Mokapo 2
Yesu apesi bayekoli ya Banefi zomi na mibale nguya mpo na kopesa likabo ya Molimo Mosantu. Penepene na mibu 401–421 ya Mobu ya Nkolo.
1 Maloba ya Klisto, oyo alobaki epayi ya bayekoli na ye, Bazomi na mibale oyo aponaki, lokola atiaki maboko na ye likolo na bango—
2 Mpe abiangaki bango na nkombo, kolobaka: Bosenga na Tata na nkombo na ngai, na losambo ya makasi; mpe esili bino kosala oyo bokozala na nguya ete likolo na ye oyo bokotia maboko na bino, bokopesa Molimo Mosantu; mpe na nkombo na ngai bokopesa yango, mpo bapostolo na ngai basalaka boye.
3 Sikawa Klisto alobaki maloba oyo epayi na bango, na ntango amonanaki mbala ya yambo; mpe ebele ya bato bayokaki yango te, kasi bayekoli bayokaki yango; mpe likolo ya mingi lokola batiaki maboko na bango, Molimo Mosantu akitaki.