus—Ang mga Judeo biaybiayon ug pagatibulaagon hangtod sa ulahing mga adlaw, dihang mobalik na sila sa Ginoo. Mga 588–570 B.C.
Kapitulo 20
Ang Ginoo mipadayag sa Iyang mga katuyoan ngadto sa Israel—Ang Israel napili sa hudno sa kasakit ug mobiya gikan sa Babilonia—Itandi sa Isaias 48. Mga 588–570 B.C.
Kapitulo 21
Ang Mesiyas mamahimo nga kahayag ngadto sa mga Hentil ug mopagawas sa mga binilanggo—Pinaagi sa gahom ang Israel pagapundokon sa kataposang mga adlaw—Ang mga hari mahimo nga ilang tigmatuto nga mga amahan—Itandi sa Isaias 49. Mga 588–570 B.C.
Kapitulo 22
Ang Israel pagatibulaagon ibabaw sa tibuok yuta—Ang mga Hentil momatuto ug moamuma sa Israel pinaagi sa ebanghelyo sa kataposang mga adlaw—Ang Israel pundokon ug luwason, ug ang mga daotan masunog sama sa dagami—Ang gingharian sa yawa pagalaglagon, ug si Satanas pagagaposon. Mga 588–570 B.C.

Iprinta

Ilakip ang mga highlight ug mga underline

Sign-in aron magamit

Ilakip ang mga footnote