Motiaea

Koroboki Aika Tabu

Ana Boki Moomon

Kanoana
Kabwarabwarana ao Taan Kakoaua
1 Nibwaai
2 Nibwaai
Iakobwa
Enoti
Iarom
Ominai
Ana Taeka Moomon
Motiaea
Aramwa
Ereman
3 Nibwaai
4 Nibwaai
Moomon
Ita
Moronaai

Motiaea

Mwakoro 1
E reireiniia natina te Uea ae Beniamina aia taetae ma aia taeka ni burabeti aia bakatibu—E teimatoa aia aro ma aron maiuia ngkai iai taekaia aika a kaawakinaki i nanon bwaatua aika a mwaiti—E rineaki Motiaea bwa e na riki bwa te uea ao te tia kaawakin taian rongorongo ma bwaai riki tabeua. Uakaan ma 130–124 I.K.
Mwakoro 2
E taetae te Uea ae Beniamina nakoia ana botanaomata—E taekina te tuaraoi, te boraoi, ao aron te maiu n tamnei n ana tai n tautaeka—E reireinia bwa a na toro iroun aia Uea are i karawa—A na taonaki n te rawawata aomata ake a kaitaraa te Atua ae aiaron te ai ae aki kona ni mate. Uakaan ma 124 I.K.
Mwakoro 3
E reitanako ana taetae te uea ae Beniamina—E na mwakuri te Uea ae Moan te Mwaaka i buakoia aomata i nanon te rabwata ae maamate—E na waanako te raraa mai nanon bwangabwangan kunna ni kabuta ngke e e karaoa te mwakuri ni kamaiu ibukin buren te aonaba—Bon ti ngaia te ara are e na reke mai iai te kamaiuaki—A kona aomata n tokanikai iaon te aro n aomata ao n riki bwa Aomata Aika Itiaki rinanon te Mwakuri ni Kamaiu—Kammarakaia aika buakaka aiaron te nei n ai ao te burimton. Uakaan ma 124 I.K.
Mwakoro 4
E reitanako ana maroro te uea ae Beniamina—E reke te kamaiuaki man te Mwakuri ni Kamaiu—Kakoaua te Atua ngkana ko kan kamaiuaki—Kamatoa kamaunan ami bure rinanon te onimaki—Anganako ami bwai nakoia aika kainnano—Karaoi bwaai ni kabane n te wanawana ao te eti. Uakaan ma 124 I.K.
Mwakoro 5
A na riki Aomata aika Itiaki bwa natin Kristo mwaane ma aine i nanon te onimaki—Ao ngkanne a na aranaki n aran Kristo—Te uea ae Beniamina e tuatua nakoia bwa a na matoa ao n aki mwaeiei i nanon te mwakuri ae raoiroi. Uakaan ma 124 I.K.
Mwakoro 6
E koroi araia aomata te uea ae Beniamina ao e weteia ibonga bwa a na reireinia—E tautaeka Motiaea n aiaron te uea ae raoiroi. Uakaan 124–121 I.K.
Mwakoro 7
Amon, e kunea aban Riaai-Nibwaai, are uea iai Rimwaai—A tautaekanaki ana botanaomata Rimwaai irouia Reimwanaite—E taekina rongorongoia ngkoa Rimwaai—E a tia te burabeti (Abinataai) n taetaekinna bwa Kristo bon te Atua ao Taman bwaai ni kabane—Ake a unika te kammaira a na reke n te ukeukenanti, ao ake a onimakina te Uea a na kamaiuaki. Uakaan ma 121 I.K.
Mwakoro 8
E reireinia kaain Rimwaai Amon—E ongo taekan aia bwaatua Iaretaite aika uabwi ma aua—A kona rekootin ngkoa n rairaki irouia taan mamata—Akea te bwaintituaraoi ae korakora riki nakon te nakoa ni mamata. Uakaan ma 121 I.K.
Mwakoro 9
