Mosiah

Dagiti Nasantuan a Kasuratan

Libro ni Mormon

Dagiti Linaonna
Pakauna ken dagiti Saksi
1 Nephi
2 Nephi
Jacob
Enos
Jarom
Omni
Dagiti Balikas ni Mormon
Mosiah
Alma
Helaman
3 Nephi
4 Nephi
Mormon
Ether
Moroni

Mosiah

Kapitulo 1
Isuro ni ari Benjamin kadagiti lallaki nga annakna ti pagsasao ken dagiti padto dagiti ammada—Mataginayon ti pammati ken ti sursuroda gapu kadagiti kasuratan a naitalimeng iti nagduduma a pinanid—Mapili ni Mosiah kas ari ken maitalek kenkuana dagiti kasuratan ken dadduma pay a bambanag. Agarup 130–124 B.C.
Kapitulo 2
Agbitla ni ari Benjamin kadagiti taona—Lagipenna ti kinalinteg, kinaimbag, ken ti espiritualidad ti panagturayna—Bagbagaanna ida nga agserbi iti Nailangitan nga Ari—Agsagabanto dagiti sumupring iti Dios iti nakaro a leddaang a kas iti saan a masebseban nga apuy. Agarup 124 B.C.
Kapitulo 3
Ituloy ni ari Benjamin ti agbitla—Agserbinto ti Apo a Mannakabalin kadagiti tattao iti tabernakulo a pitak—Agbulosto ti dara iti tunggal bassit nga abut ti kudil bayat iti panangsubbotna kadagiti basol ti lubong—Ti naganna laeng ti mangipaay iti pannakaisalakan—Mabalin nga ikkaten ti tao ti nailubongan a kinatao ket agbalinda a Santo babaen iti Pannubbot—Kaslanto iti dan-aw ti apuy ken asupre ti tuok dagiti nadangkes. Agarup 124 B.C.
Kapitulo 4
Ituloy ni ari Benjamin ti bitlana—Dumteng ti pannakaisalakan gapu iti Pannubbot—Mamati iti Dios tapno maisalakan—Taginayonen ti pannakapakawan kadagiti basol babaen ti kinapudno—Ibinglay ti sanikuayo iti nakurapay—Aramidenyo amin a banag babaen iti kinasirib ken kinaurnos. Agarup 124 B.C.
Kapitulo 5
Agbalin nga annak ni Cristo dagiti Santo babaen iti pammati—Maawaganda ngarud iti nagan ni Cristo—Gutugoten ida ni ari Benjamin nga agtalinaed a natibker ken saan a maisin kadagiti nasayaat nga aramid. Agarup 124 B.C.
Kapitulo 6
Isurat ni ari Benjamin ti nagnagan dagiti tattao ken mangtuding kadagiti saserdote a mangisuro kadakuada—Agturay ni Mosiah a nalinteg nga ari. Agarup 124–121 B.C.
Kapitulo 7
Masarakan ni Ammon ti daga a Lehi-Nephi, a ni Limhi ti ari—Adipen dagiti Lamanita dagiti tattao ni Limhi—Salaysayen ni Limhi ti pakasaritaanda—Impaneknek ti maysa a propeta (ni Abinadi) a ni Cristo ti Dios ken Ama ti amin a banag—Agani iti alipugpog dagiti agmula iti kinarugit, ket maisalakan dagiti agtalek iti Apo. Agarup 121 B.C.
Kapitulo 8
Isuro ni Ammon dagiti tattao ni Limhi—Adalenna dagiti duapulo ket uppat a pinanid a Jaredita—Mabalin a maipatarus dagiti nagkauna a kasuratan babaen dagiti mammadto—Awan ti nabilbileg a sagut ngem ti kinamammadto. Agarup 121 B.C.
Kapitulo 9
Idauluan ni Zeniff ti bunggoy a naggapu iti Zarahemla tapno tagikuaen ti daga a Lehi-Nephi—Palubosan ida ti ari a Lamanita nga agtawid iti daga—Adda gubat a nakairamanan dagiti Lamanita ken dagiti tattao ni Zeniff. Agarup 200–187 B.C.
Kapitulo 10
Matay ni ari Laman—Naatap ken narungsot ken mamati iti saan a pudno a kaugalian dagiti taona—Agballigi da Zeniff ken dagiti taona a maibusor kadakuada. Agarup 187–160 B.C.
Kapitulo 11
Agturay ni ari Noe iti kinadangkes—Pagragragsakanna ti managbasol a panagbiag kadagiti assawa ken kamalalana—Ipadto ni Abinadi a maadipen dagiti tattao—Panggepen ni ari Noe a papatayen isuna. Agarup 160–150 B.C.
Kapitulo 12
Maibalud ni Abinadi gapu iti panangipadtona iti pannakadadael dagiti tattao ken ti ipapatay ni Ari Noe—Adawen dagiti saan a pudno a saserdote dagiti nasantuan a kasuratan ken agpammarangda a mangsursurot iti linteg ni Moises—Rugian ni Abinadi nga isuro kadakuada ti Sangapulo a Bilin. Agarup 148 B.C.
Kapitulo 13
Salakniban ti nadiosan a bileg ni Abinadi—Isurona ti Sangapulo a Bilin—Saan a dumteng ti pannakaisalakan babaen ti linteg laeng ni Moises—Mismo a ti Dios ti mangaramidto iti pannubbot ken mangsubbot kadagiti taona. Agarup 148 B.C.
Kapitulo 14
Agsao ni Isaias a maipanggep iti Mesias—Nadakamat ti pannakaibabain ken panagsagaba ti Mesias—Aramidenna ti karuruana a daton para iti basol ken mangibabaet para kadagiti nagbasol—Idilig iti Isaias 53. Agarup 148 B.C.
