Aramwa

Koroboki Aika Tabu

Ana Boki Moomon

Kanoana
Kabwarabwarana ao Taan Kakoaua
1 Nibwaai
2 Nibwaai
Iakobwa
Enoti
Iarom
Ominai
Ana Taeka Moomon
Motiaea
Aramwa
Ereman
3 Nibwaai
4 Nibwaai
Moomon
Ita
Moronaai

Aramwa

Mwakoro 1
Neooa e reirei koaua aika kewe, e katea te ekaretia, ao e moan nakoa n ibonga ae kewe, ao e tiringa Kiteon—Neooa e tiringaki ibukin ana bure—Nakoa n ibonga aika kewe ao te bwainikirinaki e a butanako i buakoia aomata—Ibonga a bon kamaiuia i bon irouia, aomata a tararuaia ake a kainnano, ao e rikirake te Ekaretia. Uakaan ma 91–88 I.K.
Mwakoro 2
Ameriti e uokoukora te kan riki n Uea ma e aki butimwaeaki ni bwanaaia aomata—Taan iriria a karikiia bwa te uea—Ameritinaite a buakaniia Nibwaite ao a konaki—Reimwanaite ao Ameritinaite a ikotiia aia taanga ni buaka ao a konaki—Aramwa e a tiringa Ameriti. Uakaan ma 87 I.K.
Mwakoro 3
Ameritinaite a kanikinaeia ni kaineti ma te taeka ni burabeti—Te naan Reimwanaite a bon kamaraiaki ibukin aia kaitara—Aomata a bon karokoi maraia i aoia—Nibwaite a konaia aia taanga ni buaka riki teuana Reimwanaite. Uakaan ma 87–86 I.K.
Mwakoro 4
Aramwa e bwabetitoia aomata aika a rairaki ae riaon te ngaa—Te buakaka e a roko i nanon te Ekaretia, ao rikiraken te Ekaretia e tutukaki—Nibwaai e a rineaki bwa mataniwia taan moti—Aramwa, n nakoana ae te ibonga ae rietata, e kabanea korakorana nakon ana mwakuri te Uea. Uakaan ma 86–83 I.K.
Mwakoro 5
Ni karekean te kamaiuaki, a riai n rairinanoia aomata ma ni kawakin tua, ni manga bungiaki, kaitiaki kunnikaia rinanon raraan Kristo, nanorinano ma ni kaaki mai irouia te kainikatonga ma te bakantang, ma ni karaoi mwakuri aika a raoiroi—Te Tia Kawakin Tiibu ae raoiroi e weteia Ana aomata—Naake a karaoi mwakuri aika a buakaka bon natin te riaboro—Aramwa e kaotiota koauan ana reirei ao e tuangiia aomata bwa a na rairinanoia—Araia aika a raoiroi a na koreaki n te boki ni maiu. Uakaan ma 83 I.K.
Mwakoro 6
Te Ekaretia i Taraemera e kaitiakaki ao e baireaki raoi—Aramwa e nakon Kiteon bwa e na kabwarabwara. Uakaan ma 83 I.K.
Mwakoro 7
Kristo e na bungiaki iroun Nei Maria—E na kabwara ana kabaebae te mate ao e na uoti aia bure Ana aomata—Naake a rairinanoia, a bwabetitoaki ma ni kawakin tua, e na reke irouia te maiu ae akea tokina—Te kammaira e aki kona ni bwaibwai n uean te Atua—Te nanorinano, te onimaki, te kantaninga ao te tangira ae kororaoi a kainnanoaki. Uakaan ma 83 I.K.
Mwakoro 8
Aramwa e kabwarabwara ao e bwabetito i Mereki—E aki butimwaeaki i Amonia ao e kitanna—E tuangaki iroun te anera bwa e na oki ao e na takaruaea te rairannano nakoia aomata—E butimwaeaki iroun Amureki, ao ngaia ni kauoman a kabwarabwara i Amonia. Uakaan ma 82 I.K.
