1 Beʼoraʼ in yabilah sucuʼuneʼex, bey túnaʼ, quiʼn wáʼalic teʼexeʼ, wá maʼ ta kexic a wóleʼexeʼ bín pʼátaac mixbaʼal ta nahileʼex.

2 Beyoʼ wá maʼ ta kexic a wóleʼexeʼ a coʼoleleʼex bín anac u yókoloʼob tiʼ le kin cu dzic chʼuʼuchʼ; tumen bín a caxteʼex bix can púdzuleʼex baʼaleʼ minaʼan tuʼux ca bineʼex; beyoʼ hach ótsil le coʼoleloʼob taitac u dzic sásil, tumen hach yaʼab u alil, maʼ tu páhtal u púdzuloʼobiʼ; le betiʼqueʼ, bín yaʼachʼeʼtiʼc cun pʼaʼataloʼob beyoʼ utiaʼal u químiloʼob.

3 Beyoʼ, hach ótsileʼex a kabaʼeʼex u palaleʼex Nefi wá maʼ ta quexiʼc a wóleʼex le can a wileʼex le baʼaxoʼob bín eʼesaʼac tiʼoʼoboʼ; tumen dzoʼoc u yéyaʼaloʼob u cahal Yumtsil; beyoʼ, u palal Nefi úch u yablitiʼcoʼob, úch xan u keyicoʼob; beyoʼ tu kinil u kebanoʼobeʼ u keymaʼnoʼob tumen u yacunmoʼoboʼ.

4 Baʼaleʼ heʼel túnaʼ in sucuʼuneʼexeʼ, u palal Laman maʼ u yabiltiʼc tu yoʼolal cu betiʼc kas untiʼch, le heʼeloʼ úch tu yoʼolal u caʼansahil u tataoʼob. Baʼaleʼ heʼel túnaʼ, le salvacionoʼ cu tal tiʼoʼob yoʼolal u caʼansah u palal Nefi; tu yoʼolalaʼ Yumtsileʼ cu yaʼabcuntiʼc u kiniloʼob.

5 Beyoʼ in kát ca a dzaʼabaeʼex cuenta de que yan yaʼab ichiloʼob tyaʼan tu behil u meyahoʼob, yételeʼ cu xímbaloʼob tu beh tu tánil Hahal Dios, cu betiʼcoʼob u tʼan yétel u maʼndamientoʼob yétel u juicio heʼex u yaʼalaʼal u leyil Moises.

6 Beyoʼ quiʼn wáʼalic teʼexeʼ, yan yaʼab ichiloʼob cu betiʼcoʼob beyaʼ, tán u dzicubaoʼob untiʼch u betiʼc u naʼat u yalab u sucuʼunoʼob le hahiloʼ; le betiʼqueʼ sánsamaʼl yaʼaboʼob tún juntartiʼcubaoʼob yételoʼob.

7 Beyoʼ bey a woheʼleʼex teʼexaʼ tumen a wilmaʼheʼexeʼ, de que u yaʼabil ichiloʼob wá cu kahóltiʼcoʼob u hahiloʼob yétel u kahóltiʼcoʼob u kasiʼl u caʼansahil u úchben tataoʼob, yétel u creertiʼcoʼob tiʼ le sagrado dzíboʼob, beyoʼ, le baʼax yan u yúchul aʼalaʼan tumen le sagrado profetaoʼoboʼ, le dzíbtaanoʼoboʼ, le cu yántiʼcoʼob u creertiʼcoʼob tiʼ Yumtsil, yétel ca u kex u yóloʼob, beyaʼ u feiloʼobaʼ yétel u keʼexel u yoloʼobeʼ cu betiʼc u sén kexpahal u pucsiʼkaloʼob;

8 Le betiʼqueʼ u yaʼabil le cu betiʼcoʼob beyaʼ a woheʼleʼex teʼexeʼ sénquech dzaʼan u yóloʼob tiʼ u feiloʼob, yétel le baʼax tu halkabtahoʼoboʼ.

