Nkyekyeree a ɔda Nyankopɔn na nyimpa ntamu, na mbom wonndzi dwuma dɛ etsipɛn wɔ nkyekyeree no mu. Nyankopɔn na Ɔdze ahyɛmudzi ne nhyehyɛɛ no ma, na nyimpa gye to mu dɛ wɔbɛyɛ dza Ɔase hɔn dɛ wɔnyɛ no. Nkyii sɛ nyimpa yɛ setsie a, Nyankopɔn dze nhyira bi bɔ hɔn anohoba.
Wɔnam ahyɛmudzi do na nsa kã fapem na ayɛdze no. Asɔrmba a wodzi ahyɛmu a ɔtse dɛm no bɔ anohoba dɛ wobedzi no nyi. Mfatoho bi nye dɛ, Asɔrmba no nye Ewuradze dzi ahyɛmu wɔ ber a worunuma hɔn no na wodzi sacrament no dze aakaa dɛm ahyɛmudzi no. Wodzi ahyɛmu bi so kã ho wɔ temple mu. Ewuradze no nkorɔfo yɛ ahyɛmudzi nkorɔfo na sɛ wodzi hɔn ahyɛmu a wɔnye Ewuradze edzi no do a, wohyira hɔn kɛsenara.