1 Ket napasamak a nagsurat manen isuna iti gobernador ti daga, a ni Pahoran, ket dagitoy dagiti balikas nga insuratna, a kunana: Kitaen, iturongko ti suratko ken ni Pahoran, iti siudad ti Zarahemla, nga isu ti hepe nga ukom ken ti gobernador iti daga, ken kasta met kadagiti amin a napili dagitoy a tattao a mangituray ken mangimaton kadagiti aktibidad daytoy a gubat.

2 Ta kitaen, adda banag nga ibagak kadakuada babaen ti panangbabalaw; ta kiaten, ammoyo a mismo a nadutokankayo ​​nga ummongen dagiti soldado, ken armassan ida kadagiti espada, ken kadagiti simetro, ken amin a kita ti armas a pakigubat iti tunggal klase, ken baonen ida a makilaban kadagiti Lamanita, iti ania man a lugar a sirrekenda kadagiti dagatayo.

3 Ket ita kitaen, kunak kadakayo a siak a mismo, ken kasta met dagiti soldadok, ken kasta met ni Helaman ken dagiti soldadona, nagsagaba iti kasta unay a kinakaro a panagsagaba; wen, uray ti bisin, waw, ken bannog, ken amin a kita ti rigat iti tunggal klase.

4 Ngem kitaen, saankami koma nga agtanabutob wenno agreklamo no dagitoy laeng ti sinagabami.

5 Ngem kitaen, adu unay ti pamapatay kadagiti tattaotayo; wen, rinibu ti napapatay babaen ti espada, idinto a sabali koma ti napasamak no intedyo kadagiti kadagiti ti umdas a puersa ken tulong para kadakuada. Wen, ti panangliwayyo kadakami.

6 Ket ita kitaen, tarigagayanmi a maammuan ti gapu daytoy nakapalpalalo a panangliway; wen, tarigagayanmi a maammuan ti rason iti awan pakaseknan a kasasaad ti pampanunotyo.

7 Mabalin kadi a panunotenyo ti agtugaw kadagiti tronoyo iti awan pakaseknan a kasasaad ti awan marikrikna a pampanunotyo, idinto nga isaksaknap dagiti kabusoryo ti ar-aramidenda ti pannangpapatay iti aglawlawmo? Wen, idinto a papatayenda ti rinibu kadagiti kakabsatyo—

8 Wen, uray dagiti nagdepende kadakayo para iti salaknib, wen, inkabildakayo iti kasasaad a mabalin a matulonganyo ida, wen, mabalin a nangibaonkayo ​​kadagiti soldado kadakuada, a nangpapigsa kadakuada, ken naisalakanyo iti rinibu kadakuada manipud iti ipapatay babaen ti espada.

9 Ngem kitaen, saan laeng a daytoy—impaidamyo dagiti probisionyo kadakuada, isu a nakilabanda ken naad-adasanda iti dara gapu ta addaanda iti napasnek a tarigagay para iti pagimbagan dagitoy a tattao; wen, ket naaramidda daytoy idi dandanida a matay iti bisin, gapu iti kasta unay a panangbaybay-anyo kadakuada.

10 Ket ita, ay-ayatek a kakabsatko—ta rumbeng a maayatkayo; wen, ket rumbeng koma nga ad-adda a sigagaget ti panangguyugoyyo iti bagbagiyo para iti pagimbagan ken wayawaya dagitoy a tattao; ngem kitaen, binaybay-anyo ida isu nga umayto ti dara dagiti rinibu kadagiti uloyo para iti panagibales; wen, gapu ta ammo ti Dios ti amin a panagpakaasida, ken amin a panagsagabada—

11 Kitaen, maipagarupyo kadi a mabalinyo ti agtugaw kadagiti tronoyo, ken gapu iti kasta unay a kinaimbag ti Dios awan ti maaramidyo ket isalakannakayo? Kitaen, no ipagarupyo a kastoy nagipapankayo iti awan kaes-eskanna.

12 Ipagarupyo kadi nga, ti kinadakesda isu ti gapu nga adu kadagiti kakabsatyo ti napapatay? Kunak kadakayo, no impagarupyo daytoy awan serserbina ti impagarupyo; ta kunak kadakayo, adu ti napapatay babaen ti espada; ket kitaen daytoy ti pannakakondenaryo;

13 Ta ipalubos ti Apo a mapapatay dagiti nalinteg tapno mapasamak ti kinahustisia ken panangukomna kadagiti dakes; ngarud nasken a saanyo nga ipagarup a nailaksid dagiti nalinteg gapu ta napapatayda; ngem kitaen, sumrekda iti paginanaan ti Apo a Diosda.

