Buku ya Moroni
Mokapo 1
Moroni akomi mpo na litomba ya Balamani—Banefi oyo bakowangana Klisto te batiami na liwa. Penepene na mibu 401–421 ya Mobu ya Nkolo.
1 Sikawa ngai, Moroni, esilaki ngai kotia nsuka ya kokoma bokuse ya lisolo ya bato na yelede, nabanzaki te ete esengeli nakoma lisusu, kasi nawei naino te; mpe namibimisi te na Balamani mbele baboma ngai.
2 Mpo tala, bitumba na bango ezali makasi mingi koleka na kati na bango moko; mpe na ntina ya boyini na bango bati na liwa Monefi nyonso oyo akowangana Klisto te.
3 Mpe ngai, Moroni, nakowangana Klisto te; yango wana, nazali koyenga-yenga bipayi nyonso wapi nakoki mpo na bokengi ya bomoi na ngai.
4 Yango wana, nakomi lisusu mwa makambo moke, na bokeseni na oyo wana nabanzaki; mpo nabanzaki ete nasengeli kokoma lisusu te; kasi nazali kokoma mwa makambo moke lisusu, ete mbele makoka kozala ya motuya epayi ya bandeko na ngai, Balamani, na mokolo ekoya nsima, engebene na bolingi ya Nkolo.