Alma

Basahon ni Mormon

Mga Sulod
Pasiuna ug mga Saksi
1 Nephi
2 Nephi
Jacob
Enos
Jarom
Omni
Mga Pulong ni Mormon
Mosiah
Alma
Helaman
3 Nephi
4 Nephi
Mormon
Ether
Moroni

Alma

Kapitulo 1
Si Nehor nagtudlo og sayop nga mga doktrina, nagtukod og usa ka simbahan, nagpasiugda og panapi sa mga pari, ug mipatay ni Gideon—Si Nehor gisilotan sa kamatayon tungod sa iyang mga krimen—Ang panapi sa mga pari ug mga pagpanglutos mikaylap diha sa katawhan—Ang mga pari nagsuporta sa ilang mga kaugalingon, ang katawhan mialima sa mga kabos, ug ang Simbahan miuswag. Mga 91–88 B.C.
Kapitulo 2
Si Amlici nagtinguha nga mahimong hari ug gisalikway pinaagi sa tingog sa katawhan—Ang iyang mga sumusunod naghimo kaniya nga hari—Ang mga Amlicita nakig-away sa mga Nephita ug nabuntog—Ang mga Lamanita ug mga Amlicita naghiusa sa ilang mga kusog ug nabuntog—Si Alma mipatay kang Amlici. Mga 87 B.C.
Kapitulo 3
Ang mga Amlicita mibutang og timaan sa ilang mga kaugalingon sumala sa pulong sa panagna—Ang mga Lamanita gitunglo tungod sa ilang pagsupil—Ang mga tawo nagdala sa ilang kaugalingon nga mga tunglo diha sa ilang kaugalingon—Ang mga Nephita nakabuntog og lain nga kasundalohan sa Lamanita. Mga 87–86 B.C.
Kapitulo 4
Si Alma nagbunyag sa liboan ka kinabig—Ang kadaotan misulod sa Simbahan, ug ang pag-uswag sa Simbahan nababagan—Si Nephihah gitudlo nga labaw nga maghuhukom—Si Alma, ingon nga labaw nga pari, migugol sa iyang kaugalingon ngadto sa pagpangalagad. Mga 86–83 B.C.
Kapitulo 5
Aron makaangkon og kaluwasan, ang mga tawo kinahanglan maghinulsol ug magtuman sa mga sugo, magpakatawo pag-usab, maghugas sa ilang mga sapot pinaagi sa dugo ni Kristo, magmapainubsanon ug wagtangon sa ilang mga kaugalingon ang garbo ug kasina, ug maghimo sa mga buhat sa pagkamatarong—Ang Maayong Magbalantay nagtawag sa Iyang katawhan—Kadtong kinsa nagbuhat og daotang mga buhat mao ang mga anak sa yawa—Si Alma nagpamatuod sa kamatuoran sa iyang doktrina ug nagsugo sa mga tawo sa paghinulsol—Ang mga ngalan sa mga matarong isulat sa basahon sa kinabuhi. Mga 83 B.C.
Kapitulo 6
Ang Simbahan sa Zarahemla nalimpyo ug napahiluna—Si Alma miadto sa Gideon aron mosangyaw. Mga 83 B.C.
Kapitulo 7
Matawo si Kristo kang Maria—Mohubad siya sa mga higot sa kamatayon ug mopas-an sa mga sala sa Iyang katawhan—Kadtong kinsa maghinulsol, mabunyagan, ug maghupot sa mga sugo makabaton og kinabuhi nga dayon—Ang kahugawan dili makapanunod sa gingharian sa Dios—Ang pagkamapainubsanon, pagtuo, paglaom, ug gugma nga putli gikinahanglan. Mga 83 B.C.
Kapitulo 8
Nagsangyaw si Alma ug nagbunyag didto sa Melek—Gisalikway siya didto sa Ammonihah ug mibiya—Usa ka anghel misugo kaniya sa pagbalik ug sa pagsangyaw og paghinulsol ngadto sa katawhan—Gidawat siya ni Amulek, ug silang duha nagsangyaw didto sa Ammonihah. Mga 82 B.C.
