Cʼo Chukaʼ ri Quijiquibanic ri Vakxakiʼ Jiquibanelaʼ

Tiquetamaj cʼa checonojel ri tinamit, ri ijaʼtzul, ri chʼabel, y ri vinakul, achojiqʼuin xtapon vi re vuj reʼ, chi ri José Smith, alcʼualaxel, ri kʼaxayon re vuj reʼ pan inglés, jacʼa rijaʼ xcʼutun chikavech ri xaxilej tak chʼichʼ, ri janíla chʼoven banon chiquij, y can e kʼana chʼichʼ vi yetzuʼun. Roj can e kachapon vi riqʼuin ri kakʼaʼ ronojel ri ruxak ri e rusolon rij ri ma Smith. Xekatzʼet chukaʼ ri etal e tzʼiban can chiquivech. Ronojel riʼ nucʼut chi can ojer vi banon can y can jebel vi banon can chire. Yojjiquiban cʼa chirij ronojel reʼ riqʼuin choj tak chʼabel. Nikajiquibaʼ cʼa chi ri ma Smith can xerucʼut vi ri xaxilej tak chʼichʼ chikavech, roma can xekatzʼet vi y xkanaʼ ri calal. Can kitzij vi ketaman chi riqʼuin ri ma Smith e cʼo vi ri xaxilej tak chʼichʼ, achojchij oj chʼovinek vi. Roma cʼariʼ, nikacʼut el ri kabiʼ chiquivech ri vinakiʼ ri a cʼo chuvachʼulef richin nikajiquibaʼ ri katzʼeton. Can man vi nikatzʼuc ta tzij. Ja ri Dios nijiquiban cʼa chi choj ri nikaben.