1 Nibwaai

Koroboki Aika Tabu

Ana Boki Moomon

Kanoana
Kabwarabwarana ao Taan Kakoaua
1 Nibwaai
2 Nibwaai
Iakobwa
Enoti
Iarom
Ominai
Ana Taeka Moomon
Motiaea
Aramwa
Ereman
3 Nibwaai
4 Nibwaai
Moomon
Ita
Moronaai

1 Nibwaai

Mwakoro 1
E moana ana rongorongo Nibwaai ibukiia ana botanaomata—E noora te boua n ai Riaai i nanon te mii ni burabeti ao e wareware mai nanon te boki n taeka ni burabeti—E kamoamoa te Atua, e taekina rokon te Mesia, ao e taetae ni burabeti ibukin uruakan Ierutarem—E bwainikirinaki irouia Iutaia. Uakaan ma 600 I.K.
Mwakoro 2
E kairiia ana utu Riaai nakon te rereua i rarikin Taari are Uraura—A katikui aia bwai—E anga te karea Riaai nakon te Uea ao e reireinia natina mwaane te ongeaba nakon tua—A ngurengure Reimwan ma Remuera iroun tamaia—E ongeaba Nibwaai ao e tataro i nanon te onimaki; e taetae te Uea nakoina, ao e rineaki bwa e na tautaekai i aoia tarina. Uakaan ma 600 I.K.
Mwakoro 3
A oki natin Riaai mwaane nako Ierutarem bwa a na anai bwaatua aika buraati—E rawa n anga taian bwaatua Raban—E kabwarabwara ao e kaungai nanoia tarina Nibwaai—E iraei aia bwai Raban ao e kataia n tiringia—A oroia Nibwaai ma Taam Reimwan ao Remuera ao a takuaki iroun te anera. Uakaan ma 600–592 I.K.
Mwakoro 4
E tiringa Raban Nibwaai i aan ana kairi te Uea ao e a anai taian bwaatua aika buraati n te aro ni kamwane—E motikia Tioram bwa e na iriia ana utu Riaai i nanon te rereua. Uakaan ma 600–592 I.K.
Mwakoro 5
E ngurengure Tiera n ana waaki Riaai—A uaia ni kimwareirei n okiia natiia mwaane—A anga aia karea—Kanoan taian bwaatua aika buraati bon taekaia Mote ma burabeti—E taekinaki i nanon taian bwaatua ae Riaai bon kanoan Iotebwa—E taetae ni burabeti Riaai ni kaineti ma taekaia kanoana ao kaawakinan bwaatua. Uakaan ma 600–592 I.K.
Mwakoro 6
E koroi taekan ana bwai te Atua Nibwaai—Oin ana beku Nibwaai bon kairaia aomata bwa a na kawara Atuan Aberaam ni kamaiuaki irouna. Uakaan ma 600–592 I.K.
Mwakoro 7
A oki natin Riaai nako Ierutarem ao a kaoa Itimaera ma kain batana bwa a na ira mwanangaia—A kaaitaraia Reimwan ma tabemwaang riki—E kaungaia tarina Nibwaai bwa a na onimakina te Uea—A kabaea n taian roobu ao a bairea tiringana—E kainaomataki ni mwaakan te onimaki—A butiia tarina bwa e na kabwarai aia bure—A anga karea ma angabwai aika a kabuekaki ana koraki ni mwananga Riaai. Uakaan ma 600–592 I.K.
Mwakoro 8
E noora te kai ni kamaiu Riaai i nanon te mi ni burabeti—E kana uaana ao e tangiria kaain ana utu bwa a na kanna naba—E noora te kai te biti, te kawai ae e eti ma n irariki, ao bubun nangin te roo are e taoniia aomata—A kana te uaanikai Tiera, Nibwaai, ao Taam, ma Reimwan ao Remuera a rawa. Uakaan ma 600–592 I.K.
Mwakoro 9
E koroi rongorongo aika uoua Nibwaai—A uaaia n aranaki bwa ana bwaatua Nibwaai—I nanon taian bwaatua aika buubura riki, a taekinaki iai kanoan aia bong nako; i nanon bwaatua aika uarereke bon taekan baika tabu. Uakaan ma 600–592 I.K.
Mwakoro 10
E taetae ni burabetinna Riaai ae a na uotaki nako I-Iutaia bwa bure irouia I-Bwaburonia—E taekina rokon te Mesia, te Tia Kamaiu, te Tia Kabooira i buakoia I-Iutaia—Riaai e taekina naba rokon temanna are e na bwabetitoa Ana Tiibu te Teei te Atua—Riaai e taekina maten ao mangautin te Mesia—E kabootaua aron kamaenakoan ma bootan Iteraera n aiaron te kai te oriwa—Nibwaai e taekina Natin te Atua, ma te bwaintituaraoi ae te Tamnei ae Raoiroi, ao kainnanoan te raoiroi. Uakaan ma 600–592 I.K.
Mwakoro 11
Nibwaai e noora Tamnein te Uea ao e a kaotaki nakoina i nanon te mii ni burabeti te kai ni kamaiu—E noora tinan Natin te Atua ao e a ataa naba taekan ruon te Atua ni Kamangoria nakon te aonaba—E noora te bwabetitoan, ana mwakuri n ibuobuoki, ao taurakin Ana Tiibu te Teei te Atua—E noora naba weteaia ao aia mwakuri n ibuobuoki ana Abotoro ake Tengaun ma Uoman te Tiibu te Teei. Uakaan ma 600–592 I.K.
