Mormonpa Qelqan

Chhaynaqa, Nephiq llaqtanpa lamanitakunaqpiwan willayninmi. Israelpa wasinpa puchun lamanitakunaman, judiokunaman, hawarunakunamanwan qelqasqa. Kamachisqa kaqtin qelqasqa, unanchaypa, rikuypa ima nunanwan qelqasqa. Qelqasqa, intuykusqa, Wiraqochapaq pakasqapiwan, mana chinkachisqa kanankupaq; sut’inchasqa kananpaq, yayaq qoyninwan, atiyninpiwan lloqsimunanpaq. Moroniq, intuykusqan Wiraqochapaq pakasqa, chanin pachapi hawarunakunaq makinkuwan lloqsimunanpaq, Yayaq qoyninwan sut’inchasqa kananpaq.

Etherpa Qelqanmanta horqosqa huch’uyyachisqa willaypiwan, kaytaq Jaredpa llaqtanpa willaynin; kay llaqtataq ch’eqechisqa karqan, hanaqpachaman chayanankupaq huk rumi qolqata ruwashaqtinku, runakunaq siminkuta Yaya chharqoshaqtin—kaytaq rikuchin Israelpa wasinpa puchunman, imayna hatun imaymanakunata taytankunarayku Wiraqochaq ruwasqanta; mana wiñaypaqchu qarqosqa kanankupaq Wiraqochaq rimanakuyninkunata yachanankupaq. Judiokunata hawarunakunatawan konvensinapaq, Wiñay Yaya Jesus Cristo kasqanta llapa llaqtakunaman pay kikin qhawachikuspa. Kunantaq, pantaykuna kan chayqa, runakunaq pantayninkun; chhaynaqa ama condenaychischu Yayaq imankunata, Jesucristoq taripana-tiyananpa ñawpaqenpi mana ima qhelliyoq rikhurinaykichispaq.