E kairiia te koraki teuana Tinebi mai aon Taraemera bwa a na maeka n aban Riaai-Nibwaai—E kariaia aia uea Reimwanaite bwa a na tekateka n te aba arei—Iai te buaka imarenaia Reimwanaite ma ana botanaomata Tinebi. Uakaan ma 200–187 I.K.
Mwakoro 10
E mate te uea ae Reimwan—A maiubuaka ma ni kakamaku ana botanaomata ao a kakoauai nakoa n ibonga ae kewe—A tokanikai Tinebi ma ana botanaomata iaoia. Uakaan ma 187–160 I.K.
Mwakoro 11
E tautaeka i nanon te buakaka te uea ae Noa—E kimwareirei nanona n te maiu n akiako ma buuna ao ana kinano aika a mwaiti—E taetae ni burabeti Abinataai bwa a na tautoronaki ana botanaomata—E kataia te uea ae Noa n anaa maiuna. Uakaan ma 160–150 I.K.
Mwakoro 12
E karinaki Abinataai n te umwa ni kaikain ibukin ana taeka ni burabeti are a na kamaunaki te botanaomata ao e na mate te uea ae Noa—A taekin kanoan koroboki aika tabu taian ibonga ni kewe ao ni kewe ni kawakin ana tua Mote—E waaki Abinataai n reireinia taekan Tua ake Tebwina. Uakaan ma 148 I.K.
Mwakoro 13
E otangaki Abinataai n te mwaaka ae mimitong—E reiakin Tua ake Tebwina—E aki reke te kamaiuaki n ti ana tua Mote n ti ngaia—Bon te Atua are e karaoa te mwakuri ni kamaiu ao e na kaboia Ana botanaomata. Uakaan ma 148 I.K.
Mwakoro 14
E taekina taekan te Mesia Itaia—A taekina bwainikirinan ma kakorakaian te Mesia—E karika rabwatana bwa te karea ibukin te bure ao e bubuti ibukiia taan riaon tua—Kabootaua ma Itaia 53. Uakaan ma 148 I.K.
Mwakoro 15
E kangaa Kristo n riki bwa te Tama ao te Nati—E na bubuti ibukia ao e na uoti riaoan tua irouia Ana botanaomata—Ngaia ma burabeti aika a tabu bon kanoana ni kabane—E karekea te Mangauti—Iai te maiu ae akea tokina irouia ataei. Uakaan ma 148 I.K.
Mwakoro 16
E kaboia aomata te Atua man buaia ao bwakaia—Bwa akana iaiangoi ana bwai te rabwata a tiku n te aro ae akea te kaboaki—E karekea te mangauti Kristo nakon te maiu ae aki totoki ke te katuaeaki ae aki totoki. Uakaan ma 148 I.K.
Mwakoro 17
E kakoauai Aramwa ana koroboki ma ana taeka Abinataai—E mate Abinataai i nanon te ai—E taetae ni burabeti bwa a na mate taan tiringnga i nanon te ai ao te aoraki. Uakaan 148 I.K.
Mwakoro 18
E kabwarabwara Aramwa ni karaba—E kabwarabwara te berita ae tabu ni bwabetito ao e karaoi bwabetito i nanon ranin te nei are Moomon—E katea ana Ekaretia Kristo ao e katabuia ibonga—E mwakuri ibukin maiuia ao a reireinia aomata—A birinako Aramwa ma ana botanaomata mai iroun te uea are Noa nakon te rereua. Uakaan ma 147–145 I.K.
Mwakoro 19
E kataia Kiteon n tiringa te uea ae Noa—A ekaanako te aba Reimwanaite—E mate te uea ae Noa i nanon te ai—E uea Rimwaai i aan te tautaekanaki. Uakaan ma 145–121 I.K.
Mwakoro 20
A uotaki nako tabeman ainen Reimwanaite irouia ana ibonga Noa—A katanoata Reimwanaite bwa a na buakaniia ana botanaomata Rimwaai—A totokoaki aia taanga Reimwanaite ao a karauaki nanoia. Uakaan ma 145–123 I.K.