Kapitulo 9
Gisugo ni Alma ang katawhan sa Ammonihah sa paghinulsol—Ang Ginoo magmaluloy-on sa mga Lamanita sa kataposang mga adlaw—Kon ang mga Nephita mobiya sa kahayag, sila pagalaglagon sa mga Lamanita—Ang Anak sa Dios sa dili madugay moanhi—Siya motubos niadtong kinsa maghinulsol, magpabunyag, ug magbaton og pagtuo sa Iyang ngalan. Mga 82 B.C.
Kapitulo 10
Si Lehi kaliwat gikan ni Manases—Si Amulek misaysay pag-usab sa sugo sa anghel nga iyang atimanon si Alma—Ang mga pag-ampo sa matarong mao ang hinungdan nga ang katawhan maluwas—Ang dili matarong nga mga manlalaban ug mga maghuhukom nagpasiugda sa mga lakang nga maoy hinungdan sa kalaglagan sa katawhan. Mga 82 B.C.
Kapitulo 11
Ang paagi sa panalapi sa mga Nephita gihulagway—Si Amulek nakiglalis kang Zeezrom—Si Kristo dili moluwas sa katawhan sa ilang mga sala—Kadto lamang kinsa makapanunod sa gingharian sa langit ang maluwas—Ang tanang tawo mahimong imortal—Wala nay kamatayon human sa Pagkabanhaw. Mga 82 B.C.
Kapitulo 12
Si Alma nakigsulti ni Zeezrom—Ang mga misteryo sa Dios ikahatag lamang ngadto sa mga matinud-anon—Ang mga tawo hukman pinaagi sa ilang mga hunahuna, mga tinuohan, mga pulong, ug mga buhat—Ang daotan mahiagom og espirituhanong kamatayon—Kini nga mortal nga kinabuhi usa ka kahimtang sa pagsulay—Ang plano sa katubsanan mopahitabo sa Pagkabanhaw ug, pinaagi sa pagtuo, usa ka kapasayloan sa mga sala—Ang mga mahinulsolon adunay katungod sa pagdawat og kaluoy pinaagi sa Bugtong Anak. Mga 82 B.C.
Kapitulo 13
Ang mga lalaki gitawag nga labawng mga pari tungod sa ilang naghingapin nga pagtuo ug maayong mga buhat—Sila motudlo sa mga sugo—Pinaagi sa pagkamatarong sila mabalaan ug mosulod sa kapahulayan sa Ginoo—Si Melchizedek mao ang usa niini—Ang mga anghel mipadayag sa malipayong mga balita sa tibuok yuta—Sila mopahayag sa tinuod nga pag-anhi ni Kristo. Mga 82 B.C.
Kapitulo 14
Si Alma ug si Amulek gibilanggo ug gipaantos—Ang mga matuohon ug ang ilang balaan nga mga kasulatan gisunog sa kalayo—Kini nga mga martir gidawat sa Ginoo uban sa himaya—Ang mga bungbong sa bilanggoan nangasiak ug nangatumpag—Si Alma ug si Amulek naluwas, ug ang ilang mga tiggukod nangamatay. Mga 82–81 B.C.
Kapitulo 15
Si Alma ug si Amulek miadto sa Sidom ug nagtukod og simbahan—Si Alma miayo ni Zeezrom, kinsa nagpasakop sa Simbahan—Daghan ang nabunyagan, ug ang Simbahan miuswag—Si Alma ug si Amulek miadto sa Zarahemla. Mga 81 B.C.
Kapitulo 16
Ang mga Lamanita milaglag sa katawhan sa Ammonihah—Si Zoram nangulo sa mga Nephita nga magmadaogon batok sa mga Lamanita—Si Alma ug si Amulek ug daghan pa nagsangyaw sa pulong—Sila nagtudlo nga human sa Iyang Pagkabanhaw si Kristo magpakita sa mga Nephita. Mga 81–77 B.C.
Kapitulo 17
Ang mga anak nga lalaki ni Mosiah adunay espiritu sa pagpanagna ug pagpadayag—Miadto sila sa ilang nagkalainlain nga mga dapit aron sa pagsangyaw sa pulong ngadto sa mga Lamanita—Si Ammon miadto sa yuta sa Ishmael ug nahimo nga sulugoon ni Hari Lamoni—Si Ammon miluwas sa mga gagmayng kahayopan sa hari ug mipatay sa iyang mga kaaway diha sa tubig sa Sebus. Mga bersikulo 1–3, mga 77 B.C.; bersikulo 4, mga 91–77 B.C.; ug mga bersikulo 5–39, mga 91 B.C.
