Jarompaj Quilcashca

1 Cunan riqui, ñuca, Jarom, asha shimicunata quilcani ñuca taitapaj rurachunbacha saquimanda, Enós, ñucanchi genealogía alichishca cachun.

2 Imashna cai jirru fangacuna uchillacuna can, imashna cai cuzascuna quilcashca can ñucanchi huauqui Lamanitacuna ali cachun munaimanda, chaimanda, minishtirishca can ashata quilcana; shina cajpipash ñuca na quilcasha ñuca achil villachinacunata, ñuca achil ricuicunatapash. Imapata ashtahuan quilcasha ñuca taitacuna quilcashcata yalishpa? Nachu paicuna quishpiringapa ima ruranata achil yachaj chayachishca? Cangunaman nini, Ari; cai shinalla cahuan.

3 Riqui, cai minishtirishca can cai llactapuracunahuan ashtaca rurashca cachun, paicunapaj shinlli shungucunamanda, paicunapaj rinricuna na uyaj caimanda, paicunapaj yuyaicuna ñausacuna caimanda, paicunapaj cungacunapash na cuyurijcuna; shina cajpipash, Dios paicunata ninanda llaquij can, cunangamanbash paicunata cai alpa jahuallamanda nara fichashcachu.

4 Ñucanchihuan taucacuna chasquin tauca achil ricuchicunata, na tucuilla na cazujcuna canllu. Imashna na cazujcuna na can feta charinbash, Espíritu Santohuan alipacha rijsirin, cai ricuringa runacunapaj huahuacunaman, paicunapaj femanda.

5 Cunan, riqui, ishcai patsaj huatacuna yalishca can, Nefipaj llactapuracuna alpapi shinllicunaman tigrashca carca. Moiséspaj catichunbacha saquishcacunata pactachingapa atirin samana achil punllatapash Apunchijman. Paicuna na yanga riman; na ali shimicunata na riman. Llactapaj catichunbacha saquishcacuna ninan ruranapachacuna carca.

6 Paicuna chajchurishcacuna carca ashtaca alpajahuallapi, Lamanitacunapash. Paicuna carca ashtahuanbacha na yupanalla Nefitacunata yalishpa; paicuna huañuchinata juyarca sacha animalcunapaj yahuarta ufiajcunapash.

7 Yalishca jipa tauca viaje ñucanchi Nefitacunaman, contra shamurca, macanajungapa. Ashtahuangari ñucanchi jatun mandajcuna ñucanchi pushajcunapash shinlli runacuna carca Apunchijpaj fepi; paicuna yachachirca llactapuracunata Apunchijpaj ñangunata; chaimanda, Lamanitacunahuan shinlli cai usharcanchi ñucanchi pambacunamanda ficharcanchi, ñucanchi llactacunata ashtaca shinlliyachircanchi, nacashpaca ñucanchi chasquina pushtucunata shujllangaman.

8 Ninandapacha mirarircanchi, jicharircanchi alpajahuacunaman, curipaj ninan charijcunaman tigrarcanchi, culquipaj, juyailla cuzascunapaj, fino caspihuan maqui rurashcacunapaj, jatun huasicunapaj, maquinariacunapaj, hierropaj, cobrepaj, broncepaj, aceropaj, tucui laya imatapash ruranacunapaj alpata tarpungapa, macanajungapa armacunapa—ari, filolla flechacunapa, jabalinacunapa, macanajungapa yachajushca shuyanacunapapash.

9 Shina yachajushpalla shuyanajushpa Lamanitacunahuan tuparingapa, paicuna na ñucanchi contra ali mirarca. Ashtahuangari Apunchijpaj shimi pactashca carca, maijan ñucanchi taitacunamanda parlarca, caita nishpa: Imashna canguna ñuca rurachunbacha saquishcacunata alichishpaca cai pambapi ali miranguichi.

10 Yalishca jipa Apunchijpaj achil villachijcuna Nefipaj llactapuracunata shinlli rimarca, imashina Diospaj shimishna, paicuna rurachunbacha saquishcacunata na alichishpaca ashtahuan na ali ruraihuan urmashpaca, paicuna tucuchishca canga cai alpajahuacunamanda.

11 Chaimanda, achil villachijcuna, sacerdotecuna, yachachijcuna, utsialla trabajarca, cutin yarichishpa llactapuracunata tucui jatun llaquicunahuan utsiallaman; Moiséspaj catichunbacha saquishcacunata yachachishpa; imapami caita cushca carca; Mesíasta ñaupaman ricuchun munashpa, paipaj shamunata crichun ña cashcatashna. Cashna laya yachachishca carca.

12 Yalishca jipa cashna ruraimanda cai alpa jahuallamanda tucuchinamanda alichirca; achil shimicunahuan shungumanda llaquirirca, paicunapaj shungucuna catilla arrepentimientoman tanganajurca.

13 Yalishca jipa, ishcai patsaj quimsa chunga pusaj huatacuna yalishca carca—cashna laya macanajuicuna, fiñanajuicuna, ninanda fiñarishpa rimarinacuna, tauca punllacunapi.

14 Ñuca, Jarom, ashtahuan na quilcanichu, imashpa cai jirru fangacuna uchilla can. Ashtahuangari riqui, ñuca huauquicuna, ri ushanguichi chaishu Nefipaj jirru fangacunaman; riqui, chaipi ñucanchi macanajuicuna tandachishpa quilcashca can, jatun mandajcunapaj quilcaicunamanda, nacashpaca maijan paicuna quilcachirca.

15 Cai jirru fangacunata ñuca churi Omniman paipaj maquicunapi cuni, ñuca taitacuna rurachunbacha saquishcacunacaimanda quilcashpa catichun.