1 Sikawa esalemaki ete esilaki Amuleki kotia nsuka na maloba oyo, bamilongolaki uta na ebele ya bato mpe bayaki likolo na mboka ya Yesoni.

2 Iyo, mpe bandeko oyo batikali, esilaki bango koteya liloba epayi ya Bazolami, bayaki likolo na mboka ya Yesoni mpe lokola.

3 Mpe esalemaki ete esilaki eteni oyo eyebanaki mingi ya Bazolami kotunana elongo mpo na oyo etali maloba oyo mateyamaki epayi na bango, basilikaki na ntina ya liloba, mpo ebebisaki bikelakela na bango; boye balingaki koyoka maloba yango te.

4 Mpe batindaki mpe basangisaki esika moko epayi nyonso na mboka mobimba bato nyonso, mpe batunanaki elongo na bango mpo na oyo etali maloba oyo elobamaki.

5 Sikawa bayangeli na bango mpe banganganzambe na bango mpe bateyi na bango batikaki te bato bayeba oyo etali mposa na bango; boye bayebaki na nkuku makanisi ya bato nyonso.

6 Mpe esalemaki ete esilaki bango koyeba makanisi ya bato nyonso, bango oyo basepelaki na maloba oyo elobamaki na Alma mpe bandeko na ye babenganamaki uta na mboka; mpe bazalaki mingi; mpe bayaki lisusu na mboka ya Yesoni.

7 Mpe esalemaki ete Alma mpe bandeko na ye basalelaki bango.

8 Sikawa bato ya Bazolami basilikaki na bato ya Amona oyo bazalaki na Yesoni, mpe moyangeli mokonzi na Bazolami, lokola azalaki moto moko ya nkuna mpenza, atindaki likolo epayi ya bato ya Amona mpo azalaki na mposa ete basengeli kobengana bato oyo babenganamaki uta na mboka na bango nyonso oyo bayaki na mboka na bango uta epayi na bango.

9 Mpe abimisaki libanda bokaneli mingi epayi na bango. Mpe sikawa bato ya Amona babangaki te maloba na bango; boye babenganaki bango te, kasi bayambaki babola nyonso ya Bazolami oyo bayaki epayi na bango; mpe baleisaki bango, mpe balatisaki bango, mpe bapesaki epayi na bango mboka mpo na bosangoli libula na bango; mpe basalisaki bango engebene na mposa na bango.

10 Sikawa oyo elamusaki nkanda ya Bazolami na bato ya Amona, mpe babandaki kosangana elongo na Balamani mpe balamusaki ya bango nkanda mpo na bango.

11 Mpe boye Bazolami mpe Balamani babandaki komilengela mpo na etumba na bato ya Amona, mpe lisusu na Banefi.

12 Mpe boye nde esilaki mobu ya zomi na nsambo ya boyangeli ya basambisi likolo ya bato ya Nefi.

13 Mpe bato ya Amona bakendaki uta na mboka ya Yesoni, mpe bayaki kofanda kati na mboka ya Meleki, mpe bapesaki esika na mboka ya Yesoni na mampinga ya Banefi, ete bakoka kowela na mampinga ya Balamani mpe mampinga ya Bazolami; mpe boye ebandaki etumba kati na Balamani mpe Banefi, na mobu ya zomi na mwambe ya boyangeli ya basambisi; mpe lisolo ya bitumba na bango ekopesama awa nsima.

14 Mpe Alma, mpe Amona, mpe bandeko na bango bandimi, mpe lisusu bana mibali mibale ya Alma bazongaki na mboka ya Zalayemila, esilaki bango kozala bisaleli na maboko ya Nzambe mpo na komema mingi ya Bazolami na boyamboli; mpe mingi lokola bamemamaki na boyamboli babenganamaki uta na mboka na bango; kasi bazalaki na mboka ya bosangoli libula na bango na mboka ya Yesoni, mpe bakamataki manduki mpo na komibatela bango moko, mpe basi na bango, mpe bana, mpe mboka na bango.

15 Sikawa Alma, lokola ayokaki mpasi mpo na mabe ya bato na ye, iyo mpo na bitumba, mpe bosopi makila, mpe boweli oyo ezalaki na kati na bango; mpe lokola asakolaki liloba, to etindamaki ye mpo na kosakola liloba na kati ya bato nyonso na engumba moko moko; mpe lokola amonaki ete mitema ya bato mibandaki kokoma makasi, mpe ete babandaki kosepela te na ntina ya sikisiki ya liloba, motema na ye ezalaki na mawa mingi koleka mpenza.

16 Boye, asalaki ete bana mibali na ye basangana esika moko, ete akoka kopesa epayi na bango moko na moko mokumba na ye, na bokabwani, mpo na oyo etali makambo ya bosembo. Mpe tozali na lisitwale ya mitindo na ye, oyo apesaki epayi na bango engebene na lisolo ya makomi na ye moko.