Helaman

Dagiti Nasantuan a Kasuratan

Libro ni Mormon

Dagiti Linaonna
Pakauna ken dagiti Saksi
1 Nephi
2 Nephi
Jacob
Enos
Jarom
Omni
Dagiti Balikas ni Mormon
Mosiah
Alma
Helaman
3 Nephi
4 Nephi
Mormon
Ether
Moroni

Helaman

Kapitulo 1
Agbalin a hepe nga ukom ni Pahoran a maikadua ket papatayen ni Kishkumen—Okuparen ni Pacumeni ti tugaw ti pangukoman—Idauluan ni Coriantumr ti armada dagiti Lamanita, sakupenna ti Zarahemla, ket papatayenna ni Pacumeni—Abaken ni Moronihah dagiti Lamanita ket alaenna manen ti Zarahemla ken mapapatay ni Coriantumr. Agarup 52–50 B.C.
Kapitulo 2
Agbalin a hepe nga ukom ni Helaman, ti lalaki nga anak ni Helaman—Idauluan ni Gadianton ti armado a grupo ni Kishkumen—Papatayen ti katulongan ni Helaman ni Kishkumen, ket aglibas ti armado a grupo ni Gadianton iti let-ang. Agarup 50–49 B.C.
Kapitulo 3
Umakar ti adu a Nephita iti daga nga agpaamianan—Mangbangonda kadagiti balay a semento ken agsuratda ti adu a kasuratan—Pinullo a ribu ti makomberte ken mabuniagan—Iturong ti balikas ti Dios dagiti tattao iti pannakaisalakan—Okuparen ni Nephi a lalaki nga anak ni Helaman ti tugaw‑pagukoman. Agarup 49–39 B.C.
Kapitulo 4
Agtipon ti puersa dagiti simiasi a Nephitas ken dagiti Lamanita ket sakupenda ti daga ti Zarahemla—Napasamak dagiti pannakaabak dagiti Nephita gapu iti kinadakesda—Bumassit ti Simbaan, ket kumapuy dagiti tattao kas kadagiti Lamanita. Agarup 38–30 B.C.
Kapitulo 5
Idedikar da Nephi ken Lehi ti bagbagida iti panangasaba—Paregtaen ida babaen iti nagnaganda nga ibasarda ti panagbiagda sigun iti pagulidan dagiti kapuonanda—Subboten ni Cristo dagiti agbabawi—Adu ti makomberte da Nephi ken Lehi ket maibaludda, ket likmuten ida iti apuy—Linongenna iti ulep ti kinasipnget dagiti tallo gasut a tattao—Agkintayeg ti daga, ket bilinnen ti maysa a timek nga agbabawi dagiti tattao—Makisarita da Nephi ken Lehi kadagiti anghel, ket likmuten ti apuy ti ummong ti tattao. Agarup 30 B.C.
Kapitulo 6
Mangasaba dagiti nalinteg a Lamanita kadagiti dakes a Nephita—Agpada a rumang-ay dagiti tattao bayat ti panawen ti kappia ken kinawadwad—Sugsogan ni Lucifer, ti pagtaudanti basol, ti puspuso dagiti dakes ken mannanakaw a grupo ni Gadianton iti pammapatay ken kinadakes—Gun-odden dagiti mannakaw ti panangtengngel ti gobierno dagiti Nephita. Agarup 29–23 B.C.
Kapitulo 7
Mailaksid ni Nephi iti amianan ket agsubli idiay Zarahemla—Agkararag iti torre ti hardinna ket kalpasanna awaganna dagiti tattao nga agbabawi wenno matay. Agarup 23–21 B.C.
Kapitulo 8
Ikagkagumaan dagiti kurap nga ukom a mangsugsog kadagiti tattao a kontra ken Nephi—Pinaneknekan amin da Abraham, Moises, Zenos, Zenock, Ezias, Isaias, Jeremias, Lehi, ken Nephi ni Cristo—Iwaragawak ni Nephi babaen ti inspirasion ti pannakapapatay ti hepe nga ukom. Agarup 23–21 B.C.
Kapitulo 9
Masarakan dagiti mensahero a natay ti hepe nga ukom iti tugaw-pagukoman—Maibaludda ken mawayawayaanda idi agangay—Babaen ti inspirasion ni Nephi bigbigenna ni Seantum a kas ti mammapatay—Inawat ti sumagmamano ni Nephi a kas maysa a propeta. Agarup 23–21 B.C.
Kapitulo 10
Ipaay ti Apo ken ni Nephi ti bileg a manglantip iti agnanayon—Maikkan isuna iti bileg a mamagkappeng ken mamagsina iti daga ken iti langit—Bilinenna dagiti tattao nga agbabawi wenno matayda—Ipanna isuna ti Espiritu manipud iti maysa nga ummong dagiti tattao agingga iti sabali nga ummong dagiti tattao. Agarup 21–20 B.C.
Kapitulo 11
Allukoyen ni Nephi ti Apo a sukatanna ti gubatda iti panagbisin—Adu a tattao ti matay—Agbabawida, ket agpakaasi a sipapasnek ni Nephi ti Apo para iti tudo—Umawat ni Nephi ken Lehi iti adu a paltiing—Sarikedkeddan dagiti mannanakaw a Gadianton ti bagbagida iti daga. Agarup 20–6 B.C.
Kapitulo 12
Saan a natalged ken maag ken alisto nga agaramid iti dakes ti tattao—Dusaen ti Apo dagiti tattaona—Maidilig ti kinaawan pateg ti tattao iti bileg ti Dios—Iti aldaw ti panangukom, magun-odto dagiti tattao ti biag nga agnanayon wenno agnanayon a pannakadusa. Agarup 6 B.C.
Kapitulo 13
Ipadto ni Samuel a Lamanita ti pannakadadael dagiti Nephita malaksid no agbabawida—Mailunodda ken dagiti kinabaknangda—Laksiden ken batoenda dagiti propeta, mapalawlawanda kadagiti demonio, ken kalikagumanda ti kinaragsak babaen iti panagaramidda iti kinadangkes. Agarup 6 B.C.
Kapitulo 14
Ipadto ni Samuel a maaddaanto ti lawag bayat ti rabii ken baro a bituen iti pannakayanak ni Cristo—Subboten ni Cristo dagiti tattao manipud iti nainlasagan ken naespirituan nga ipapatay—Mairaman kadagiti pagilasinan ti ipapatayna ti tallo nga aldaw a kinasipnget, pannakaburak dagiti bato, ken dagiti nakaro a didigra iti nakaparsuaan. Agarup 6 B.C.
Kapitulo 15
Dinusa ti Apo dagiti Nephita gapu ta inayatna ida—Natibker ken napasnek iti pammati dagiti nakomberte a Lamanita—Kaasianto ti Apo dagiti Lamanita kadagiti ud-udina nga aldaw. Agarup 6 B.C.
Kapitulo 16
Buniagan ni Nephi dagiti Nephita a mamati ken ni Samuel—Saan a mapatay ni Samuel babaen kadagiti pana ken bato dagiti saan nga agbabawi a Nephita—Patangkenen ti sumagmamano dagiti pusoda, ken makakita kadagiti anghel dagiti dadduma—Ibaga dagiti saan a mamati a saan a nainsiriban ti mamati ken ni Cristo ken iti yaayna idiay Jerusalem. Agarup 6–1 B.C.