Moroni, Mormon ne Babanyin
Mormon Nwoma mu nkɔnhyɛnyi a odzi ewiei (Christ N’Awoo Ekyir bɛyɛ mfe 421). Aka kakraabi ma Mormon ewu no, ɔdze tsetse kyerɛwsɛm bi a wɔfrɛ no Mormon mprɛtse maa ne ba Moroni (Mormon ne Nsɛm 1:1). Moroni dze Mormon ne mprɛtse a ɔboaboaa ano no baa ewiei. Ɔdze etsir 8 na 9 kãa Mormon Nwoma no ho (Morm. 8:1). Otwitwaa nsɛm no do tsia na ɔdze Ether nwoma kãa ho (Ether 1:1–2) na ɔdze nankasa no nwoma a ɔtoo no dzin Moroni Nwoma no kãa ho (Moro. 1). Moroni sɔɔw mprɛtse no ano na ɔdze kesiee bepɔw Cumorah mu (Morm. 8:14; Moro. 10:2). Afe 1823 mu na wɔsomaa Moroni dɛ nyimpa bi a ɔasoɛr efi ewufo mu dɛ ɔmbɛda Mormon Nwoma no edzi nkyerɛ Joseph Smith (N&A 27:5; JS—Aba 1:30–42, 45). Ofitsi 1823 kɛpem 1827 mu no, afe biara ɔmaa nkɔnhyɛnyi kakraba no nkyerɛkyerɛ (JS—Aba 1:54) na ekyir no ɔdze mprɛtse no hyɛɛ ne nsa wɔ 1827 (JS—Aba 1:59). Joseph Smith kyerɛɛ mprɛtse no ase wiei no ɔdze sanee maa Moroni.
Moroni nwoma no
Nwoma a obua Mormon Nwoma ekyir. Nephi nkɔnhyɛnyi a odzi ekyir no kyerɛwee. Etsir 1–3 kã Nephifo hɔn nsɛe a obua ekyir, Ɔkã Sunsum Krɔnkrɔn a wɔdze bɛma na asɔfodzi no ho asɛm. Etsir 4–5 kã kwan a wɔfa do dze hyiraa sacrament do pɛpɛɛpɛr. Tsir 6 twitwa Asɔr no no dwumadzi do esinesin. Etsir 7–8 no yɛ nyamesɛm a ɔwɔ asɛmpa ne fapem a odzi kan no ho, dza ɔkã ho nye Mormon ne nkyerɛkyerɛ a ɔfa gyedzi, enyidado, na ayamuyie na kwan a wɔfa do bu papa nye bɔn ho atsɛn (Moro. 7), nye nsɛm a Mormon kãe dze kyerɛkyerɛɛ mu dɛ mbofra nkakraba tse ase wɔ Christ mu na wonnhia enuma (Moro. 8). Tsir 9 kã Nephi man mu enyanyandze ho asɛm. Tsir 10 no yɛ Moroni ne nsɛm a obua ekyir na dza ɔkã ho nye kwan a ebɛfa do ehu nokwar a ɔwɔ Mormon Nwoma no ho (Moro. 10:3–5).