Mwakoro 9
Aramwa e anga te tua nakoia kaain Amonia bwa a na rairinanoia—Te Uea e na nanoangaia Reimwanaite n te kabanea ni bong—Ngkana a kitana te oota Nibwaite, a na kamaunaki irouia Reimwanaite—E na kaoti n te tai ae aki maan Natin te Atua—E na kabooia akana a rairinanoia, ma ni bwabetitoaki, man onimakina arana. Uakaan ma 82 I.K.
Mwakoro 10
Riaai e riki mai iroun Manate—Amureki e uringa ana tua te anera are e na tararua Aramwa—Aia tataro naake a raoiroi e na kamaiuia aomata—Taan reirei te tua ma taan moti aika a buakaka a kawenea aan kamaunakia aomata. Uakaan ma 82 I.K.
Mwakoro 11
E a waakinaki aron aia karao mwane te naan Nibwaite—E kauntaeka Amureki ma Teeterom—Kristo e na bon aki kamaiuia aomata i nanon aia bure—Ti naake e na reke irouia uean karawa ake a na kamaiuaki—Ni kabane aomata a na reke irouia te aki maamate—Akea te mate i mwin te mangauti. Uakaan ma 82 I.K.
Mwakoro 12
Aramwa e taetae nakon Teeterom—Ana waaki aika a kamimi te Atua a ti anganaki ake a kakaonimaki—Aomata a na motikaki taekaia n aia iango, koaua, taeka, ao mwakuri—Naake a buakaka a na rinanon te kainnano n te mate n tamnei—Te maiu aei bon te tai n tataninga—Te babaire ni kaboaki e na karekea te Mangauti ao rinanon te onimaki, kamaunaan bure—Naake a rairinanoia a kona ni karekea nanoangakia rinanon te Nati ae te Rikitemanna. Uakaan ma 82 I.K.
Mwakoro 13
Aranaki mwaane bwa ibonga aika rietata ibukin rianakon aia onimaki ao raoiroin aia mwakuri—A na reirei tua—A katabuaki rinanon te raoiroi ao a rin i nanon ana rau te Uea—Temanna ma i buakoia bon Merekitereka—A uoti taeka aika a kakukurei taian anera ni kabuta te aonaba—A na katanoata raoi rokon Kristo. Uakaan ma 82 I.K.
Mwakoro 14
Aramwa ao Amureki a bon kabureaki ao a taibaoaki—Taan onimaki ao aia koroboki aika tabu a bon kabuekaki n te ai—Taan mate ibukin te onimaki aikai a butimwaeaki iroun te Uea n te mimitong—A raeuaki oon te karabuti ao a bwaka—A kamaiuaki Aramwa ma Amureki, ao taan iangoa tiringakia a bon tiringaki. Uakaan ma 82–81 I.K.
Mwakoro 15
Aramwa ma Amureki a nako Titom ma ni katea te ekaretia—Aramwa e kamaiua Teeterom, are e a kaaina te Ekaretia—A mwaiti ake a bwabetitoaki, ao te Ekaretia e rikirake—Aramwa ma Amureki a nako Taraemera. Uakaan ma 81 I.K.
Mwakoro 16
Reimwanaite a bon tiringia kaain Amonia—Tioram e kairia Nibwaite n tokanikai iaoia Reimwanaite—Aramwa ma Amureki ao a mwaiti riki a tataekina ana taeka te Atua—A reirei bwa i mwin Mangautin Kristo man te mate ao e na kaoti nakoia Nibwaite. Uakaan ma 81–77 I.K.
Mwakoro 17
Natin Motiaea mwaane a karekea te tamnein te taeka ni burabeti ma kaotioti—A mwananga ni kawaia aika a kakaokoro bwa a na taekina te taeka nakoia Reimwanaite—Amon e nakon te aba are Itimaera ma n riki bwa ana toro te uea are Ramonaai—Amon e kamaiuia ana nanai ni man te uea man tiringia ana kairiribai i rarikin ranin Teebuti. Kiibu 1–3, uakaan ma 77 I.K.; kibu 4, uakaan ma 91–77 I.K.; ao kiibu 5–39, uakaan ma 91 I.K.