Kapitulo 15
No kasano a ni Cristo ti Ama ken ti Anak—Mangibabaet ken mangibaklayto kadagiti naglabsingan dagiti taona—Kaputotanna ida ken dagiti nasantuan a propetana—Pasamakennanto ti Panagungar—Addaan iti agnanayon a biag dagiti babassit nga ubbing. Agarup 148 B.C.
Kapitulo 16
Subboten ti Dios dagiti tattao manipud iti pannakapukaw ken pannakatnag a kasasaad—Agtalinaed dagiti nailubongan a kasla awan napasamak a pannubbot—Patauden ni Cristo ti panagungar tapno maaddaan iti awan inggana a biag wenno iti awan inggana a pannakailunod. Agarup 148 B.C.
Kapitulo 17
Patien ken isurat ni Alma dagiti balikas ni Abinadi—Natay ni Abinidi babaen iti pannakauram—Ipadtona ti sakit ken ipapatay babaen ti apuy kadagiti nangpapatay kenkuana. Agarup 148 B.C.
Kapitulo 18
Mangasaba ni Alma iti pribado—Ilawlawagna ti katulagan iti pannakabuniag ket mangbuniag kadagiti danum ti Mormon—Buangayenna ti Simbaan ni Cristo ket agorden kadagiti saserdote—Ipaayanda ti bagbagida ket isuroda dagiti tattao—Aglibas iti langalang da Alma ken dagiti taona manipud ken ni Ari Noe. Agarup 147–145 B.C.
Kapitulo 19
Gandaten ni Gideon a patayen ni Ari Noe—Rauten dagiti Lamanita ti daga—Matay ni Ari Noe iti apuy—Agturay ni Limhi a kas emperador a pagbayadan iti buis. Agarup 145–121 B.C.
Kapitulo 20
Inlibasda dagiti saserdote ni Noe ti sumagmamano kadagiti babbalasang a Lamanita—Makigubat dagiti Lamanita kada Limhi ken dagiti taona—Mapasanud ken mapagtalna dagiti buyot ti Lamanita. Agarup 145–123 B.C.
Kapitulo 21
Rauten ken abaken dagiti Lamanita dagiti tattao ni Limhi—Maam-ammo dagiti tattao ni Limhi ni Ammon ket mamalbaliwda—Ibagada ken ni Ammon dagiti duapulo ket uppat a pinanid ni Jared. Agarup 122–121 B.C.
Kapitulo 22
Naaramid ti plano iti panaglibas dagiti tattao manipud iti pannakaadipen iti Lamanita—Binartekda dagiti Lamanita—Aglibas dagiti tattao, agsublida iti Zarahemla, ken iturayan ida ni Ari Mosiah. Agarup 121–120 B.C.
Kapitulo 23
Agkedked ni Alma nga agbalin nga ari—Agakem a nangato a saserdote—Dusaen ti Apo dagiti taona, ken parmeken dagiti Lamanita ti daga a Helam—Agturay ni Amulon, dadaulo dagiti dakes a saserdote ni Ari Noe, a sakup iti turay ti emperador a Lamanita. Agarup 145–121 B.C.
Kapitulo 24
Idadanes ni Amulon ni Alma ken dagiti taona—Mapapatayda no agkararagda—Palag-anen ti Apo dagiti dagensenda—Wayawayaanna ida manipud iti pannakaadipen, ket agsublida iti Zarahemla. Agarup 145–120 B.C.
Kapitulo 25
Agbalin a Nephita dagiti an-annabo ni Mulek iti Zarahemla—Maam-ammoda dagiti tattao ni Alma ken ni Zeniff—Buniagan ni Alma ni Limhi ken amin dagiti taona—Tudingan ni Mosiah ni Alma a mangbangon iti Simbaan ti Dios. Agarup 120 B.C.
Kapitulo 26
Adu a miembro ti Simbaan ti insungsong nga agbasol dagiti saan a mamatpati—Maikarian ni Alma iti biag nga agnanayon—Magun-od dagiti agbabawi ken mabuniagan ti pammakawan—Pakawanento ti Apo dagiti nagbasol a kameng ti simbaan nga agbabawi ken agpudno ken ni Alma; no saan, saandanto a maibilang kadagiti tattao ti Simbaan. Agarup 120–100 B.C.
Kapitulo 27
Iparit ni Mosiah ti panagidadanes ken ipaulogna ti panagpapatas—Padasen ti ub-ubing nga Alma ken dagiti uppat a lallaki nga annak ni Mosiah a dadaelen ti Simbaan—Agparang ti anghel ket bilinenna ida nga isardengdan ti dakes nga aramidda—Mapaumel ni Alma—Nasken a maipasngay manen ti amin a sangkatauan tapno magun-odda ti pannakaisalakan—Ipakdaar da Alma ken dagiti lallaki nga annak ni Mosiah dagiti naimbag a damag. Agarup 100–92 B.C.
Kapitulo 28
Mapan mangasaba dagiti lallaki nga annak ni Mosiah kadagiti Lamanita—Babaen ti panangaramatna kadagiti dua a bato ti panangipadto, ipatarus ni Mosiah dagiti pinanid a Jaredita. Agarup 92 B.C.
Kapitulo 29
Isingasing ni Mosiah a mapili dagiti ukom a mangsukat iti ari—Iturong dagiti saan a nalinteg nga ari dagiti tattaoda nga agaramid iti basol—Mapili a kangatuan nga ukom ti ub-ubing nga Alma babaen ti timek dagiti tattao—Isu pay ti kangatuan a saserdote iti Simbaan—Matay ti laklakay nga Alma ken ni Mosiah. Agarup 92–91 B.C.