1 Na hwɛ, da no reba, na ɔbɛhyew dɛ fononoo; na ahopɔwfo nyina, nyew, na hɔn a wɔyɛ emumuyɛ nyina bɛyɛ dɛ mburonan; na da a ɔreba no bɛhyew hɔn, Dɔm Ewuradze na ɔse, dɛ orinngya hɔn ndwow anaa abaw.

2 Mbom hom a hom suro me dzin no dze, Tsenenee Ɔba no bɔsoɛr dze ayarsa wɔ ne ntsaban mu epue ama hom; na hom befir edzi kan na hom enyin dɛ anantwiban mu anantwifɔr.

3 Na hom betsiatsia emumuyɛfo do; na wɔbɛyɛ nso wɔ hom ananadze wɔ da a mebɛyɛ iyi no mu, Dɔm Ewuradze na ɔse.

4 Hom nkaa m’akowaa Moses mbra a mehyɛɛ no wɔ Horeb dze maa Israel nyinara no, nye ahyɛdze na atsɛmbu no.

5 Hwɛ, mobɔsoma nkɔnhyɛnyi Elijah ma brɛ hom ansaana Ewuradze ne da kɛse no a ɔyɛ hu no edu;

6 Na ɔno na ɔbɛdandan egyanom hɔn akoma aba mba do, na mba hɔn akoma aba hɔn egyanom do, amma maammfa ndom mammbɔbɔ asaase no.