Mwakoro 18
Te uea are Ramonaai e arana Amon bwa te Tamnei ae Korakora—Amon e reireina te uea taekan te karikibwai, ana waaki te Atua ma aomata, ao te kaboaki are e roko mai iroun Kristo—Ramonaai e kakoaua ao e bwaka nako aontano kanga e mate. Uakaan ma 90 I.K.
Mwakoro 19
Ramonaai e reke irouna ootan te maiu are aki totoki ao e noora te Tia Kaboko—Kaain mwengana a taonaki n aron te mii, ao a mwaiti aika a nooriia anera—Amon e kawakinaki n te aro ae kamimi—E bwabetitoiia aika a mwaiti ma ni katea te ekaretia i buakoia. Uakaan ma 90 I.K.
Mwakoro 20
Te Uea e kanakoa Amon nako Matonaai bwa e na kainaomataia tarina ake a kabureaki—Amon ma Ramonaai a kaitibo ma taman Ramonaai, are e bon uea ni kabuta te aba—Amon e kairoroa te uea are e kara arei bwa e na kariaia kainaomatakia tarina. Uakaan ma 90 I.K.
Mwakoro 21
Aaron e reireinia Amwarakaite taekan Kristo ma Ana Mwakuri ni Kamaiu—Aaron ma tarina a kabureaki i Matonaai—I mwin kainaomatakia, a reirei i nanon taian auti n nebo ma n rairiia aika a mwaiti—Ramonaai e kariaia te inaomata n te aro n te aba are Itimaera. Uakaan ma 90–77 I.K.
Mwakoro 22
Aaron e reireina taman Ramonaai aron Karikani Bwaai, Bwakan Atam, ao te babaire ni kabomwi rinanon Kristo—Te uea ma kaain batana ni kabane a bane n rairaki—E kabwarabwaraki aron te raure nako are i marenaia Nibwaite ao Reimwanaite. Uakaan ma 90–77 I.K.
Mwakoro 23
E a katanoataki te inaomata ibukin te aro—Reimwanaite ake a mena n aba ake itiua ma kaawa ake a bubura a rairaki—A araniia bwa aomata aika Aentaai-Nibwaai-Riaai ao a inaomata man te rekenikai—Amwarakaite ao Amuronaite a aki butimwaea te koaua. Uakaan ma 90–77 I.K.
Mwakoro 24
Reimwanaite a kaaitaraia ana aomata te Atua—Aomata aika Aentaai-Nibwaai-Riaai a kimwareirei i nanon Kristo ao a kawaraki irouia anera—A rineia bwa a na kainnanoaki n te mate nakon ae a na kamaiuia—A mwaiti riki Reimwanaite ake a manga rairaki. Uakaan ma 90–77 I.K.
Mwakoro 25
E a tabangaki ununiia Reimwanaite—Kanoan te ibonga are Noa a kamaunaki n aron ana taetae ni burabeti Abinataai—A mwaiti Reimwanaite ake a rairaki man raonia te botanaomata are Aentaai-Nibwaai-Riaai—A kakoaua Kristo ma ni kawakina ana tua Mote. Uakaan ma 90–77 I.K.
Mwakoro 26
Amon e kimwareirei i nanon te Uea—A kakorakoraaki ake a kakaonimaki iroun te Uea ao a anganaki te atatai—Man te onimaki ao aomata a kona ni kairia, ngaa ma ngaa aomata nakon te rairannano—Te Atua iai irouna te mwaaka ni kabane ao e atai bwaai ni kabane. Uakaan ma 90–77 I.K.
Mwakoro 27
Te Uea e tuanga Amon bwa e na kairia kaain Aentaai-Nibwaai-Riaai nakon te tabo ae a na mano iai—Ngke e kaitibo ma Aramwa ao e nako korakoran Amon ibukin kimwareireina—Nibwaite anganiia aomata aika Aentaai-Nibwaai-Riaai te aba are Ietion—A aranaki bwa ana botanaomata Amon. Uakaan ma 90–77 I.K.