Kapitulo 18
Si Haring Lamoni nagtuo nga si Ammon mao ang Gamhanang Espiritu—Si Ammon mitudlo sa hari kabahin sa Paglalang, sa mga pagdumala sa Dios sa mga tawo, ug sa katubsanan nga moabot pinaagi kang Kristo—Si Lamoni mituo ug natumba sa yuta sama sa patay. Mga 90 B.C.
Kapitulo 19
Si Lamoni midawat sa kahayag sa kinabuhi nga walay kataposan ug nakakita sa Manunubos—Ang mga sakop sa iyang panimalay ingon og gialimungawan, ug daghan ang nakakita og mga anghel—Si Ammon gipanalipdan sa milagroso nga paagi—Nakabunyag siya og daghan ug nagtukod og simbahan taliwala kanila. Mga 90 B.C.
Kapitulo 20
Ang Ginoo mipadala kang Ammon ngadto sa Middoni aron pagluwas sa iyang binilanggo nga kaigsoonan—Nasugatan ni Ammon ug Lamoni ang amahan ni Lamoni, kinsa mao ang hari sa tibuok yuta—Si Ammon mipugos sa tigulang nga hari nga motugot nga buhian ang iyang mga igsoon. Mga 90 B.C.
Kapitulo 21
Si Aaron nagtudlo sa mga Amalekita mahitungod ni Kristo ug sa Iyang Pag-ula—Si Aaron ug ang iyang kaigsoonan nabilanggo sa Middoni—Human sa ilang pagkalingkawas, sila nagtudlo sa mga sinagoga ug nakakuha og daghan nga kinabig—Si Lamoni nagtugot og kagawasan sa relihiyon sa katawhan didto sa yuta sa Ishmael. Mga 90–77 B.C.
Kapitulo 22
Si Aaron mitudlo sa amahan ni Lamoni mahitungod sa Paglalang, sa Pagkapukan ni Adan, ug sa plano sa katubsanan pinaagi ni Kristo—Ang hari ug ang tanang sakop sa iyang panimalay nakabig—Ang pagbahin sa yuta tali sa mga Nephita ug sa mga Lamanita gipasabot. Mga 90–77 B.C.
Kapitulo 23
Kagawasan sa relihiyon gipahibalo—Ang mga Lamanita sa pito ka yuta ug siyudad nakabig—Sila mitawag sa ilang kaugalingon og Anti-Nephi-Lehi ug naluwas gikan sa tunglo—Ang mga Amalekita ug mga Amulonita misalikway sa kamatuoran. Mga 90–77 B.C.
Kapitulo 24
Ang mga Lamanita misulong batok sa katawhan sa Dios—Ang mga Anti-Nephi-Lehi nagmaya kang Kristo ug giduaw sa mga anghel—Sila mipili nga mag-antos sa kamatayon kay sa manalipod sa ilang kaugalingon—Daghan pa nga Lamanita ang nakabig. Mga 90–77 B.C.
Kapitulo 25
Ang mapintas nga mga buhat sa mga Lamanita mikaylap—Ang kaliwat sa mga pari ni Noah nangamatay sumala sa panagna ni Abinadi—Daghan nga Lamanita ang nakabig ug miipon sa katawhan sa Anti-Nephi-Lehi—Mituo sila kang Kristo ug mituman sa balaod ni Moises. Mga 90–77 B.C.
Kapitulo 26
Si Ammon naghimaya sa Ginoo—Ang matinud-anon lig-onon sa Ginoo ug hatagan og kahibalo—Pinaagi sa pagtuo ang mga tawo makadala og liboan ka kalag ngadto sa paghinulsol—Anaa sa Dios ang tanang gahom ug makatugkad sa tanang butang. Mga 90–77 B.C.
Kapitulo 27
Ang Ginoo misugo kang Ammon sa pagpangulo sa katawhan sa Anti-Nephi-Lehi ngadto sa kahilwasan—Sa pagkakita kang Alma, ang kamaya ni Ammon nakapawala sa iyang kusog—Ang mga Nephita mihatag sa mga Anti-Nephi-Lehi sa yuta sa Jershon—Sila gitawag og ang katawhan ni Ammon. Mga 90–77 B.C.
