1 Ket iti dayta nga aldaw kunamto: O Apo, dayawenkanto; nupay kinapungtotnak idi naawanen ti pungtotmo, ket liniwliwanak.

2 Kitaem, ti Dios ti pannakaisalakanko; agtalekakto, ken saanak nga agbuteng; agsipud ta ni Jehova nga Apo ti pigsak ken ti kantak; nagbalin pay a pannakaisalakanko.

3 Ngarud, sumakdokayo a sirarag-o iti danum kadagiti bubon ti pakaisalakanan.

4 Ket iti dayta nga aldaw kunaenyonto: Dayawyo ti Apo, awaganyo ti naganna, ipalawagyo dagiti aramidna kadagiti tattao, dakamatenyo a naitan-ok ti naganna.

5 Kantaanyo ti Apo; agsipud ta inaramidna dagiti kasayaatan a bambanag; naammuanna daytoy iti intero a daga.

6 Iyebkas ken ippukkawyo, dakayo nga agtaeng iti Sion; agsipud ta naindaklan ti Nasantuan ti Israel iti nagtengngaam.