Mormónpaj Shimicuna

1 Cunan ñuca, Mormón, ñuca churi Moroniman, ña cujrijushpa tandachishca quilcashcata ñuca maquicunahuan rurashcacunata, riqui ñuca ricushcani ñalla tucui tucuchita ñuca llactapurapaj, Nefitacuna.

2 Cai can Tauca patsaj huatacuna Cristo shamushca jipa ñuca cai tandachishca quilcashcacunata ñuca churipaj maquicunapi cuni; yuyanimi pai ricunga ñucapaj llactapuracunapaj tucuilla tucurita. Ashtahuangari Dios saquipanga pai causachunra, paicunamanda ashtahuan quilcachun, ashtahuan Cristomandapash, shuj punlla cai alicaipapash.

3 Cunan, ñuca parlani ashata ñuca quilcashcamanda; Nefipaj jirru fangacunamanda tandachishcata rurani, jatun mandaj Benjamínpaj reinadomanda urai, pimanda Amalekí parlarca, ñuca mascarcani tandachishca quilcashcacunapi ñuca maquicunapi cushcacunapi, cai jirru fangacunatami tarircani, maijan achil villachijcunamanda ashalla tandachishpa quilcashcata charin, Jacobmanda urai jatun mandaj Benjamín reinadocaman, tauca Nefipaj shimicunapash.

4 Cuzascuna cai jirru fangacunapica sumajyachihuan, achil villaicunamanda Cristo shamuimanda; ñuca taitacuna yachaimanda tauca caicunamanda pactashca cajta; ari, ñuca yachanipash tauca cuzascuna ñucanchimanda achil villachishca cashcacuna cunan punllacaman pactashca can, shinallata tauca cai punlla jipacunapash ciertopacha yalinga—

5 Chaimanda, ñuca ajllarcani cai cuzascunata, tucurichun ñuca tandachishpa quilcashcacuna, yarichichun ñuca tandachishpa quilcashcata Nefipaj jirru fangacunamanda japisha; patsajmanda shujtapash ñuca llactapurapaj cuzascunata na quilcai ushani.

6 Ashtahuangari riqui, cai jirru fangacunata japisha cai achil villachicunata achil ricuchicunatapash charin, ñuca tucuri tandachishpa quilcashcahuan churasha, ajllashcapacha cahuan; ñuca yachani caicuna ñuca huauquicunaman juyailla canga.

7 Ñuca caita rurani shuj yachashca munaipa; shina alilla villahuashca, ñucapi caj Apunchijpaj Espíritu shina mandaimanda. Cunan, ñuca na yachanichu tucui cuzascunata; ashtahuangari Apunchij yachan tucui cuzascunata ima shamunacunata; chaimanda, pai ñucapi tangachihuan paipaj munashcahuan rurachun.

8 Ñuca huauquicunamanda Diosta achil mañani, paicuna cutin shamui ushachun Diosta yuyaipi chasquingapa, ari, Cristopaj jatun causachina; cutishuj munanayai llactapuracuna cachun.

9 Cunan ñuca, Mormón, tucuchini ñuca tandachishpa quilcashcacunata, Nefipaj jirru fangacunamanda japini; caita rurani yachaimanda yuyaipi chasquina Dios cuhuashcaimanda.

10 Chaimanda, yalishca jipa Amalekí jatun mandaj Benjamínpaj maquicunapi cushca jipa, pai japirca churarcapash cutishuj jirru fangacunahuan, maijan tandachishpa quilcashcacunata charin jatun mandajcunaman maquin maquin cumushca, shuj miraimanda cutishuj miraiman jatun mandaj Benjamínpa punllacunacaman.

11 Paicuna maquin maquin cumushca jatun mandaj Benjamínmanda, shuj miraimanda cutishuj miraiman imaura caicuna ñuca maquicunaman chayamungacaman. Ñuca, Mormón, Diosta achil mañani cunan punllamanda ñaupaman alchishpa charishca cachun. Ñuca yachani alchishpa charishca canga; caicunapi jatun cuzascunata quilcashca can, caicunamanda ñuca llactapuracuna ñuca huauquicunapash ricushpa chasquichishca canga jatun tucuri punllapi, Diospaj shimimanda maijan quilcashca can.

12 Cunan, cai jatun mandaj Benjamínmanda—pai llactapuracunahuanllata ashta fiñanajuicunata charirca.

13 Yalishca jipa Lamanita macanajuj runacuna Nefi pambacunamanda urai shamurca, paipaj llactapuracunahuan macanajungapa. Ashtahuangari riqui, jatun mandaj Benjamín paipaj macanajuj runacunata tandachirca, paicunahuan shayarirca; pai macanajurca paipaj rigrapaj ushaihuan, Labánpaj espadahuan.

14 Apunchijpaj ushaihuan paicunapaj na ricunayachijcunahuan macanajurca, paicuna huañuchishca carca tauca huaranga Lamanitacunata. Yalishca jipa Lamanitacunahuan macanajurca paicunata tucui paicunapaj chasquina alpacunamanda llujchishpa cachangacaman.

15 Yalishca jipa llulla Cristocuna tiashca jipa, paicunapaj shimicuna vichashca cashpa, paicuna castigashcacuna paicunapaj ruraicunamanda;

16 Tiashca jipa llulla achil villachijcuna, llulla yachachijcuna llactapuracunapi yachachijcunapash, castigai tucushca jipa paicunapaj ruraicunamanda; ashtaca tiashca jipa randimanda plituricuna ninanda apostasíacunapash Lamanitacunapaman, riqui, yalishca jipa jatun mandaj Benjamín, llactapuracunapi tiaj achil villachijcuna ayudajpi—

17 Riqui, jatun mandaj Benjamín shuj achil runa carca, paipaj llactapuracunata ali ruranapi reinarca; tauca achil runacuna tiarca llactapi, paicuna Diospaj shimita parlarca ushaihuan autoridadhuanbash; yapata rimaita ashtacata minishtirca llactapuracuna shinlli shungucuna caimanda—

18 Chaimanda, caicuna ayudajpi jatun mandaj Benjamín, paipaj cuerpo tucui usharishcahuan paipaj tucui alma cashcahuan, achil villachijcunapash, cai alpapi sumaj causaita cutinbash churarca.