1 Ngkai e koro bukina bwa n aia katenibwi n ririki n tautaeka taan moti i aoia ana botanaomata Nibwaai, i mwin are Moronaai e a tia ni karekea ma ni wareka ana reta Ereman, e bon korakora kimwareireina ibukin te kamweraoi, eng, te tokanikai ae korakora are e a tia n reke iroun Ereman, ni karekei aaba ake a tia ni bua.

2 Eng, ao e bon kaongoia ana botanaomata ni kabane, n aaba ake a uakaan n te mwakoro are e mena iai, bwa aonga naba ni kukurei.

3 Ao e koro bukina bwa e kanakoa naba ngkekei te reta nakon Bwaoraan, n tangiria bwa e na karekea te anga are a na ikotaki mwaane ni kakorakora Ereman, ke ana taanga ni buaka Ereman, n te aro are e na beebete kawakinan mwakoron te aba ae e a tia n rangi ni kamiimi nakoraoin anakina.

4 Ao e koro bukina bwa ngke Moronaai e a tia ni kanakoa te reta nakon te aba are Taraemera, e a manga waaki riki ni karaoa te babaire bwa e aonga ni kona n tauii nikiran aaba ma taabo ao kaawa are a tia Reimwanaite n anai mai irouia.

5 Ao e koro bukina bwa ngke e tabe Moronaai ni katauraoi n nako ni kaaitaraia Reimwanaite n te buaka, nooria, te botanaomata are Nibwaaia, ake a ikotaki man te kaawa are Moronaai ma te kaawa are Riaai ma te kaawa are Morianton, a bon ekakinako irouia Reimwanaite.

6 Eng, ao naake a bon kairoroaki bwa a na biri nako naba man te aba are Maentaai, ao man aaba ake a uakaan, a bon tia n roko man ikotaki ma Reimwanaite ni mwakoron te aba aei.

7 Ao ibukina bwa e rianako mwaitia, eng, ao a karekea korakoraia n te bong teuana nakon te bong teuana, man ana babaire Amoron a bon roko ni kaaitaraia te botanaomata ae Nibwaaia, ao a bon waaki n tiringia n te tiritiri ae korakora.

8 Ao e korakora mwaitia aia taanga ni buaka n te aro are nikiraia ana botanaomata Nibwaaia a bon kairoroaki bwa a na biri nako mai irouia; ao a roko n ikotaki ma ana taanga ni buaka Moronaai.

9 Ao ngkai n aron are Moronaai e taku i nanona bwa e na iai mwaane ake a na kanakoaki nakon te kaawa are Nibwaaia, ni buokiia aomata bwa a na kawakina te kaawa are e bubura, ao e ataia bwa e beebete riki kawakinan te kaawa bwa e na aki bwaka nako nanon baia Reimwanaite nakon manga anakina mai irouia, e bon taku i nanona bwa e na bon beebete kawakinan te kaawa.

10 Ngaia are e tauiia ana taanga ni buaka bwa a na kaawakin taabo ake e a tia ni manga anai.

11 Ao ngkai, ngke Moronaai e nooria bwa te kaawa are Nibwaaia e a bon bua e bon korakora nanokawakina, ao e a moanna n nanououa ibukin buakakaia aomata, bwa tao a na kona ke a na aki kona ni bwaka i nanon baia tariia.

12 Ngkai aio aroia ni kabane mataniwia mataniwi. A bon nanououa ma ni miimii naba ibukin buakakaia aomata, ao aio ibukin tokanikaia Reimwanaite i aoia.

13 Ao e koro bukina bwa Moronaai e bon un n te tautaeka, ibukin aroia n aki tabeakina inaomatan abaia.