Tseebíí Daʼiiłtsáanii Bizaad Tʼáá Aanínígíí

Bééhózin Dooleeł tʼáá ałtso nihookááʼ dineʼé dah deíkáahgo, ahidaʼdiilchíín, dóó saad aheełtʼé bił nahazʼą́ągo, díí naanish bichʼįʼ kódoolnííł: Joseph Smith, Jun., díí naanish bilagáanaa bizaadkʼehjí ánályaa, éí béésh óola tʼą́hí baa yáʼootiʼígíí nihichʼįʼ ííshjání áyiilaa, óola nahalingo; Smith wolyéii béésh tʼą́hí bilagáanaa bizaadkʼehjí ánáyiidlaaígíí nihílaʼ bee ndashiijaaʼ; áádóó bikááʼ naʼasdzooígíí ałdóʼ deiiltsą́, tʼáá ałtso ałkʼidą́ą́ʼ ndaʼazhnish, dóó baa áháyą́ągo binaʼazhnish nahalin. Áádóó saad naʼiiłnáanii bee ádadiiʼní, Smith wolyéii nihichʼįʼ ííshją́ą́ áyiilaa, deiiltsą́ dóó ndashiijaaʼ, dóó tʼáá aaníí nihił béédahózingo Smith wolyéii béésh óola tʼą́hí baa yádeiiltiʼígíí neiʼá. Áádóó tʼáá ałtso bílaʼashdlaʼii binááł nihízhiʼ ádeiilnééh, bílaʼashdlaʼii díí deiiltsánígíí deidoołtsééł biniiyé. Áádóó Diyin God nihá ooʼį́įgo, doo danihiyoochʼíid da.