Mwakoro 28
Reimwanaite a konaki n te buaka ae korakora—Tebwina te ngaa ma ngaa ake a tiringaki—Naake a buakaka a katukaki n aroia ae aki totoki nanokawakia; naake a raoiroi a karekea te kukurei ae aki totoki. Uakaan ma 77–76 I.K.
Mwakoro 29
Aramwa e tangiria n takaruaea te rairannano ma te nanomatoa n aekaia anera—Te Uea e karekeia tia reirei ibukin aba nako—Aramwa e kakatonga n ana mwakuri te Uea ao n nakoraoin ana mwakuri Amon ma tarina. Uakaan ma 76 I.K.
Mwakoro 30
Korioa, te tia kakewea Kristo, e bwainingarea Kristo, te Mwakuri ni kamaiu, ao tamnein te taeka ni burabeti—E reirei bwa akea te Atua, akea bwakan te aomata, akea te tua ibukin te bure, ao akea Kristo—Aramwa e kaota koauan ae e na roko Kristo ao bwaai ni kabane a kaotia bwa iai te Atua—Korioa e tangira te kanikina ao e teke man aki kona n taetae—E a tia ni kaoti te riaboro nakon Korioa bwa kanga te anera man reireinna ana taeka—Korioa e toubekaki ao e mate. Uakaan ma 76–74 I.K.
Mwakoro 31
Aramwa e kaira te mwananga ni kaokia Tioramwaite ake a kitana te ekaretia—A kaakea Kristo Tioramwaite, a kakoaua aron te rinerine ae kewe, man taromauri n tataro ake a kaman katauraoaki—A onrake mitinare n te Tamnei are e Tabu—A kabwautaki kammarakaia n te kimwareirei iroun Kristo. Uakaan ma 74 I.K.
Mwakoro 32
Aramwa e reireinia ake a kainnano ake a kananorinanoaki ma ni karawawatakia—Te onimaki bon kantaningan te bwai ae aki nooraki ae koaua—Aramwa e kaota koauan ae anera a buokiia mwaane, aine ao ataei—Aramwa e kabootaua te taeka ma te koraa—E riai n unikaki man ribanaki raoi—Ao ngkanne e na riki bwa te kai are e na kinikaki mai iai uaan te maiu ae akea tokina. Uakaan ma 74 I.K.
Mwakoro 33
Tinoti e reireiniia aomata bwa a riai n tataro ma n taromauri n taabo nako, ao te motikitaeka e kanakoaki ibukin te Nati—Tinoki e reirei bwa ti karekea te nanoanga ibukin te Nati—Mote e kateirakea aekan Natin te Atua i nanon te rereua. Uakaan ma 74 I.K.
Mwakoro 34
Amureki e kakoaua bwa te taeka e mena iroun Kristo ibukin karekean te kamaiuaki—A na bane ni mate aomata nako ngkana akea te mwakuri ni kamaiu ae karaoaki—A na tua Mote a kotea ana anga karea Natin te Atua—Te babaire ni kabomwi are akea tokina e boto iaon te onimaki ma te rairannano—Tataro ibukin kakabwaian te maiu aei ao ana kakabwaia te tamnei—Te maiu aei bon aia tai aomata ni katauraoi bwa a na butimwaea te Atua—Mwakuria kamaiuam ma te maaku i matan te Atua. Uakaan ma 74 I.K.
Mwakoro 35
Kabwarabwaran te taeka e urua aroia ni karekea aia raka Tioramwaite—A kabaneia ake a rairaki, ake a manga ikotaki ma ana botanaomata Amon i Tetion—Aramwa e nanokawaki ibukin buakakaia aomata. Uakaan ma 74 I.K.
Mwakoro 36
Aramwa e kakoaua nakon Ereman aron rairakina mai i mwin nooran te anera—E kainnanoaki ni marakin te tamnei ae kabuakakaaki; e wetea aran Iesu, ao e a manga bungiaki iroun te Atua—E onrake tamneina n te kimwareirei—E nooria anera aika a botaki n neboneboa te Atua—A mwaiti aika a rairaki ake a noora ma ni katoonga are e a tia n nooria ma ni katoonga. Uakaan ma 74 I.K.