Kapitulo 28
Ang mga Lamanita nabuntog sa usa ka makalilisang nga panag-away—Napulo ka kaliboan ang nangamatay—Ang mga daotan gitugyan ngadto sa usa ka kahimtang sa walay kataposan nga kaalaotan; ang mga matarong makaangkon og walay kataposan nga kalipay. Mga 77–76 B.C.
Kapitulo 29
Si Alma nagtinguha sa pagsangyaw og paghinulsol sama sa kadasig sa usa ka anghel—Ang Ginoo mihatag og mga magtutudlo alang sa tanang nasod—Si Alma naghimaya sa mga buhat sa Ginoo ug sa kalamposan ni Ammon ug sa iyang kaigsoonan. Mga 76 B.C.
Kapitulo 30
Si Korihor, ang anti-Kristo, mibiay-biay ni Kristo, sa Pag-ula, ug sa espiritu sa panagna—Siya nagtudlo nga walay Dios, walay pagkapukan sa tawo, walay silot alang sa sala, ug walay Kristo—Si Alma nagpamatuod nga si Kristo moabot ug nga ang tanang butang nagpasabot nga adunay usa ka Dios—Si Korihor nangayo og timailhan ug naamang—Ang yawa nagpakita ni Korihor ingon nga usa ka anghel ug mitudlo kaniya unsa ang isulti—Si Korihor gitunob-tunoban ug namatay. Mga 76–74 B.C.
Kapitulo 31
Si Alma nangulo og usa ka misyon sa pagpabalik niadtong hingpit nga mibiya sa kamatuoran nga mga Zoramita—Ang mga Zoramita milimod kang Kristo, mituo sa sayop nga konsepto sa pagpili, ug misimba gamit ang balikbalik nga giandam nga mga pag-ampo—Ang mga misyonaryo napuno sa Balaang Espiritu—Ang ilang mga kasakit nabuntog tungod sa kamaya kang Kristo. Mga 74 B.C.
Kapitulo 32
Si Alma nagtudlo sa mga kabos kansang mga kasakit maoy nakahimo nila nga mapainubsanon—Ang pagtuo mao ang paglaom nianang dili makita apan tinuod—Si Alma nagpamatuod nga ang mga anghel nangalagad sa mga lalaki, sa mga babaye, ug sa mga bata—Si Alma nagtandi sa pulong ngadto sa usa ka liso—Kini kinahanglan gayod itanom ug alimahan—Dayon motubo kini nga usa ka kahoy diin ang bunga sa kinabuhing dayon pagapu-puon. Mga 74 B.C.
Kapitulo 33
Si Zenos mitudlo nga ang mga tawo kinahanglan nga mag-ampo ug mosimba sa tanang dapit, ug nga ang mga silot gihunong tungod sa Anak—Si Zenock mitudlo nga ang kaluoy ihatag tungod sa Anak—Si Moises mipabarog sa kamingawan og usa ka simbolo sa Anak sa Dios. Mga 74 B.C.
Kapitulo 34
Si Amulek nagpamatuod nga ang pulong anaa kang Kristo ngadto sa kaluwasan—Gawas kon ang usa ka pag-ula pagahimoon, ang tanang katawhan malaglag—Ang tibuok balaod ni Moises nagpunting sa sakripisyo sa Anak sa Dios—Ang walay kataposan nga plano sa katubsanan gibase sa pagtuo ug paghinulsol—Pag-ampo alang sa temporal ug espirituhanong mga panalangin—Kini nga kinabuhi mao ang panahon alang sa mga tawo sa pagpangandam sa paghimamat sa Dios—Buhata ang imong kaluwasan uban ang kahadlok sa Dios. Mga 74 B.C.
Kapitulo 35
Ang pagsangyaw sa pulong mibungkag sa dili maayong binuhatan sa mga Zoramita—Gipapahawa nila ang mga kinabig, kinsa human niana miipon sa katawhan ni Ammon sa Jershon—Si Alma nagsubo tungod sa pagkadaotan sa katawhan. Mga 74 B.C.
