Elder

Wɔdze elder akã nsɛm ahorow pii wɔ Bible no mu. Ahyɛmu Dadaw mu no wɔdze frɛ mbanyin a hɔn enyi efifir ara yie wɔ ebusua mu, hɔn na wɔdze amambu ho hyɛ hɔn nsa (Gen. 50:7; Josh. 20:4; Ruth 4:2; Matt. 15:2). Hɔn mfe na hɔn ntɔhunii maa hɔn afotu ho baa mfaso kɛse. Nna nnyɛ ber nyina na hɔn gyinabew yɛ asɔfodzi frɛ.

Afei nna wɔwɔ elderfo bi so wɔ hɔ a wɔahyɛ hɔn asɔfo wɔ Melchizedek Asɔfodzi no mu wɔ Ahyɛmu Dadaw aber do (Ex. 24:9–11). Ahyɛmu Fofor mu no elderfo yɛ dzin a wɔdze frɛ hɔn a wɔwɔ asɔfodzi dzibew wɔ Asɔr no mu no (James 5:14–15). Nephifo mu no so nna wɔwɔ elderfo a wɔahyɛ hɔn asɔfodzi tum no (Alma 4:7, 16; Moro. 3:1). Dɛm berano yi mu no, Joseph Smith na Oliver Cowdery nye elderfo a wodzi kan a wɔhyɛɛ hɔn asɔfo (N&A 20:2–3).

Seseiara elder yɛ dzin a wɔdze frɛ nkorɔfo a wokitsa Melchizedek Asɔfodzi no. Bi nye, asɛmpakãfo mbanyin a wɔfrɛ hɔn elderfo no. Ɔsomafo so yɛ elder, dɛmara so na Duebien Quorumfo anaa Eduosuon Quorumfo so wɔdze dɛm dzin yi frɛ hɔn (N&A 20:38; 1 Pet. 5:1). hɔn a wɔahyɛ hɔn elderfo wɔ asɔr no mu wɔ ndɛ mber yi no nda o odzi ekyir nyikyerɛ dze hɔn dwumadzi ama hɔn (N&A 20:38–45; 42:44; 46:2; 107:12).