Mwakoro 21
A buakanaki ana botanaomata Rimwaai ao a konaki irouia Reimwanaite—A kaitibo ana botanaomata Rimwaai ma Amon ao a rairaki—A kaongoa Amon taekan aia bwaatua Iaretaite aika uabwi ma aua. Uakaan ma 122–121 I.K.
Mwakoro 22
A karaoaki babaire ibukin birinakoia aomata man te tautoronaki irouia Reimwanaite—A kakoroaki ni manging Reimwanaite—A birinako aomata, ao a oki nako Taraemera, ao a riki bwa ana botanaomata te Uea ae Motiaea. Uakaan ma 121–120 I.K.
Mwakoro 23
E aki kan uea Aramwa—E riki bwa te ibonga ae rietata—E katuaia Ana botanaomata te Uea, ao a ekaanako aban Eram Reimwanaite—Amuron, aia mataniwi ana ibonga te uea are Noa aika a buakaka, e tautaekanaki ueana man ueaia Reimwanaite. Uakaan ma 145–121 I.K.
Mwakoro 24
E bainikirina Aramwa ma ana botanaomata Amuron—A tiringaki ngkana a tataro—E karaoi uotaia te Uea bwa a na taraa ni beebete—E kamaiuia man te tautoronaki, ao a okira Taraemera. Uakaan ma 145–120 I.K.
Mwakoro 25
Kanoan Mureki i Taraemera a riki bwa Nibwaite—A reiakinaki taekaia ana botanaomata Aramwa ma Tinebi—Aramwa e bwabetitoa Rimwaai ma ana botanaomata—E kariaia Motiaea bwa e na katea ana Ekaretia te Atua Aramwa. Uakaan ma 120 I.K.
Mwakoro 26
A mwaiti kaain te Ekaretia aika a kairaki nakon te bure irouia aika aki kakoaua—E anganaki te berita Aramwa bwa e na reke irouna te maiu ae akea tokina—E na reke kabwaran aia bure akana a rairinanoia ao a bwabetitoaki—Ngkana a kaoti aia bure kaain te Ekaretia aika a mena i nanon te buakaka nakon Aramwa ao nakon te Uea ao a na kabwaraki aia bure; ngkana aki ao a na kabaneaki man te Ekaretia. Uakaan ma 120–100 I.K.
Mwakoro 27
E katoka bwainikirinaia aomata Motiaea ao e tua bwa a na katiteboia—A kataia Aramwa te teei ma natin Motiaea mwaane aika aman ni kamauna te Ekaretia—E kaoti te anera ao e tuangiia bwa a na katoka aia mwakuri ae buakaka—E kainaki wiin Aramwa—A riai aomata ni kabane ni manga bungiaki ngkana a kan karekea te kamaiuaki—A tataekina taekan te euangkerio Aramwa ma natin Motiaea ake aman. Uakaan ma 100–92 I.K.
Mwakoro 28
Natin Motiaea mwaane a mwananga bwa a na kabwarabwara nakoia Reimwanaite—E kabonganai atibu n tia mamata aika uoua Motiaea n rairi aia bwaatua Iaretaite. Uakaan ma 92 I.K.
Mwakoro 29
E uotiarake Motiaea bwa a riai taan tia moti n onea mwiin te uea—A kairia aia aomata uea aika a buakaka nakon te bure—E rineaki Aramwa te teei bwa te mataniwi n tia moti ni bwanaia te botanaomata—Bon ngaia naba te ibonga ae rietata ibukin te ekaretia—A mate Aramwa te ikawai ao Motiaea. Uakaan ma 92–91 I.K.

Boretiia

Kaairaki aika a katanetaneaki ao ni mwakenaki

Kariniko ngkana ko na kabongana

Kaairaki kamataata mai inano