Kapitulo 36
Si Alma mipamatuod kang Helaman sa iyang pagkakabig human makakita og usa ka anghel—Nag-antos siya sa mga kasakit sa usa ka gipanghimaraot nga kalag; mitawag siya sa ngalan ni Jesus, ug natawo sa Dios—Matam-is nga kamaya mipuno sa iyang kalag—Nakakita siya og katigoman sa mga anghel nga nagdayeg sa Dios—Daghang kinabig nakatilaw ug nakakita sama sa iyang natilawan ug nakita. Mga 74 B.C.
Kapitulo 37
Ang mga palid nga tumbaga ug ang ubang mga kasulatan gitipigan aron sa pagdala og mga kalag ngadto sa kaluwasan—Ang mga Jaredita gilaglag tungod sa ilang pagkadaotan—Ang tinago nilang mga panumpa ug mga pakigsaad kinahanglang itago gikan sa katawhan—Pagpakitambag sa Ginoo sa tanan nimong buhaton—Sama nga ang Liahona miagak sa mga Nephita, mao usab ang pulong ni Kristo moagak sa mga tawo ngadto sa kinabuhi nga dayon. Mga 74 B.C.
Kapitulo 38
Si Shiblon gilutos tungod sa pagkamatarong—Ang kaluwasan anaa kang Kristo, kinsa mao ang kinabuhi ug kahayag sa kalibotan—Pugngi ang tanan nimong mainit nga mga pagbati. Mga 74 B.C.
Kapitulo 39
Ang sala sa pagpakighilawas usa ka salawayon—Ang mga sala ni Corianton nakapugong sa mga Zoramita sa pagdawat sa pulong—Ang katubsanan ni Kristo molakip sa pagluwas sa mga matinud-anon kinsa nahiuna pa niini. Mga 74 B.C.
Kapitulo 40
Si Kristo mopahitabo sa pagkabanhaw sa tanang tawo—Ang mga patay nga matarong moadto sa paraiso ug ang daotan ngadto sa kawanangan sa kangitngit aron maghulat sa adlaw sa ilang pagkabanhaw—Ang tanang butang ipahiuli ngadto sa tukma ug hingpit nga bayanan sa Pagkabanhaw. Mga 74 B.C.
Kapitulo 41
Sa Pagkabanhaw ang mga tawo mobangon ngadto sa usa ka kahimtang sa walay kataposan nga kalipay o walay kataposan nga kasakit—Ang pagkadaotan dili mahitabo nga kalipay—Ang mga tawong kalibotanon walay Dios dinhi sa kalibotan—Ang matag tawo makadawat pag-usab sa Pagpahiuli ang mga kinaiya ug mga hiyas nga naangkon sa pagka-mortal. Mga 74 B.C.
Kapitulo 42
Ang pagka-mortal mao ang panahon sa pagsulay aron sa paghatag og kahigayonan sa tawo sa paghinulsol ug pag-alagad sa Dios—Ang Pagkapukan nagdala sa temporal ug espirituhanon nga kamatayon sa tanang katawhan—Ang katubsanan moabot pinaagi sa paghinulsol—Ang Dios Mismo motubos sa mga sala sa kalibotan—Ang kaluoy anaa alang niadtong maghinulsol—Ang tanan nga uban ipaubos sa hustisya sa Dios—Ang kaluoy moabot tungod sa Pag-ula—Kadto lamang tinuod nga mahinulsolon ang maluwas. Mga 74 B.C.
Kapitulo 43
Si Alma ug ang iyang mga anak nga lalaki nagsangyaw sa pulong—Ang mga Zoramita ug ang ubang mga masupilon nga Nephita nahimong mga Lamanita—Ang mga Lamanita misulong batok sa mga Nephita aron makiggubat—Si Moroni misangkap sa mga Nephita og panalipod nga taming—Ang Ginoo mipadayag ngadto kang Alma sa estratehiya sa mga Lamanita—Ang mga Nephita nanalipod sa ilang mga panimalay, mga kagawasan, mga pamilya, ug relihiyon—Ang mga kasundalohan ni Moroni ug ni Lehi miliyok sa mga Lamanita. Mga 74 B.C.
