Ho Tsew na ho Nntsew

Ahyɛmu Dadaw no mu no, Ewuradze daa no edzi kyerɛɛ Moses na tsetseberdo Israelmba no dɛ edziban bi wɔ hɔ a no ho tsew anaadɛ oye dɛ wodzi. Israelmba hun soronko a ɔda edziban a no ho tsew na dza no ho nntsew ntamu no nyaa tum kɛse wɔ hɔn nyamesom na hɔn abrabɔ mu. Mbowa, ntumbowa na nam binom wɔ hɔ a wɔfaa no dɛ ho tsew a oye dɛ wodzi, wɔ ber a binom so wɔfaa no dɛ ho nntsew ntsi wɔbraa hɔn wɔ ho (Lev. 11; Deut. 14:3–20). Ayarfo binom so wɔ hɔ a wɔfaa hɔn dɛ hɔnho nntsew.

Sunsum afamu no, sɛ wɔse obi no ho tsew a nna ɔkyerɛ dɛ bɔn nnyi no ho na onnyi bɔn ho akɔndɔ biara. Yɛhwɛ no kwan bi mu a nna ɔkyerɛ dɛ ɔyɛ nyimpa a odzi nokwar na n’akoma mu tsew (Ndw. 24:4) Nyankopɔn no nkorɔfo no, daa wɔkyerɛkyerɛ hɔn dɛ wɔmma hɔnho ntsew (3 Ne. 20:41; N&A 38:42; 133:5).