Mwakoro 12
E noora te aba ni berita Nibwaai i nanon te mii ni burabeti; raoiroia, buakakaia, ao bwakaia kaaina; rokon ana Tiibu te Teei te Atua i buakoia; aron motikan taekan Iteraera irouia Reirei ake Tengaun ma uoman ao Abotoro ake Tengaun ma uoman; ma aron kammairaia ma buakakaia ake a kerikaaki n aia aki onimaki. Uakaan ma 600–592 I.K.
Mwakoro 13
Nibwaai e noora katean ana ekaretia te riaboro i buakoia Tientaire, kunean ao kaainakin Amerika, buan kanoan te bwaibwara aika a mataata ma ni kakawaki, tokin te bua aio kitanakin te koaua irouia tientaire, manga kaokakin te euangkerio, rokon te koroboki ae tabu ni boong aika kaitira, katean Tion. Uakaan ma 600–592 I.K.
Mwakoro 14
Te anera e tuanga Nibwaai taekan taian kakabwaia ma karekekai ake a na bwaka iaoia Tientaire—Bon ti uoua ekaretia: ana Ekaretia Ana Tiibu te Teei te Atua ao ana ekaretia te riaboro—A bwainikirinaki ana aomata te Atua aika a Itiaki n aaba nako iroun te ekaretia ae korakora man ribaki—Te Abotoro ae Ioane e na koroboki n taekina rongorongon tokin te aonaba. Uakaan ma 600–592 I.K.
Mwakoro 15
A na anganaki kanoan Riaai taekan te euangkerio irouia Tientaire ni boong aika kaitira—E a kabotauaki botakia Iteraera ma te kai te oriwa are kona mwangana ni manga kanimwaki—E kabwarabwara Nibwaai nanon te mi ni burabeti are e oti iai te kai ni kamaiu ao e taekina naba ana motiraoi te Atua ni kaokoroia aika a buakaka mai irouia aika a raoiroi. Uakaan ma 600–592 I.K.
Mwakoro 16
E matoatoa butimwaean te koaua irouia aika buakaka—A iein natin Riaai mwaane ma natin Itimaera aine—A kairaki kawaia n te Riaona i nanon te rereua—A koreaki ana rongorongo te Uea i aon te Riaona n taai tabetai—E mate Itimaera; ao a ngurengure kaain ana utu ibukin korakaia. Uakaan ma 600–592 I.K.
Mwakoro 17
E tuangaki Nibwaai bwa e na kabaa te kaibuke—A kaitaraa tarina—E kairoroia n taekina rongorongon ngkoa ana mwakuri te Atua ma Iteraera—E kaonaki Nibwaai ni mwaakan te Atua—A aki kariaiakaki tarina bwa ana ringnga, bwa mwiina a rai n aiaron te uteute ae mwauu. Uakaan ma 592–591 I.K.
Mwakoro 18
E a tia te kaibuke—A taekinaki bungiakin Iakobwa ao Iotebwa—A moana mwanangaia taan mwananga nakon te aba ni berita—A kaaina te koraki ni kakiriwe ma ni itabaraara natin Itimaera mwaane ma buuia—E kabaeaki Nibwaai, ao e kaokaki te kaibuke n te buaka ae korakora—E kabwaraki Nibwaai, ao e a toki te buaka n ana tataro—A roko taan mwananga n te aba ni berita. Uakaan ma 591–589 I.K.
Mwakoro 19
E karaoi bwaatua Nibwaai man te biti ao e koroi rongorongoia ana botanaomata—E na roko Atuan Iteraera onobubua te ririki man te tai are kitana iai Ierutarem Riaai—E taekin Nibwaai aron karawawatana ma taurakin Iesu—A na ribaki ma ni kamaenakoaki Iutaia ni karokoa boong aika kaitira, are a na manga oki iai nakon te Uea. Uakaan ma 588–570 I.K.
Mwakoro 20
E kaota Ana kaantaninga te Uea nakon Iteraera—Iteraera a tia n rineaki man ain te karawawataki ao a na kitana Bwaburon—Kabootaua ma Itaia 48. Uakaan ma 588–570 I.K.
Mwakoro 21
E na riki te Mesia bwa te oota nakoia Tientaire ao e na kainaomataia buure—E na manga ikotaki Iteraera ma te mwaaka n tain kaitira ni boong—A na riki Uea bwa taama aika a na tararuaiia—Kabootaua ma Itaia 49. Uakaan ma 588–570 I.K.
Mwakoro 22
E na kamaenakoaki Iteraera ni kabuta te aonaba—Tientaire a na tararua ao man karikirakea Iteraera ma te euangkerio ni boong aika kaitira—Iteraera a na botaki ao ni kamaiuaki, ao aika buakaka a na urarake n aiaron kaai aika mwauu—E na uruakaki uean te riaboro, ao e na kabaeaki Tatan. Uakaan ma 588–570 I.K.