3 Nibwaai

Koroboki Aika Tabu

Ana Boki Moomon

Kanoana
Kabwarabwarana ao Taan Kakoaua
1 Nibwaai
2 Nibwaai
Iakobwa
Enoti
Iarom
Ominai
Ana Taeka Moomon
Motiaea
Aramwa
Ereman
3 Nibwaai
4 Nibwaai
Moomon
Ita
Moronaai

3 Nibwaai

Mwakoro 1
Nibwaai, are natin Ereman te mwaane, e kitana te aba, ao natina te mwaane ae Nibwaai e taui mwin taian rongorongo—E ngae ngke a mwaiti taian kanikina ma taian kamimi, ao naake a buakaka a babaire bwa a na tiringia ake a raoiroi—N te tairiki are e a roko tain bungiakin Kristo—E roko te kanikina, ao e a oti te itoi ae boou—E rikirake ni korakora te kewe ao te mwaamwana te aba, ao ana taan iraa Kateanton a tiringia aika a mwaiti. Uakaan ma 1–4 N.K.
Mwakoro 2
E rikirake te buakaka ma mwakuri aika bati n ribaki i buakoia aomata—A bon ikotaki Nibwaite ma Reimwanaite bwa a na tararuaia mai irouia ana taan iraa Kateanton—Reimwanaite ake a rairaki a bon riki ni mainaina ao a bon aranaki bwa Nibwaite. Uakaan ma 5–16 N.K.
Mwakoro 3
Kiteaenaai, aia tia kairiri Kateanton, e tangiria bwa Ratonati ao Nibwaite a na taenikai ma abaia—Ratonati e rinea Kikitonaai bwa mataniwia mataniwi n aia taanga ni buaka—A ikotaki Nibwaite i Taraemera ao Te Mari bwa a na buaka bon ibukiia. Uakaan ma 16–18 N.K.
Mwakoro 4
Aia taanga ni buaka Nibwaite a konaia ana taan iraa Kateanton—Kiteaenaai e bon tiringaki, ao onean mwiina are Temnaria, e bon kabaeaki roroana—A kamoamoa te Uea Nibwaite ibukin aia tokanikai. Uakaan ma 19–22 N.K.
Mwakoro 5
A rairinanoia Nibwaite ao a mwanuokin aia bure nako—Moomon e korea rongorongoia ana botanaomata ma n taekina te taeka ae aki totoki nakoia—Iteraera e na ikotaki mani kamaenakoakina ae maan. Uakaan ma 22–26 N.K.
Mwakoro 6
E rikirake aroia Nibwaite—Te kainikatonga, te kaubwai, ao te kakaokoroaki imarenaia aomata e tabe n rikirake—E a bwenauaki te Ekaretia n te maenako irouia aomata—Tatan e kairia aomata bwa a na kaaitara n te aro ae aki raba—A mwaiti burabeti aika a takaruaea te rairannano ao a tiringaki—Taan tiringiia a karaoi babaaire n eekaanako te tautaeka. Uakaan ma 26–30 N.K.
Mwakoro 7
E a tiringaki mataniwia taan moti, ao e a kamaunaki te tautaeka, ao aomata a maenako i nanon baronga aika a kakaokoro—Iakobwa, are te tia kakewea Kristo, e riki bwa uean te botaki ni karaba aika buakaka—E kabwarabwaraa taekan te rairannano ao te onimaki iroun Kristo Nibwaai—Anera a buokiia ni katoa bong, ao e kateirakea tarina man te mate—A mwaiti aika a rairinanoia ma ni bwabetitoaki. Uakaan ma 30–33 N.K.
Mwakoro 8
Angibuaka, rurun aon te aba, taian ai, ukeukenanti, ao urubwai nakon te aba a kaota koauan taurakin Kristo—A mwaiti aomata aika a tiringaki—E rabunaki aon te aba n te roo i nanon teniua te bong—Naake a tiku a bon tangniweneia mateia. Uakaan ma 33–34 N.K.
Mwakoro 9
Ribuakon te roo, ao bwanaan Kristo e taekina kamaunakiia aomata aika a bati ao kaawa ibukin buakakaia—E bon taekina naba arona n Atua, e katanoata ae e a kakoroaki nanon ana tua Mote, ao e kaoiia aomata bwa a na kawaria ma ni kamaiuaki. Uakaan ma 34 N.K.
