Messiah

Ɔyɛ Aram na Hebrew kasa a ne nkyerɛase nye “onyia a ɔasera no ngo no”. Ahyɛmu Fofor no mu no, dzin a wɔdze frɛ Jesus nye Christ, Greek kasa mu no ɔno nye Messiah. Ne nkyerɛase nye Nkɔnhyɛnyi, Ɔsɔfo, Ɔhen, na Ɔgyefo a ɔasera no ngo a Jewfo enyi daa ne mbae no kwan enyiberdo.

Nna adze ara a Jewfo no pii enyi da kwan nye obi a ɔbɛba abɛgye hɔn efi Romefo tum nsa ma ɔman no nyina aayɛ prɔmprɔm yie; dɛm ntsi, ber a Messiah no bae no, akandzifo no nye pii poow No. Ahobrɛadzefo na agyedzifo no nko na wotumii hun Christ ankasa wɔ Jesus a Ofi Nazareth no mu (Isa. 53; Matt. 16:16; John 4:25–26).