1 Nephi

Dagiti Nasantuan a Kasuratan

Libro ni Mormon

Dagiti Linaonna
Pakauna ken dagiti Saksi
1 Nephi
2 Nephi
Jacob
Enos
Jarom
Omni
Dagiti Balikas ni Mormon
Mosiah
Alma
Helaman
3 Nephi
4 Nephi
Mormon
Ether
Moroni

1 Nephi

Kapitulo 1
Irugi ni Nephi ti kasuratan dagiti taona—Makita ni Lehi babaen iti parmata ti maysa nga adigi nga apoy ken basaenna ti libro ti padto—Dayawenna ti Dios, ipadlesna ti yaay ti Mesias, ken ipadtona ti pannakadadael ti Jerusalem—Idadanes isuna dagiti Hudio. Agarup 600 B.C.
Kapitulo 2
Ikuyog ni Lehi ti pamiliana iti let-ang nga asideg ti Nalabaga a Baybay—Panawanda dagiti sanikuada—Mangidaton ni Lehi iti maysa a sakripisio iti Apo ken isurona dagiti annakna nga agbiag sigun kadagiti bilin—Agdayamudom da Laman ken Lemuel kontra iti amada—Agtulnog ni Nephi ken agkararag a mangipakita iti pammati; makisao ti Apo kenkuana, ken mapili isuna nga agturay kadagiti lallaki a kakabsatna. Agarup 600 B.C.
Kapitulo 3
Agsubli dagiti lallaki nga annak ni Lehi idiay Jerusalem tapno alaenda dagiti gambang a pinanid—Agkedked ni Laban nga ited dagiti pinanid—Guyugoyen ken allukoyen ni Nephi dagiti lallaki a kakabsatna—Takawen ni Laban dagiti sanikuada ken ikagumaanna a papatayen ida—Saplitan da Laman ken Lemuel da Nephi ken Sam ket inungtan ida ti maysa nga anghel. Agarup 600–592 B.C.
Kapitulo 4
Patayen ni Nephi ni Laban sigun ti bilin ti Apo ket kalpasanna maalana dagiti pinanid a gambang babaen ti maysa nga estratehia—Pilien ni Zoram a makikadua iti pamilia ni Lehi iti let-ang. Agarup 600–592 B.C.
Kapitulo 5
Agreklamo ni Sarias kontra ken ni Lehi—Agpada nga agragsak iti panagsubli dagiti lallaki nga annakda—Mangidatonda kadagiti sakripisio—Naglaon dagiti pinanid a gambang kadagiti sinurat ni Moises ken dagiti propeta—Ilasin dagiti pinanid ni Lehi a kas kaputotan ni Jose—Ipadto ni Lehi ti maipanggep iti kaputotanna ken ti pannakataginayon dagiti pinanid. Agarup 600–592 B.C.
Kapitulo 6
Isurat ni Nephi dagiti bambanag maipapan iti Dios—Panggep ni Nephi nga allukoyen dagiti tattao a sumurot iti Dios ni Abraham ket maisalakanda. Agarup 600–592 B.C.
Kapitulo 7
Agsubli dagiti annak a lallaki ni Lehi iti Jerusalem ket awisenda ni Ismael ken ti kameng ti pamiliana a sumurot kadakuada iti panagdaliasatda—Summupiat ni Laman ken dagiti dadduma—Allukoyen ni Nephi dagiti lkabsatna a lallaki nga agtalek iti Apo—Pungoenda iti tali ken gandatenda ti ipapatayna—Maruk-atan isuna babaen iti bileg ti pammati—Dumawat dagiti kabsatna a lallaki iti pammakawan—Mangipaay da Lehi ken dagiti kaduana iti daton ken dagiti napuoran a sagut. Agarup 600–592 B.C.
Kapitulo 8
Makita ni Lehi iti parmata ti kayo ti biag—Mangan isuna iti bungana ken tarigagayanna a mangan met ti pamiliana—Makitana ti maysa a landok a pagkaptan, ti nailet ken akikid a dana, ken dagiti angep a nasipnget a nangsallukob kadagiti tattao—Mangan da Saria, Nephi, ken Sam iti bunga, ngem agkedkedda Laman ken Lemuel. Agarup 600—592 B.C.
Kapitulo 9
Agaramid ni Nephi iti dua a grupo a kasuratan—Maawagan ti tunggal maysa iti pinanid ni Nephi—Aglaon dagiti daddadakkel a pinanid iti nailubongan a pakasaritaan; kangrunaan a madakamat kadagiti babbabassit dagiti sagrado a banag. Agarup 600—592 B.C.
Kapitulo 10
Ipadles ni Lehi nga ibaludto dagiti taga-Babilonia dagiti Hudio—Ibagana ti iyaay kadagiti Hudio ti maysa a Mesias, maysa a Mangisalakan, maysa a Mannubbot—Ibaga pay ni Lehi ti iyaay ti maysa a nasken a mangbuniag iti Kordero ti Dios—Ibaga ni Lehi ti ipapatay ken panagungar ti Mesias—Idiligna ti pannakaiwarawara ken panagtitipon ti Israel iti kayo ti olibo—Agsao ni Nephi iti maipanggep iti Anak ti Dios, ti sagut ti Espiritu Santo, ken ti kasapulan iti panagbalin a nalinteg. Agarup 600—592 B.C.
Kapitulo 11