Mwakoro 37
A kawakinaki bwaatua aika buraati ma koroboki riki aika tabu ibukin kairaia aomata nakon te kamaiuaki—A kamaunaki Iaretaite ibukin buakakaia—Aia tuea ao berita ae tabu ni karaba a riai n tauaki mai irouia aomata—Reirei mai iroun te Uea ni bwaai ni kabane ake ko karaoi—N aiaron te Riaona ngke e kairia Nibwaite, ao ana taeka Kristo e kairiia aomata nakon te maiu ae akea tokina. Uakaan ma 74 I.K.
Mwakoro 38
Tiburon e bwainikirinaki ibukin te raoiroi—E mena te kamaiuaki iroun Kristo, are te maiu ao ootan te aonaba—Taotaona angin am namakin. Uakaan ma 74 I.K.
Mwakoro 39
Bon te mwakuri ae bati n ribaki te bure ni wenenibure—Ana bure Korianton e tukia Tioramwaite bwa a na butimwaea te taeka—Ana kabomwi Kristo e kona ni kamaiuia ake a kakaonimaki mai i mwaaina. Uakaan ma 74 I.K.
Mwakoro 40
Kristo e karekea te mangauti nakoia aomata ni kabane—Ake a mate n te raoiroi ao a nako bwaretaiti ao ake a buakaka a nako n te rootongitong n taninga mangautiia—Bwaai ni kabane a na manga kaokaki nakon aroia ni kororaoi n tain te mangauti. Uakaan ma 74 I.K.
Mwakoro 41
N tain te mangauti ao aomata a na roko n te aro ni kakukurei ae aki totoki ke te kananokawaki ae aki totoki—Te aro ae buakaka e bon aki karekea te kakukurei—Aomata ake a iango n aon te aba bon akea te Atua irouia n te aonaba aio—Ni kabane aomata a na manga karekea n tain Kaokan Bwaai anuaia ma aroaroia are a bon karekea n aia tai ni maiu n rabwata. Uakaan ma 74 I.K.
Mwakoro 42
Te maiu aei bon te tai ni kataitai bwa e aonga te aomata n rairananona man toro iroun te Atua—Te Bwaka e uota te mate n rabwata ao n tamnei i aoia aomata ni kabane—Te Kaboaki e roko rinanon te rairannano—Te Atua n ti Ngaia e karaoa te mwakuri ni kamaiu ibukin buren te aonaba—Te nanoanga bon ibukiia ake a rairinanoia—Ni kabane ake nikiraia a mena i aan ana momotiraoi te Atua—E reke te nanoanga man te Mwakuri ni Kamaiu—Ti ake a bon raraoma ni koaua aika a na kamaiuaki. Uakaan ma 74 I.K.
Mwakoro 43
Aramwa ma natina mwaane a kabwarabwara te taeka—Tioramwaite ma naake a kitania Nibwaite a riki bwa Reimwanaite—Reimwanaite a kaaitaraia Nibwaite n te buaka—Moronaai e katauraoia Nibwaite nakon te buaka ma bwaai ni buaka ake a na mano iai—Te Uea e kaota nakon Aramwa aia kawai ni buaka Reimwanaite—Nibwaite a kamanoi mwengaia, inaomataia, aia utu, ma aia aro—Aia taanga ni buaka Moronaai ma Riaai a katobibia Reimwanaite. Uakaan ma 74 I.K.
Mwakoro 44
Moronaai e tuangiia Reimwanaite bwa a na karaoa te berita ae tabu ibukin reken te rau ke a na tiringaki—Teraemena e totokoa te iango arei, ao e a manga waaki te buaka—Ana taanga ni buaka Moronaai e konaia Reimwanaite. Uakaan ma 74–73 I.K.
Mwakoro 45
Ereman e kakoauai ana taeka Aramwa—Aramwa e taetae ni burabetiia kamaunakia Nibwaite—E kakabwaia ao e kamaraia te aba—Tao e a uotaki rake Aramwa iroun te tamnei, aiaron Mote—E a riki rake te kaiangatoa i nanon te Ekaretia. Uakaan ma 73 I.K.
