Hɛl

Nda a odzi Ekyir nyikyerɛ kã hɛl annyɛ yie koraa no no ho nsɛm ebien bi. Odzi kan, ɔyɛ sunsum wiadze mu bea bi a hɔn a wɔyɛɛ asokyew ber a nna wɔtse wiadze mu no tsena hɔ wɔ mber tsiabaa mu. Dɛm ntsi, hɛl wɔ ewiei. Esunsum a wɔwɔ hɔ no wɔbɛkyerɛkyerɛ hɔn asɛmpa no, na wonu hɔnho a ekyir no wɔbɔsoɛr akɔ enyimnyam bi a ɔfata hɔn mu. Hɔn a wonnkonu hɔnho, na eso wɔnnyɛ ɔsɛɛ mbabanyin no, wɔbɛka hɛl hɔ Mfe Apem no mu nyinara. Mfe Apem no mu ahohyehye ekyir no, wɔbɔsoɛr efi owu mu akɔ telestial enyimnyam mu (N&A 76:81–86; 88:100–101).

Otsĩa ebien, ɔyɛ hɔn a Jesus Christ No Werdambɔ no ammpon hɔn no hɔn tsenabew afebɔɔ. Iyi ntsi, hɛl wɔ hɔ afebɔɔ. Ɔyɛ hɔn a “wɔda ho yɛ efĩfĩdze no” hɔn tsenabea (N&A 88:35, 102). Ha nye bea a Satan, n’abɔfoe, na ɔsɛɛ mbabanyin no—hɔn a Egya no eyi Noho akyerɛ hɔn na ekyir no wɔapow Ɔba no—bɛtsena onnyiewiei mu (N&A 76:43–46).

Ɔtɔ mber bi a kyerɛwsɛm no frɛ hɛl ekyirekyir sum.

Na bea bi wɔ hɔ a woesiesie, nyew, dɛm hɛl huhu no mpo, 1 Ne. 15:35.
Honam ne pɛ ma abɔnsam no sunsum tum ma ɔtwe hɛn kɔ hɛl, 2 Ne. 2:29.
Christ siesiee kwan a obodua do eyi hɛn efi owu na hɛl mu, 2 Ne. 9:10–12.
Hɔn a wɔda ho yɛ efĩfĩdze no bɔkɔ daapem ahohyehye mu, 2 Ne. 9:16.
Abɔnsam sisi hɔn akra na ogya hɔn brɛbrɛ kɔ hɛl, 2 Ne. 28:21.
Jesus apon me kra efi hɛl, 2 Ne. 33:6.
Hom ntwe homho mfi hɛl yaayaw no mu, Jacob 3:11.
Abɔnsam bɛfa hɔn ndɔmmum na ɔnam ne pɛ do dze ne hɛl nkɔnsɔnkɔnsɔn no atwe hɔn akɔ ɔsɛɛ mu, Alma 12:11.
Wɔbɔtow emumuyɛfo egu ekyirekyir sum no mu ekesi hɔn wusoɛrber, Alma 40:13–14.
Efĩfĩyɛfo werɛ bɔhow mbordo dɛ wɔnye Nyankopɔn bɛtsena kyɛn dɛ wɔbɛtsena hɛl, Morm. 9:4.