Ahomgyeda

Da krɔnkrɔn a wɔdze esi hɔ wɔ dapɛn biara mu ama ahomgye na ɔsom. Nyankopɔn bɔɔ ndzɛmba nyina ekyir no, Ɔhoom wɔ da a otsĩa esuon mu na Ɔhyɛɛ dɛ da kor biara wɔ dapɛn mu no nyɛ ahomgyeda mfa mboa nkorɔfo ma wɔnkaa No (Ex. 20:8–11).

Ansaana Christ Robɔsoɛr efi ewufo mu no, Asɔrmba no dze da a odzi ewiei wɔ dapɛn no mu no sii hɔ dɛ ahomgyeda, dɛ mbrɛ Jewfo no yɛe no. Owusoɛr ekyir no, Asɔrmba no, Jewfo anaa Amanamamfo no, dze da a odzi kan wɔ dapɛn mu no (Ewuradze Ne da no) dze akaa Ewuradze No Wusoɛr no. Ndɛ da yi Asɔr no da ho dze da kor wɔ dapɛn no mu esi hɔ dɛ ahomgyeda a wɔdze som Nyankopɔn na wɔhom fi wiadze edwumayɛ ho.

Ahomgyeda no kaa nkorɔfo dɛ ohia dɛ wonya sunsum mu edziban na ɔyɛ hɔn ahyɛdze dɛ wɔyɛ setsie ma Nyankopɔn. Sɛ ɔman annhwɛ yie wɔ Ahomgyeda ne nsiei ho a, ɔkã biribiara a ɔwɔ abrabɔ mu na ne nyamesom no sɛɛ koraa (Neh. 13:15–18; Jer. 17:21–27).