1 Christ ne nsɛm no a ɔkãa kyerɛɛ, n’esuafo duebien no a ɔsaan mu yii hɔn na ɔdze ne nsa guu hɔn do no—

2 Na ɔbobɔɔ hɔn edzin na ɔsee dɛ: Hom bɛfrɛ Egya no wɔ me dzin mu, wɔ mpaabɔ a ɔyɛ dzen mu; na hom ayɛ iyi ewie no hom benya tum a obiara a hom dze hom nsa bogu no do no, hom dze Sunsum Krɔnkrɔn no bɛma no; na me dzin mu na hom dze bɛma, na dɛm na m’asomafo nyɛ.

3 Afei Christ kãa dɛm nsɛm yi kyerɛɛ hɔn wɔ ber a odzii kan yii noho kyerɛɛ hɔn no; na nyimpadodow no anntse; mbom esuafo no tsee; na dodowara a wɔdze hɔn nsa guu hɔn do no nyaa Sunsum Krɔnkrɔn no.