Mwakoro 10
E bung te aariki n te aba i nanon aua aika a bati—E berita bwanaan Kristo bwa e na ikotiia Ana botanaomata n aron te moaaine are e ikoikotiia ana kiokio—A kawakinaki aomata ake a raoiroi riki. Uakaan ma 34–35 N.K.
Mwakoro 11
E kakoaua te Tama ibukin Natina ae Moan te Tangiraki—E kaoti Kristo ma n taekina Ana Mwakuri ni Kamaiu—Aomata a riingi mwiin ikoakina ni baina ma waena ao rarikina—A takaruaea Otanna—E katea ma ni kabwarabwara aron te bwabetito—Tamnein te kauntaeka e roko mai iroun te riaboro—E reirei Kristo bwa aomata a na kakoaua ma ni bwabetitoaki ao ma ni karekea te Tamnei ae Raoiroi. Uakaan ma 34 N.K.
Mwakoro 12
Iesu e weteia reirei ake tengaun ma uoman man anganiia tabeia—E taekina te reirei nakoia Nibwaite ae aekan Te kabwarabwara iaon te maunga—E taekini taeka ni kakabwaia—Ana reirei a raka riki ao a taona nako ana tua Mote—A tuangaki aomata bwa a na kororaoi n ai arona ma te Tama ngkai a kororaoi—Kabootaua ma Mataio 5. Uakaan ma 34 N.K.
Mwakoro 13
Iesu e reireinia Nibwaite Ana Tataro te Uea—Ana kaikoi kaubwaia i karawa—Reirei ake tengaun ma uoman n tabeia ni mitinare a tuangaki bwa a na aki katabei aia iango ni bwain aon te aba—Kabootaua ma Mataio 6. Uakaan ma 34 N.K.
Mwakoro 14
Iesu e anga te tua ae: Tai motikitaeka; bubutia te Atua; tarataraingkami mai irouia burabeti ni kewe—E berita bwa e na anga te kamaiuaki nakoia ake a karaoa nanon te Tama—Kabootaua ma Mataio 7. Uakaan ma 34 N.K.
Mwakoro 15
Iesu e katanoata koron bukin ana tua Mote Irouna—Nibwaite bon ana tibu temwaangina ake E taekinia i Ierutarem—I bukin te buakaka ao ana aomata te Uea i Ierutarem a bon aki ataa maenakon ana tiibu Iteraera. Uakaan ma 34 N.K.
Mwakoro 16
Iesu e na kawaria tiibu ake kaain Iteraera ake a tia ni bua—E na waaki nako te euangkerio nakoia Tientaire ni boong aika kaitira ao i mwiina nakon te bata are Iteraera—Ana aomata te Uea a na nooria n oin mataia ngkana E kaoka Tion. Uakaan ma 34 N.K.
Mwakoro 17
Iesu e kairia aomata bwa a na iangoi raoi Ana taeka man tataro ibukin te kan oota iai—E katoka aorakiia aika a aoraki—E tataro ibukiia aomata, ao e kabongana te taetae ae e aki kona ni koreaki—A roko n ibuobuoki anera ao a otabwaniniaki, natia aika uarereke n te ai. Uakaan ma 34 N.K.
Mwakoro 18
Iesu e karaoa te toa i buakoia Nibwaite—A tuangaki bwa a na tataro n taai nako n arana—Naake a amwarake n irikona ma ni mooi n raraana ao a aki itiaki a na bon kabuakakaaki—A anganaki ana reirei te mwaaka n anga te Tamnei ae Raoiroi. Uakaan ma 34 N.K.
Mwakoro 19
Reirei ake tengaun ma uoman a ibuobuoki nakoia aomata ao a tataro ibukin te Tamnei ae Raoiroi—A bwabetitoaki ana reirei ao a karekea te Tamnei ae Raoiroi ao aia mwakuri n ibuobuoki anera—Iesu e tataro ao e kabonganai taeka aika aki kona ni koreaki—E kakoaua korakoran aia onimaki Nibwaite. Uakaan ma 34 N.K.
