U Libroil Enos

1 Ten túneʼ, Enos, in woheʼlmaʼh in tataeʼ huntúl maʼc toh cuxlahic; tumen tu caʼansen tiʼ u tʼan yétel xan tiʼ u tʼanil yétel u yacunah Yumtsil, tu yoʼolal lelaʼ ca quiʼquiʼtʼantaac u kabaʼ in Hahal Dios.

2 Bín in wáʼal teʼex yoʼolal le baʼatel anhi ten tu tán Hahal Dios antes lúksaʼab in kebanoʼob.

3 Heʼel túnaʼ, hóken kax h dzon; le tʼanoʼob suc in wuʼuyic tiʼ in tata yókol cuxtal minaʼan u xul yétel le quiʼmaʼc ólal tiʼ le maʼalob maʼcoʼob ocól tu dzuʼ in pucsiʼkal.

4 Cah wiʼichahiʼ in pixan; cah xolaheʼn tu tán le Máx u mentmen, tiʼ maʼx tiʼn kátah yétel lep ólal oracion bey xan tiʼn kátah tiʼn woʼolal; tiʼn caʼa kátah tiʼ Letiʼ bulkin; bey, cah eʼhochʼeʼenchahi xiʼic u bin u nácal in tʼan tac cah kuch tiʼ caʼanoʼob.

5 Cah tal humpʼél tʼan tiʼ ten, ca tu yaʼalah: Enos, a kebanoʼobeʼ tu tuʼubsaʼal tech yétel yan a bendecirtaal.

6 Ten, Enos, in woheʼlmaʼh maʼ tu páhtal u tus Hahal Dios; beyoʼ, h tubsaʼab in kebanoʼob.

7 Ca tiʼn wáʼalaheʼ Yumtsil, bix úchic lelaʼ?

8 Ca tu núcah ten: Tu yoʼolal a fe tiʼ Cristo, maʼx mix bikin a wuʼuymaʼh mix a wilmaʼh. Yan u maʼn yaʼab haʼaboʼob utiaʼal u yeʼesicuba tiʼ u wínclil; tu yoʼolal lelaʼ xen, a fe dzoʼoc u salvartiʼquech.

9 Úcheʼ ca dzoʼoc in wuʼuyic le tʼanoʼobaʼ, ca hoʼopʼ in dzíbotiʼc u bin utsil tiʼ in sucuʼunoʼob u palaloʼob Nefi tu yoʼolal beyaʼ tiʼn kátah yétel tulácal in pixan tiʼ Hahal Dios tu yoʼolaloʼob.

10 Bey aniquenaʼ tiʼn meyah yétel in pixan, heʼel wáyaʼ u tʼan Yumtsil tu caʼatén h kuch tiʼ ten, tu yaʼalic: Bín in xímbal a sucuʼunoʼob heʼebix cun meyahoʼob tiʼ u baʼax in wáʼalmaʼh tiʼoʼob. In dzamaʼh tiʼoʼob letiʼ le nohoch cahaʼ, humpʼél sagrado luʼum maʼ bín in kát kakas baʼal wá maʼ tu yoʼolal u kakas cuxtaliʼ. Tu yoʼolaleʼ yan in xímbatiʼc a sucuʼunoʼob bey aʼalbil u kebanoʼob yan in betiʼc u yémel yétel kinaʼan yókol u poloʼob.

11 Cu dzoʼocol in wuʼuyic le tʼanoʼobaʼ, ten Enos, h cáh u yantal ten humpʼél fe maʼ tu kexpahal tiʼ Yumtsil; ca tiʼn kátah tiʼ maʼntadz yétel tulácal in wól tu yoʼolal in sucuʼunoʼob u palaloʼob Laman.

12 Cah úcheʼ cu dzoʼocol in kátiʼc yétel in meyah yétel tulácal chucaʼan ólaliloʼ ca tu yaʼalah ten Yumtsil: Tu yoʼolal a fe in caʼah in dza tech bucaʼah a dzíbolaloʼob.

13 Heʼel túnaʼ, letiʼ lelaʼ le baʼax dzíbolal dzin kátiʼc tiʼ letiʼ: Wá tumen in cahal, le cahal Nefita, cu lúbul tiʼ keban ca úchic u xuʼulsaʼaboʼob tiʼ humpʼél modo baʼaleʼ u palaloʼob Laman maʼ beyoʼoboʼ, letiʼ Yumtsil maʼ u chaʼic u saʼatal u caʼansahil in cahal, u palaloʼob Nefi, quex mix yétel u páhtalil u sagrado kab, utiaʼal wá baʼax kinil bín bisaʼac caʼa xiʼic bisbil tiʼ Lamanitaoʼob, utiaʼal ca pátac u bisaʼaloʼob tiʼ toh beh.

14 Tumen tac behlaʼeʼ quex wá c dzicba ca caʼa sutaacoʼob tiʼ le u hahil feoʼ maʼ u kátoʼobiʼ. Dzoʼoc xan u hach aʼalicoʼob ichil u mukyahiloʼob wá u páhtaloʼobeʼ bín u xuʼulsoʼob c sagrado dzíboʼob yétel toʼon, yétel xan tulácal u úchben tʼan c tataoʼob.

15 Tu yoʼolal beyaʼ teneʼ in wohél, Yumtsil heʼel u páhtal u canántiʼc c sagrado dzíboʼoboʼ ca tiʼn sénqech kát tiʼ tumen Letiʼeʼ u yaʼalmaʼh ten beyaʼ: Heʼel baʼax ca a kát yétel fe ca tucultiʼc heʼel a kamic tu kabaʼ Cristoeʼ, yan atiaʼalintiʼc.

