Onnyiewiei na Ahyɛmudzi Fofor a Ɔwɔ Hɔ Daapem

Jesus Christ N’asɛmpa ne mãhyɛ (N&A 66:2). Ɔyɛ fofor aber biara a wɔbɛsan ada no edzi bio wɔ gyedzi ho asehwe ber ekyir no. Ɔyɛ daapem adze, osiandɛ ɔyɛ Nyankopɔn N’ahyɛmu na woenya no asɛmpa no ber ano biara a nyimpa enya pɛ dɛ wɔbɛgye. Jesus Christ nam Nkɔnhyɛnyi Joseph Smith do daa ahyɛmudzi fofor a ɔwɔ hɔ daapem no edzi bio dze kyerɛɛ nyimpa wɔ asaase do. Dza ɔwɔ mu nye ayɛdze krɔnkrɔn a asɔfodzi tumdzi no yɛ—bi nye enuma na temple mu awar—ɔdze nkwagye, bɛkyebo na nkwa a onnyiewiei ma nyimpa. Sɛ nyimpa gye asɛmpa no to mu na ɔbɔ anohoba dɛ obedzi Nyankopɔn ne mbrasɛm no do a, Nyankopɔn nye hɔn dzi ahyɛmu dɛ Ɔdze N’ahyɛmudzi fofor a ɔwɔ hɔ daapem no ne nhyira bɛma hɔn.

Iyi yɛ ahyɛmudzi fofor a ɔwɔ hɔ daapem, N&A 22:1.
Masoma m’ahyɛmudzi a ɔwɔ hɔ daapem wɔ wiadze mu, N&A 45:9 (N&A 49:9).
Ewuradze somaa n’asɛmpa ne mãhyɛ, n’ahyɛmudzi a ɔwɔ hɔ daapem, N&A 66:2 (N&A 133:57).
Ama nyimpa eenya asetsena a ɔkrɔn koraa wɔ celestial ahenman mu no, otwar dɛ ɔhɛn awar na ahyɛmudzi fofor a ɔwɔ hɔ daapem no mu, N&A 131:1–2.
Wɔdze ahyɛmudzi fofor a ɔwɔ hɔ daapem no bɔbɔɔ adze wɔ Ewuradze n’enyimnyam ne mãhyɛ ntsi, N&A 132:6, 19.