Mwakoro 20
Iesu e karaoa te kakai are e a karekea iai te kariki ao te wain ao e a manga karaoa te toa riki nakoia aomata—Nikiraia ana kariki Iakobwa a na karekea ataakin aia Uea are Atuaia ao a na bwaibwai n te aono n Amerika—Iesu bon te burabeti n aron Mote, ao Nibwaite bon natia burabeti—Ana aomata te Uea tabeman a na ikotaki i Ierutarem. Uakaan ma 34 N.K.
Mwakoro 21
E na ikotaki Iteraera ngkana e roko Ana Boki Moomon—A na riki Tientaire bwa aomata aika a inaomata iaon Amerika—A na bon kamaiuaki ngkana a aki kakewekewe ao a ongeaba; ngkana aki, ao a na teweaki nako ma ni kamaunaki—Iteraera e na katea Ierutarem ae boou, ao a na manga oki baronga ake a tia ni bua. Uakaan ma 34 N.K.
Mwakoro 22
N boong aika kaitira, e na kateaki Tion ma ana titeiki, ao e na ikotaki Iteraera ibukin te nanoanga ao te marau n nano—A na tokanikai—Kabootaua ma Itaia 54. Uakaan ma 34 N.K.
Mwakoro 23
Iesu e butimaei ana taeka Itaia—E tuangiia aomata bwa a na ukoukoria burabeti—A ikotaki ana taeka Tamuera te Reimwanaite ake a kaineti ma te Mangauti. Uakaan ma 34 N.K.
Mwakoro 24
Ana tia ua rongorongo te Uea e na katauraoa te kawai ibukin te Kauaoki—E na tekateka Kristo ni motikitaeka—E tuangaki Iteraera bwa e na kabwakai kabwianibwai ma karea—E a kawakinaki te boki n ururing—Kabootaua ma Maraki 3. Uakaan ma 34 N.K.
Mwakoro 25
A na kabuekaki ake a kainikatonga ma ni buakaka n aiaron maange n te kauaoki—E na oki Eria i mwaain te bong are e kakannato ma ni kakamaku anne—Kabootaua ma Maraki 4. Uakaan ma 34 N.K.
Mwakoro 26
E kabwaranakoi bwaai ni kabane Iesu ma i moana—Merimeri ao ataei a taekin bwaai aika a kamimi ake a bon aki kona ni koreaki—Ake a mena n Ana Ekaretia Kristo a bane n titebo aroia. Uakaan ma 34 N.K.
Mwakoro 27
Iesu e tua bwa e na aranaki te Ekaretia n Arana—Oin tabena ma Ana karea ni kamaiu bon ngaia kanoan Ana euangkerio—A tuangaki aomata bwa a na rairinanoia ma ni bwabetitoaki bwa aonga ni kaitiakaki iroun te Tamnei ae Raoiroi—A na katotonga Iesu. Uakaan ma 34–35 N.K.
Mwakoro 28
Ruaman mai i buakoia reirei ake tengaun ma uoman a anganaki te berita bwa e na koro bukin ae a tangira te kani bwaibwai ni uean Kristo ngkana a mate—Nibwaite ake teniman a anganaki te mwaaka iaon te mate bwa a tangiria n te aro bwa a na tiku iaon te aba ni karokoa ae roko Iesu—A bitaki rabwataia ao a noori bwaai ae aki tau i aan te tua bwa a na taekin, ao a bon mwammwakuri n ibuobuoki ngkai i buakoia aomata. Uakaan ma 34–35 N.K.
Mwakoro 29
Rokon Ana Boki Moomon bon te kanikina bwa te Uea e a waaki n ikotiia Iteraera ma ni kakoroa bukin Ana berita aika a tabu—Naake a totokoi na kaotioti ni boong aika kaitira ao ana bwai n tituaraoi a na reke kaia. Uakaan ma 34–35 N.K.
Mwakoro 30
Tientaire ni boong aika kaitira a tuangaki bwa a na rairinanoia, a na kawara Kristo, ao a na warekaki ma kaain te bata are Iteraera. Uakaan ma 34–35 N.K.