Makita ni Nephi ti Espiritu ti Apo ken maipakita iti parmata ti kayo ti biag—Makitana ti ina ti Anak ti Dios ken maammuanna ti pannakipulapol ti Dios—Makitana ti panagbuniag, ti naespirituan a panagserbi, ken ti pannakailansa iti krus ti Kordero ti Dios—Makitana met ti akem ken naespirituan a panagserbi dagiti Sangapulo-ket-dua nga Apostol ti Kordero. Agarup 600—592 B.C.
Kapitulo 12
Makita ni Nephi iti parmata ti naikari a daga; ti kinalinteg, kinadakes, ken ti pannakadadael dagiti umili; ti idadateng kadakuada ti Kordero ti Dios; no kasano nga ukomen dagiti Sangapulo ket dua a Disipulo ken dagiti Sangapulo ket dua nga Apostol ti Israel; ken ti naalas ken narugit a kasasaad dagiti mapukpukawan iti pammati. Agarup 600—592 B.C.
Kapitulo 13
Makita ni Nephi iti parmata a mabangon ti simbaan ti sairo kadagiti Gentil, ti pannakatakuat ken pannakasakup ti America, ti pannakapukaw ti adu a nalawag ken napateg a paset ti Biblia, ti naimbanagan a kasasaad ti panagikay ti Gentil, ti idadateng ti nasantuan a kasuratan iti ud-udina nga aldaw, ken ti pannakabangon ti Zion. Agarup 600—592 B.C.
Kapitulo 14
Ibaga ti anghel ken ni Nephi dagiti bendision ken lunod a maipaay kadagiti Gentil—Dudua laeng dagiti simbaan: ti Simbaan ti Kordero ti Dios ken ti simbaan ti sairo—Idadanes ti nabileg ken makarimon a simbaan dagiti Santo ti Dios iti amin a pagilian—Isuratto ni Apostol Juan ti maipanggep iti panungpalan ti lubong. Agarup 600—592 B.C.
Kapitulo 15
Umawatto dagiti kaputotan ni Lehi ti ebanghelio manipud kadagiti Gentil iti ud-udina nga al-aldaw—Mayarig ti panaguummong ti Israel iti kayo ti olibo a maisulbongto manen dagiti gagangay a sangana—Ibuksilan ni Nephi ti parmata iti kayo ti biag ken agsao maipanggep iti linteg ti Dios iti pannakaisina dagiti dakes kadagiti nalinteg. Agarup 600—592 B.C.
Kapitulo 16
Narigat nga awaten dagiti dakes ti kinapudno—Asawaen dagiti lallaki nga annak ni Lehi dagiti babbai nga annak ni Ismael—Ti Liahona ti mangidalan kadakuada iti pagturonganda iti langalang—Masansan a maisurat iti Liahona dagiti mensahe iti Apo—Matay ni Ismael; agdayamudom ti pamiliana gapu iti panagrigrigat. Agarup 600—592 B.C.
Kapitulo 17
Mabilin ni Nephi a mangbangon iti bapor—Sumuppiat dagiti lallaki a kakabsatna—Patigmaananna ida babaen ti panangisalaysayna manen iti pakasaritaan dagiti pannakilangen ti Dios iti Israel—Mapnuan ni Nephi iti bileg ti Dios—Maparitan dagiti lallaki a kakabsatna a sagidenda isuna, ta amangan no agkuribetbetda a kas iti nagango a runo. Agarup 592–591 B.C.
Kapitulo 18
Naileppas ti bapor—Madakamat ti pannakayanak da Jacob ken Jose—Aglayag ti grupo nga agturong iti naikari a daga—Agkaykaysa dagiti annak ni Ismael ken dagiti assawada iti panagragragsak ken panagsupringda—Maigalut ni Nephi, ket mapasanud ti bapor gapu iti napigsa a bagyo—Maruk-atan ni Nephi, ket agtalna ti bagyo babaen ti kararagna—Makadanon dagiti tattao iti naikari a daga. Agarup 591–589 B.C.
Kapitulo 19
Agaramid ni Nephi iti pinanid a minas ket isuratna ti pakasaritaan dagiti taona—Umay ti Dios ti Israel innem a gasut a tawen manipud iti panawen nga ipapanaw ni Lehi iti Jerusalem—Ibaga ni Nephi dagiti panagsagaba ken pannakailansana—Maumsi ken mawarawaranto dagiti Hudio agingga iti ud-udina nga aldaw, inton agsublida iti Apo. Agarup 588–570 B.C.
Kapitulo 20
Ipaltiing ti Apo dagiti panggepna iti Israel—Napili ti Israel iti urno ti panagrigat ket pumanawda manipud iti Babilonia—Idilig iti Isaias 48. Agarup 588–570 B.C.
Kapitulo 21
Silawto ti Mesias kadagiti Gentil ken wayawayaannanto dagiti balud—Maummongto ti Israel babaen ti bileg kadagiti maud-udi nga aldaw—Dagitinto ari dagiti manaripato nga ammada—Idilig iti Isaias 49. Agarup 588–570 B.C.
Kapitulo 22
Maiwaraswarasto ti Israel iti amin a dagdaga—Taripatuen ken taraonanto dagiti Gentil ti Israel iti ebanghelio kadagiti maud-udina nga aldaw—Maummong ken maisalakanto ti Israel, ken mapuoranto dagiti dakes a kas iti garami—Madadaelto ti pagarian ti sairo, ken maibaudto ni Satanas. Agarup 588–570 B.C.