Kapitulo 44
Si Moroni mimando sa mga Lamanita nga mohimo og usa ka pakigsaad sa kalinaw o pamatyon—Gisalikway ni Zerahemnah ang tanyag, ug ang pakig-away nagpadayon—Ang mga kasundalohan ni Moroni mibuntog sa mga Lamanita. Mga 74–73 B.C.
Kapitulo 45
Si Helaman mituo sa mga pulong ni Alma—Si Alma nanagna sa kalaglagan sa mga Nephita—Siya mipanalangin ug mitunglo sa yuta—Si Alma tingali gibayaw pinaagi sa Espiritu, sama kang Moises—Panagsumpaki mitubo diha sa Simbahan. Mga 73 B.C.
Kapitulo 46
Si Amalickiah naglaraw nga mahimong hari—Si Moroni mipataas sa bandila sa kalingkawasan—Gipundok niya ang katawhan sa pagpanalipod sa ilang relihiyon—Tinuod nga mga tumutuo gitawag og mga Kristiyano—Salin ni Jose panalipdan—Si Amalickiah ug ang mga masupilon milayas ngadto sa yuta sa Nephi—Kadtong kinsa dili mosuporta sa kawsa sa kagawasan pahamtangan sa kamatayon. Mga 73–72 B.C.
Kapitulo 47
Si Amalickiah migamit og panglimbong, pagpatay, ug pakigkunsabo aron mahimong hari sa mga Lamanita—Ang mga Nephita nga masupilon mas daotan ug bangis pa kay sa mga Lamanita. Mga 72 B.C.
Kapitulo 48
Si Amalickiah mihulhog sa mga Lamanita batok sa mga Nephita—Si Moroni miandam sa iyang katawhan sa pagpanalipod sa kawsa sa mga Kristiyano—Siya nagmaya sa kalingkawasan ug kagawasan ug usa ka gamhanan nga tawo sa Dios. Mga 72 B.C.
Kapitulo 49
Ang misulong nga mga Lamanita wala makakuha sa gilig-on nga mga siyudad sa Ammonihah ug sa Noah—Si Amalickiah mitunglo sa Dios ug nanumpa nga moinom sa dugo ni Moroni—Si Helaman ug ang iyang kaigsuonan nagpadayon sa paglig-on sa Simbahan. Mga 72 B.C.
Kapitulo 50
Si Moroni milig-on sa mga yuta sa mga Nephita—Sila mitukod og daghang bag-o nga mga siyudad—Mga gubat ug mga kalaglagan nahiagoman sa mga Nephita sa mga adlaw sa ilang mga pagkadaotan ug mga pagkasalawayon—Si Morianton ug ang iyang mga masupilon gibuntog ni Teancum—Si Nephihah namatay, ug ang iyang anak nga lalaki nga si Pahoran mipuli sa hukmanan. Mga 72–67 B.C.
Kapitulo 51
Ang mga tawong makihari nagtinguha nga usbon ang balaod ug nagbutang og usa ka hari—Si Pahoran ug ang mga tawong gawasnon gibuligan sa tingog sa katawhan—Si Moroni mipugos sa mga tawo nga makihari sa pagpanalipod sa ilang nasod o pahamtangan sa kamatayon—Si Amalickiah ug ang mga Lamanita nakailog og daghan nga mga lig-on nga siyudad—Si Teancum mipakgang sa pagsulong sa Lamanita ug mipatay kang Amalickiah sulod sa iyang tolda. Mga 67–66 B.C.
Kapitulo 52
Si Ammoron mipuli ni Amalickiah isip hari sa mga Lamanita—Si Moroni, Teancum, ug si Lehi nangulo sa mga Nephita sa usa ka madaogon nga gubat batok sa mga Lamanita—Ang siyudad sa Mulek nabawi, ug si Jacob ang Zoramita gipatay. Mga 66–64 B.C.
Kapitulo 53
Ang mga binilanggo nga Lamanita gigamit sa pagpalig-on sa siyudad sa Mabungahon—Mga panagsumpaki sa mga Nephita nakahatag og dugang nga kadaogan sa mga Lamanita—Si Helaman nagmando sa duha ka libo nga batan-ong anak nga mga lalaki sa katawhan ni Ammon. Mga 64–63 B.C.