Mwakoro 46
Amarakaai e karaoa ana anga ni kamwane bwa e aonga n riki n uea—Moronaai e tabeka rake te buraeki n inaomata—E kaungaia aomata bwa a na kawakina aia aro—Taan onimaki ni koaua a aranaki bwa Kiritian—Nikiraia ana kariki Iotebwa a na kawakinaki—Amarakaai ma tabemwaang taan kan biri nako a nakon te aba are Nibwaai—Naake a rawa ni boutokaa te aro n inaomata a tiringaki. Uakaan ma 73–72 I.K.
Mwakoro 47
Amarakaai e kabongana te aro ni kamwane, te tiritiri, ma te babaire ni kamwane ae karaba bwa e aonga n riki bwa aia uea Reimwanaite—Nibwaite ake a biri nako a bon riao riki buakakaia man unun riki nakoia Reimwanaite. Uakaan ma 72 I.K.
Mwakoro 48
Amarakaai e kaunia Reimwanaite ni kaaitaraia Nibwaite—Moronaai e katauraoia ana aomata bwa ana tei ibukin aia waaki Kiritian—E kimwareirei n te inaomata ma te aki tautoronaki ao bon ana aomata te Atua ngaia ae korakora. Uakaan ma 72 I.K.
Mwakoro 49
Reimwanaite ake a ninia te tabo a bon aki kona n anai taian kaawa ake Amonia ma Noa ake a katanaki raoi—Amarakaai e taetaebuaka te Atua ao e berita bwa e na mooi n raraan Moronaai—Ereman ma tarina a teimatoa ni kamatoatoa te Ekaretia. Uakaan ma 72 I.K.
Mwakoro 50
Moronaai e kamatoai abaia Nibwaite—A katei kaawa aika a boou—A bwakaraki Nibwaite n taian buaka ma urubwai n aia bong ni buakaka ma aia mwakuri aika a ribaki—Morianton ma raona ake a biri nako a konaki iroun Teaenikam—E mate Nibwaaia, ao natina are Bwaoraan e bonomwi n te kaintekateka ni motiki taeka. Uakaan ma 72–67 I.K.
Mwakoro 51
Koraki ake a tangira temanna bwa e na uea a ukoukora bitakin te tua ma ni karekea ae e na iai te uea—Bwaoraan ma aomata ake a inaomata a bon boutokaaki ni bwanaia aomata—Moronaai e kairoroia taan tangira te uea bwa a na tei ibukin abaia ke a na tiringaki—Amarakaai ma Reimwanaite a reke irouia kaawa aika a tia ni kamatoatoaki—Teaenikam e kaitarai aia mwakuri Reimwanaite n ekianako ao a tiringa Amarakaai i nanon umwana n rianna. Uakaan ma 67–66 I.K.
Mwakoro 52
Amoron e onea mwiin Amarakaai bwa aia uea Reimwanaite—Moronaai, Teaenikam, ma Riaai a kairia Nibwaite n te buaka n tokanikai ni kaaitaraia Reimwanaite—Te kaawa are Mureki e a manga anaaki, ao Iakobwa are te Tioramwaite e tiringaki. Uakaan ma 66–64 I.K.
Mwakoro 53
Aia bure Reimwanaite a kabonganaki bwa a na mwakuria kamatoatoan te kaawa are Te Mari—Taian kaiangatoa i marenaia Nibwaite e karikirakea tokanikaia Reimwanaite—Ereman e kairia uangaa naati mwaane aika rorobuaka mai irouia ana botanaomata Amon. Uakaan ma 64–63 I.K.
Mwakoro 54
Amoron ma Moronaai a maroroakina aron ae a na kaibibiti aia bure—Moronaai e tangiria bwa a na kerikaaki Reimwanaite ma ni katoka aia tiriaomata—Amoron e tangiria bwa Nibwaite a na kawenei aia bwai ni buaka ma ni kairaki irouia Reimwanaite. Uakaan ma 63 I.K.
