1 Te mau parau a te Mesia, ’o tāna i parau atu i tāna ra mau pipi, te tino hō’ē ’ahuru ’e ma piti ’o tāna i mā’iti, ’a tu’u atu ai ’oia i tōna nā rima i ni’a iho ia rātou ra—

2 ’E ’ua pi’i atu ’oia i tō rātou mau i’oa, i te nā-’ō-ra’a atu ē : E ti’aoro atu ’outou i te Metua i tō’u nei i’oa ma te pure ’ū’ana atu iāna ; ’e i muri iho i tō ’outou nā-reira-ra’a, e fāri’i ’outou i te mana, ’e ’o ’oia ’o tā ’outou e tu’u atu i tō ’outou rima i ni’a iho ra, e hōro’a atu ïa ’outou i te Vārua Maita’i ; ’e nā roto ho’i i tō’u ra i’oa e hōro’a atu ai ’outou i te reira, ’e ’ua nā reira ato’a ho’i tā’u ra mau ’āpōsetolo.

3 I teienei, ’ua parau atu te Mesia i teie mau parau ia rātou i te taime nō tōna fā-mātāmua-ra’a mai ia rātou ; ’e ’aita ho’i te mau ta’ata i fa’aro’o atu i te reira, ’ua fa’aro’o rā te mau pipi i te reira ; ’e ’ua ma’iri mai te Vārua Maita’i i ni’a iho ia rātou e rave rahi ’o tā rātou i tu’u atu i tō rātou rima i ni’a iho.