Kapitulo 54
Si Ammoron ug si Moroni nagsabot alang sa pagbinayloay og mga binilanggo—Si Moroni gusto nga ang mga Lamanita mosibog ug mohunong sa ilang pagpangatake—Si Ammoron gusto nga ang mga Nephita motugyan sa ilang mga hinagiban ug magpaulipon sa mga Lamanita. Mga 63 B.C.
Kapitulo 55
Si Moroni nagdumili nga makigbinayloay og mga binilanggo—Ang mga magbalantay nga mga Lamanita gidani sa pag-inom aron mangahubog, ug ang mga binilanggo nga mga Nephita gibuhian—Ang siyudad sa Gid nakuha nga walay dugo nga miagas. Mga 63–62 B.C.
Kapitulo 56
Si Helaman mipadala og sulat ngadto ni Moroni, nagsaysay sa kahimtang sa gubat batok sa mga Lamanita—Si Antipus ug si Helaman nakaangkon og dakong kadaogan batok sa mga Lamanita—Ang duha ka libo nga batan-ong mga anak nga lalaki ni Helaman nakig-away inubanan sa milagroso nga gahom, ug walay usa kanila ang namatay. Bersikulo 1, mga 62 B.C.; mga bersikulo 2–19, mga 66 B.C.; ug mga bersikulo 20–57, mga 65–64 B.C.
Kapitulo 57
Gisaysay ni Helaman ang pagkailog sa Antiparah ug ang pagtahan ug pagkahuman ang pagpanalipod sa Cumeni—Ang iyang batan-ong mga Ammonita nakig-away nga maisogon; ang tanan nasamdan, apan walay namatay—Si Gid mitaho sa pagpatay ug pag-ikyas sa mga binilanggo nga Lamanita. Mga 63 B.C.
Kapitulo 58
Si Helaman, Gid, ug si Teomner miilog sa siyudad sa Manti pinaagi sa usa ka taktika—Ang mga Lamanita misibog—Ang mga anak nga lalaki sa katawhan ni Ammon gipanalipdan samtang hugot silang nagbarog sa pagpanalipod sa ilang kalingkawasan ug pagtuo. Mga 63–62 B.C.
Kapitulo 59
Si Moroni mihangyo ni Pahoran nga palig-onon ang kasundalohan ni Helaman—Ang mga Lamanita miilog sa siyudad sa Nephihah—Si Moroni nasuko sa gobyerno. Mga 62 B.C.
Kapitulo 60
Si Moroni mireklamo ngadto ni Pahoran sa gobyerno nga wala magpakabanâ sa kasundalohan—Ang Ginoo mitugot nga ang mga matarong mamatay—Ang mga Nephita kinahanglan mogamit sa ilang tanang gahom ug pamaagi sa pagluwas sa ilang mga kaugalingon gikan sa ilang mga kaaway—Si Moroni mihulga nga makig-away batok sa gobyerno gawas kon ang hinabang ihatag ngadto sa iyang kasundalohan. Mga 62 B.C.
Kapitulo 61
Si Pahoran misulti kang Moroni bahin sa pag-alsa ug rebelyon batok sa gobyerno—Ang mga tawo nga makihari miilog sa Zarahemla ug nakig-abin sa mga Lamanita—Si Pahoran nangayo og tabang sa kasundalohan batok sa mga rebelde. Mga 62 B.C.
Kapitulo 62
Si Moroni mimartsa aron motabang ni Pahoran sa yuta sa Gideon—Ang mga tawo nga makihari nga nagdumili sa pagpanalipod sa ilang nasod gipahamtangan og kamatayon—Nabawi pag-usab ni Pahoran ug ni Moroni ang Nephihah—Daghang Lamanita miipon sa katawhan ni Ammon—Si Teancum mipatay kang Ammoron ug gipatay usab—Ang mga Lamanita gipang-abog gikan sa yuta, ug ang kalinaw napatunhay—Si Helaman mibalik sa pagpangalagad ug mipalambo sa Simbahan. Mga 62–57 B.C.
Kapitulo 63
Si Shiblon ug dayon si Helaman ang nagkupot sa sagradong mga talaan—Daghang Nephita mibiyahe sa yuta sa amihanan nga bahin—Si Hagoth mibuhat og mga barko, nga milawig sa kasadpan nga dagat—Si Moronihah mibuntog sa mga Lamanita atol sa panaggubat. Mga 56–52 B.C.