Mwakoro 55
Moronaai e rawa ni kaibibiti aia bure—A kamwaneaki ni kamangingaki aia taan tararua Reimwanaite, ao a kainaomataki aia bure Nibwaite—E a tauaki te kaawa are Kiite n akea kawawaean te raraa. Uakaan ma 63–62 I.K.
Mwakoro 56
Ereman e kanakoa te reta nakon Moronaai, ni karakina aron te buaka ma Reimwanaite—Anetebwati ma Ereman a karekea aia tokanikai ae korakora i aoia Reimwanaite—Ana taanga ni buaka Ereman ake uangaa rorobuaka n ataein ni mwaane a buaka ma te korakora ae kamimi, ao bon akea mai i buakoia ae tiringaki. Te Kibu 1, uakaan ma 62 I.K.; kiibu 2–19 uakaan ma 66 I.K. ao kiibu 20–57 uakaan ma 65–64 I.K.
Mwakoro 57
Ereman e karakina anakin Anetebwara ma taenikai ao rimwi te buaka ibukin Kumeni—Ana ataeinimwaane ake a uarereke ake Amonaite a buaka ma te ninikoria; a bane n ikoaki, ma akea ae mate—Kite e karakina tiringakia ma birinakoia bure ake Reimwanaite. Uakaan ma 63 I.K.
Mwakoro 58
Ereman, Kite ao Teaoma a taua te kaawa are Maentaai n te aro ni kamwane—A kerikaaki Reimwanaite—A kawakinaki natia mwaane ana botanaomata Amon ngkai a teimatoa ni kawakina inaomataia ma aia onimaki. Uakaan ma 63–62 I.K.
Mwakoro 59
Moronaai e tuanga Bwaoraan bwa e na kamatoatoaia ana taanga ni buaka Ereman—Reimwanaite a taua te kaawa are Nibwaaia—E un Moronaai n te tautaeka. Uakaan ma 62 I.K.
Mwakoro 60
Moronaai e ngurengure nakon Bwaoraan ibukin aki mwannanoan te taanga ni buaka iroun te tautaeka—E a kariaia te Uea bwa a na tiringaki ake a raraoi—Nibwaite a kabongana korakoraia ni kabane ma aia bwai ni kainaomataia mai irouia aia kairiribai—Moronaai e taetae ni kakamaku bwa e na buaka ni kaitaraa te tautaeka ngkana e aki kanakoaki te ibuobuoki nakon ana taanga ni buaka. Uakaan ma 62 I.K.
Mwakoro 61
Bwaoraan e tuanga Moronaai taekan te kaiangatoa ao kaitaraan te tautaeka—Ana aomata te uea a taua Taraemera ao a itoman ma Reimwanaite—Bwaoraan e bubuti ana ibuobuoki te taanga ni buaka ibukin kaaitarakia taan kakaitara. Uakaan ma 62 I.K.
Mwakoro 62
Moronaai e mwananga ni buoka Bwaoraan n te aba are Kiteon—Ana aomata te uea ake a rawa n tei ibukin abaia a tiringaki—Bwaoraan ma Moronaai a manga anaa Nibwaaia—A mwaiti Reimwanaite ake a ikotaki ma ana botanaomata Amon—E tiringa Amoron Teaenikam ao e a manga tiringaki—A kakioaki Reimwanaite man te aba, ao e a kateaki te rau—E oki Ereman man ana mwakuri ni mitinare ao e karikirakea te Ekaretia. Uakaan ma 62–57 I.K.
Mwakoro 63
Tiburon ao i mwina manga Ereman a kawakini taian rongorongo aika a tabu—A mwaiti Nibwaite ake a mwananga nakon te aba nako meang—E kabai kaibuke Akota ake a borau nako n taari i maeao—Moronaaia e konaia Reimwanaite n te buaka. Uakaan ma 56–52 I.K.

Boretiia

Kaairaki aika a katanetaneaki ao ni mwakenaki

Kariniko ngkana ko na kabongana

Kaairaki kamataata mai inano