1 Kwan a esuafo no a wɔfrɛɛ hɔn asɔr mu elderfo, faa do hyɛɛ asɔfo nye akyerɛkyerɛfo—

2 Ber a wɔbɔɔ mpaa maa Egya no wɔ Jesus Christ ne dzin mu wiei no, wɔdze hɔn nsa guu hɔn do see dɛ:

3 Wɔ Jesus Christ ne dzin mu mehyɛ wo sɔfo, (anaa sɛ ɔyɛ kyerɛkyerɛnyi a) mehyɛ wo ma abɛyɛ kyerɛkyerɛnyi, ama aakã nnuho nye bɔnfakyɛ a ɔnam Jesus Christ do, na egyina pintsinn wɔ gyedzi mu wɔ ne dzin mu dze akɔ ewiei. Amen.

4 Na dɛm kwan yi na wɔfaa do hyɛɛ asɔfo na akyerɛkyerɛfo, dɛ mbrɛ Nyankopɔn n’akyɛdze nye frɛ a ɔdze frɛ adasamba no tse; na wɔnam Sunsum Krɔnkrɔn no tum a ɔwɔ hɔn mu no do dze hyɛɛ hɔn.