9 Yételeʼ a woheʼleʼex xan de que dzu muquiʼcoʼob u nuʼuculoʼob baʼatel, hach sáhacoʼob u chʼaʼicoʼob tu caʼatén tumen maʼ u kátoʼob u lúbuloʼob ich keban tu caʼaténiʼ; beyoʼ, ca wileʼex hach sahacoʼob u betiʼcoʼob keban tumen, heʼel túnaʼ, cu chaʼicoʼob u yaʼachʼetaaloʼob yétel u quínsaʼaloʼob tumen u enemigoʼob yétel maʼ tu líks u tadz maʼscaboʼob tu contraoʼob, cu betiʼcoʼob beyoʼ tumen hach yan u fe tiʼ Cristo.

10 Beʼoraʼ tu yoʼolal hach dzaʼan yóloʼob tiʼ le baʼax cu creertiʼcoʼob le can u hach creertoʼobeʼ, tumen tu yoʼolal hach cu pʼátal tiʼ le behoʼ le can dzaʼabac sásil tiʼoʼoboʼ, heʼel túnaʼ Yumtsil heʼel u bendicirtiʼcoʼob yétel u yaʼabcunsic u kiniloʼob, quex úch u betiʼcoʼob keban.

11 Beyoʼ quex wá cu cuxtaloʼob bey maʼ tu creertiʼcoʼoboʼ Yumtsileʼ heʼ u yaʼabcuntiʼc u kiniloʼob tac u kuchul u kinil h aʼalaʼab tumen c tataoʼobeʼ, yétel tumen le profeta Zenos, yétel tumen yaʼab ulak profetaoʼob tu yoʼolal u caʼa dzaʼabal c sucuʼunoʼobeʼex, u palal Laman utiaʼal u kahóltiʼcoʼob u hahil.

12 Beyoʼ, quiʼn wáʼalic teʼex, tiʼ le dzoʼoc kinoʼoboʼ Yumtsil cu betiʼc bín mukyahnacoʼob yaʼab yétel bín kiʼkiʼtaacoʼob tiʼ yaʼab tuʼuxoʼob yókol luʼum, bín chuctaacoʼob, yétel bín betaac lob tiʼoʼob, yétel u kiʼkiʼtaaloʼob yaʼab tuʼux, minaʼan tuʼux u púdzuloʼob beyoʼ Yumtsileʼ heʼ u chʼaʼic ótsilil tiʼoʼobeʼ.

13 Lelaʼ cu yaʼalaʼal bey heʼebix u tʼanil le baʼax bín úchucoʼ, ca u kahóltoʼob u hahil, le heʼeloʼ u kahóltoʼob yoʼolal u Salvador, yétel u nohoch Máx cu Canántiʼc Tamaʼnoʼ tu hahil, ca xoʼococoʼob ichil u tamaʼnoʼob letiʼ.

14 Le betiʼqueʼ quiʼn wáʼalic teʼexeʼ, maʼs maʼalob bín hókocoʼob tiʼ teʼex wá maʼ ca kexic a wóleʼexiʼ.

15 Tumen heʼel túnaʼ wá úch cu yeʼesicoʼob tiʼ letiʼoʼob le baʼax cu yeʼesaʼal teʼexeʼ beyoʼ, tiʼ le maʼxoʼob cu cuxtaloʼob bey maʼ tu creertiʼcoʼoboʼ tu yoʼolal u caʼansahiloʼob u úchben tatailoʼob, cu páhtal a wiliqueʼex tu hahil de que wá ca úchuc beyoʼ maʼtech u pʼatiʼcoʼob u creertiʼcoʼoboʼ.

16 Le betiʼque, cu yaʼalic Yumtsil: Maʼ tiʼn láh xuʼulsicoʼobiʼ sino tu kinil in naʼatiʼleʼ bín in bet ca caʼa sunacoʼob tiʼ ten, cu yaʼalic Yumtsil.

17 Beʼoraʼ heʼel túnaʼ, cu yaʼalic Yumtsil, tu yoʼolal u cahal u palal Nefi: Wá maʼ tu kexic u yóloʼob u betiʼcoʼob in tʼan, yan in láh xuʼulsicoʼob, cu yaʼalic Yumtsil, tu yoʼolal maʼ tu creertiʼcoʼobiʼ quex wá dzoʼoc u yilicoʼob yaʼab meyahoʼob cu haʼaksic yól maʼc in betmaʼh ichiloʼob; hach tu hahil Yumtsil beyxanneʼ heʼ u yúchul le baʼaloʼobaʼ, cu yaʼalic Yumtsileʼ.