1 Ana taeka Kristo, ake e taekin nakoia ana reirei, ake tengaun ma uoman ake e a tia n rineia, ngke e katokai baina i aoia—

2 Ao e weteia n araia ni kangai: Kam na wetea te Tama n arau, n tataro ni kakorakorai ngkami; ao ngkana kam a tia ni karaoa aio e na reke iroumi te mwaaka bwa ane kam katokai baimi i aona ao kam na anganna te Tamnei are e Raoiroi; ao n arau ao kam na anga, bwa anne ae a karaoia au abotoro.

3 Ngke tia Kristo n taekin taeka aikai nakoia n te tai are e moan kaoti iai; ao a bon aki ongo aomata ake a uanao, ma a bon ongo ana reirei; ao e roko te Tamnei are e Raoiroi i aoia aika a mwaiti ake a katokai baiia i aoia.