16 Ten túneʼ, anhi ten fe ca tiʼn sén kátah tiʼ Yumtsil cu canánt le sagrado dzíboʼobaʼ; ca tu mentah promesa tiʼn wétel utiaʼal u dzaic tiʼ Lamanitaoʼob tu hahil yétel quen kuchuc u kinil.

17 Ten Enoseʼ, in woheʼlmaʼh bín betaac heʼebix u prometertmaʼhil Letiʼ bey túnaʼ, in pixaneʼ pʼat heʼedzecba.

18 Ca tu yaʼalah ten Yumtsil: A tataoʼobeʼ tu kátoʼob ten xan lailiʼ lelaʼ, bín dzaʼabac tún tiʼoʼob le bucaʼah fe tumen u fe chicaʼanchah tiʼ atiaʼali.

19 Cah úch túneʼ, ten Enoseʼ, h maʼnen ichil u cahal Nefi, tiʼn wáʼalic u hahil cun taloʼob úchul yétel tiʼn wáʼalah yoʼolal le baʼax in wuʼuymaʼh yétel in wilmaʼh.

20 Quin wáʼalic ten tu hahil le u cahal Nefi, tu dzahuba yétel tulácal yól u caʼa dzaic le Lamanitaoʼob tiʼ u hahil fe tiʼ Hahal Dios. Baʼaleʼ tulácal le meyahoʼ t betah maʼ páhchahiʼ tumen u kuxiloʼob minaʼan u xul yétel tu chaʼ u bisaʼaloʼob tumen u kakas cuxtaloʼob ca tu sutubaoʼob bey baʼalcheʼoʼob dzicoʼob, yétel quínsah maʼcoʼob, cu adorartiʼcoʼob le diosoʼob betaan tumen maʼc yétel kasaʼanil. Yétel cu tséntiʼcubaoʼob yétel baʼalcheʼoʼob cu hantiʼcoʼob bak yétel cu cahtaloʼob tiʼ kuchbil nahoʼ tu maʼnoʼob ich kax teʼelaʼ yétel humpʼél com kaxnak kéwel tu baʼpach u puʼuch, yétel dzicaʼan u poloʼob; yétel u pecaniloʼobeʼ tiʼ yan arcoʼoboʼ, tiʼ le maʼscab, yétel tiʼ le bát. Yaʼab tiʼ letiʼoʼobeʼ chén cheʼecheʼ bak cu hantiʼcoʼob; yétel untiʼch u kát u xulsoʼonoʼob.

21 Cah úcheʼ, le u cahal Nefi pakalnahoʼob teʼ luʼumoʼ, beyaʼ anhi tulácal nékoʼob yétel u yich cheʼoʼob; yétel tu tséntah yaʼabach wácaxoʼob, yétel u muchʼlil tulácal hambil baʼalcheʼoʼob, yétel u tamaʼnoʼob yétel xan yaʼabach tsíminoʼob.

22 Yétel anchah yaʼab profetaoʼob ichiloʼon; yétel maʼcoʼob maʼ tu kexic u yóloʼob yétel chich u naʼatoʼob.

23 Yétel chén humpʼél nohoch keyahil, cu tʼan yétel cu caʼansic yoʼolal u guerrasoʼob, u baʼateloʼob yétel u xuʼululoʼob, untiʼch tu kaʼahs tiʼoʼob le químil, bucaʼah u xántah le minaʼan u xulil, le juicioʼob, le u páhtalil Hahal Dios yétel tulácal le baʼaloʼobaʼ, untiʼch tu chiclaʼaloʼob utiaʼal u chʼaʼicoʼob sahquiʼl tiʼ Yumtsil. Quin wáʼalic chén tu yoʼolal le baʼaloʼobaʼ yétel yaʼabach tadz tʼanoʼobeʼ, maʼ tu chaʼah u han lúbuloʼob u xuʼululoʼob. Yétel bey túnaʼ, bey heʼebix in dzíb yókol letiʼoʼob.

24 Ca tiʼn wilah baʼateloʼob ichil u palaloʼob Nefi yétel u palaloʼob Laman ichil in kiniloʼob.

25 Cah úcheʼ, ca caʼa in nuxibtal dzoʼoc u maʼn caʼach ciento setenta y nueve haʼaboʼob desde hókic c tata Lehi tiʼ Jerusalen.

26 Ca tiʼn wilah de que yan in séb químil yétel cu dzoʼocol u dzaʼabal tiʼn tucul tumen u páhtalil Hahal Dios in tʼan yétel in wáʼalic u hahil baʼaloʼob tiʼ le cahaʼ yétel in wáʼalic le tʼan heʼebix u hahil anil tiʼ Cristo, dzoʼoc in caʼansic tulácal a kiniloʼob, yétel tiʼ letiʼ tiʼn quiʼmaʼccunsah in wól, maʼ tiʼ le baʼaloʼob wáy yokolcabilaʼ.

27 Yétel hach séb quiʼn bin teʼ tuʼux quiʼn heʼeleʼloʼ, letiʼ tyaʼan tiʼcnal in Salvadoreʼ tumen in woheʼl tu yoʼolal Letiʼ yan in kamic le heʼeleʼloʼ. Yétel cu quiʼmaʼcchahal in wól tu kinileʼ in wínclileʼ yan u caʼa chʼic u cuxtaliʼl minaʼan u xul, yétel yan in wántal tu tánil Letiʼ. Beyaʼ yan in wilic u yich yétel quiʼmaʼc ólal, yétel yan yaʼalic teneʼ: Coʼoten tiʼn wicnal tech a kamaʼh bendi cionoʼobeʼ yan humpʼél cúchil betaan atiaʼal ich u tanahoʼob in Tata. Amen.