14 Ket ita kitaen, kunak kadakayo, mabutengak unay a mapasamakto dagiti panangukom ti Dios kadagitoy a tattao, gapu iti kasta unay a kinasadutda, wen, uray ti kinasadut ti gobiernotayo, ken ti kasta unay a panagliwayda kadagiti kakabsatda, wen, kadagidiay napapatay.

15 Agsipud ta no saan a gapu iti kinadakes nga immuna a nangrugi iti mangidaulo kadatayo, nabaelantayo koma a sinaranget dagiti kabusortayo ta saanda koma nagun-od ti bilegda kadatayo.

16 Wen, no saan koma a gapu iti gubat a bimtak iti nagbaetanmi; wen, no saan koma a gapu kadagitoy a tattao-ti ari, a nakaigapuan ti kasta unay a pammapatay iti nagbaetanmi; wen, iti panawen a naglalabankami iti nagbaetanmi, no pinagkaykaysami koma ti pigsami a kas iti inaramidmi idi; wen, no saan koma a gapu iti tarigagay kadagidiay tattao-ti ari nga addaanda iti bileg ken turay para kadakami; no napudnoda koma iti panggep ti wayawayami, ken nakikaykaysa kadakami, ken napanda nakilaban kadagiti kabusormi, imbes nga alaenda dagiti espadada laban kadakami, a gapuanan ti nakaad-adu a pammapatay iti nagbaetanmi; wen, no napankami koma nakilaban kadakuada iti pigsa ti Apo, napatalawmi koma dagiti kabusormi, ta naaramid koma daytoy, sigun iti pannakatungpal ti balikasna.

17 Ngem kitaen, ita rarautendakami dagiti Lamanita, tagikuaenda dagiti dagami, ket papatayenda dagiti tattaomi babaen ti espada, wen, dagiti babbaimi ken annakmi, ken kasta met nga italawda ida a balud, pagsagabaenda ida iti amin a kita ti pammarigat, ket gapu daytoy iti nakaro a kinadakes dagidiay agsapsapul iti bileg ken turay, wen, uray pay dagidiay ari-tattao.

18 Ngem apay nga adu ti ibagak maipanggep daytoy a banag? Agsipud ta saanmi nga ammo ngem mabalin a dakayo mismo ti mangkalkalikagum iti turay. Saanmi nga ammo ngem mabalin pay a traidorkayo iti pagilianyo.

19 Wenno saan kadi a liniwayanyokami gapu ta addakayo iti sentro ti pagiliantayo ken napalawlawankayo iti kinatalged, ta saanyo nga imbilin a mangipatulod ti taraon kadakami, ken kasta met kadagiti soldado a mangpapigsa kadagiti soldadomi?

20 Nalipatanyo kadin dagiti bilin ti Apo a Diosyo? Wen, nalipatanyo kadin ti pannakabalud dagiti ammatayo? Nalipatanyo kadi ti adu a daras a naisalakantayo manipud kadagiti ima dagiti kabusortayo?

21 Wenno ipagarupyo kadi nga isalakannatayo pay ti Apo, bayat nga agtutugawtayo kadagiti tronotayo ket saantayo aramaten dagiti wagas nga impaay para kadatayo ti Apo?

22 Wen, agtugawkayo kadi nga awan ti ar-aramidenna bayat a napalawlawankayo dagidiay rinibu, wen, ken pinullo a ribu, nga agtugtugaw met nga awan ti ar-aramidenna, idinto a rinibribu iti aglawlaw dagiti benneg ti daga ti mapapatay babaen ti espada, wen, masugsugatan ken agdardara?

23 Ipagarupyo kadi nga ibilangnakayo ti Dios nga awan ti basol idinto nga agtugtugawkayo lattan ken mangbuybuya kadagitoy a bambanag? Kitaen kunak kadakayo, Saan. Ita kayatko a laglagipenyo a kinuna ti Dios a nasken a madalusan nga umuna ti uneg ti pagkargaan, ket kalpasanna madalusan met ti makinruar ti pagkargaan.

24 Ket ita, malaksid no talaga nga agbabawikayo iti dayta nga inaramidyo, ket rugianyo ti agsagana ken agkuti, ken agipatulodkayo kadagiti taraon ken soldado kadakami, ken kasta met ken ni Helaman, tapno masuportaranna dagidiay paset ti pagilianmi a napasublina, ket tapno mapasublimi met dagiti nabati a sanikuami kadagitoy a paset, kitaen rumbeng unay a saankami a makilaban kadagiti Lamanita agingga a saantayo pay nga umuna a nadalusan ti makin-uneg ti pagkargaantayo, wen, uray pay iti kangatuan a mangidaulo ti gobiernotayo.

