Asɔr Dawurbɔ 2

Ɔyɛ nyamesɛm bi a ɔfa nyia ɔwɔ dɛ okitsa Nyankopɔn n’asɔfodzi no ho, seseiara woetsintsim wɔ Nkyerɛkyerɛ na Ahyɛmudzi ne nkrataafa a odzi ewiei. Ewuradze yii kyerɛɛ President Spencer W. Kimball wɔ Obiradzi ne nda a odzi kan no mu wɔ 1978 dɛ, ɔsɛ dɛ wɔdze asɔfodzi no ma mbanyin a wɔwɔ Asɔr no mu a wodzi mu. Iyi maa asɔfodzi na mu nhyira bɛyɛɛ adze a ɔda hɔ ma mbanyin nyina a wodzi mu no, na temple mu nhyira bɛyɛɛ adze a ɔda hɔ ma asɔrmba nyina a wodzi mu nyimpakuw a onyia no fi mu na mbrɛ no wer n’enyi tse biara mmfa ho. Fankwa 30, 1978 na wɔdze dɛm Dawurbɔ yi too Asɔr no ne wiadze mfɛndzanan ehyiadzi a wɔyɛe no enyim na dɔm no nyina gyee too mu.