25 Ket malaksid no ipaayyo ti kiddawko iti suratko, ket rummuarkayo ken ipakitayo kaniak ti pudno nga espiritu ti wayawaya, ken ikagumaanyo a papigsaen ken pakireden dagiti soldadomi, ken ipaayyo kadakuada ti taraon para iti suportada, kitaen ibatikto ti paset dagiti nawaya a tattao a mangmentenar daytoy a paset ti dagami, ken ibatik ti pigsa ken dagiti bendision ti Dios kadakuada, tapno awan iti sabali a bileg ti mabalin a mangituray kadakuada—

26 Ket gapudaytoy iti kast unay a pammatida, ken kinaanusda kadagiti rigrigatda—

27 Ket umayakto kadakayo, ket no adda siasinoman kadakayo nga addaan iti tarigagay para iti wayawaya, wen, no adda man uray maysa a kirmat ti wayawaya a nabati, kitaen gutugotekto dagiti panagalsa kadakayo, uray pay agingga a maungawto dagidiay addaan tarigagay a mangagaw ti bileg ken turay.

28 Wen, kitaen saanko a kabuteng ti bilegmo wenno iti turaymo, ngem ti Diosko ti pagbutbutngak; ket sigun kadagiti bilinna nga alaek ti espadako a mangidepensa iti panggep ti pagiliak, ket gapu iti kinadakesyo a nagsagabakami iti kasta unay a pannakapukaw.

29 Kitaenyo daytoy ti panawen, wen, itan ti panawen, idinto a malaksid no gutugotenyo ti bagbagiyo a mangdepensa iti pagilianyo ken dagiti babassityo, nakabitin iti ngatuenyo ti espada ti kinahustisia; wen, ket agtinnagto kadakayo ken sarungkarannakayo uray agingga iti namimpinsan a pannakadadaelyo.

30 Kitaen, ur-urayek ti tulong manipud kadakayo; ket, malaksid no mangipaaykayo iti pannakabang-armi, kitaen, umayak kadakayo, uray pay iti daga ti Zarahemla, ket tiroenkayo ​​iti espada, iti kasta awanen ti bilegyo a manglapped iti panagrang-ay dagitoy a tattao para iti panggep ti wayawayami.

31 Agsipud ta kitaen, saan nga ipalubos ti Apo nga agbiag ken pumigsakayo kadagiti kinadangkesyo a mangdadael kadagiti nalinteg a taona.

32 Kitaen, maipagarupyo kadi nga isalakanakayo ti Apo ket ipakat ti panangukom a kontra kadagiti Lamanita, idinto a daytoy ti tradision dagiti ammada a nakaigapuan ti gurada, wen, ket nadoble daytoy babaen kadagidiay simmupiat manipud kadatayo, bayat a ti kinadangkesyo ket para iti panggepyo iti ayatyo ti gloria ken dagiti awan serserbina a bambanag ti lubong?

33 Ammoyo a naglabsingkayo kadagiti linteg ti Dios, ken ammoyo nga pinayatpayatanyo ida iti saksakayo. Kitaen, kuna kaniak ti Apo: No saan nga agbabawi dagidiay intudingyo a gobernadoryo kadagiti basol ken kinadangkesda, mapankanto makigubat kadakuada.

34 Ket ita kitaen, siak, ni Moroni, napilitanak, sigun iti katulagan nga inaramidko a mangtungpal kadagiti bilin ti Diosko; ngarud kayatko a tungpalenyo ti balikas ti Dios, ket ipatulodyo a dagus kaniak dagiti probisionyo ken dagiti soldadoyo, ken kasta met ken Helaman.

35 Ket kitaen, no saanyo nga aramiden daytoy umayak a dagus kadakayo; ta kitaen, saan nga ipalubos ti Dios a mataykami iti bisin; ngarud itedna kadakami ti taraonyo, uray no nasken a babaen ti espada. Ita siguraduenyo a tungpalenyo ti balikas ti Dios.

36 Kitaen, siak ni Moroni, ti hepe a kapitanyo. Saanko ikagumaan ti bileg, ngem ikkatek dayta. Saanko ikagumaan ti dayaw iti lubong, ngem ti dayag ti Diosko, ken ti wayawaya ken pagimbagan ti pagiliak. Ket iti kasta irikepko iti suratko.