Ɔfã 13
Nsɛm a woyii fii Joseph Smith n’abakɔsɛm mu bi a ɔkã fa Nkɔnhyɛnyi no na Oliver Cowdery hɔn asɔfohyɛ wɔ Aaron Asɔfodzi mu wɔ bea a ɔbɛn Harmony, Pennsylvania, wɔ Esusow Aketseaba 15, 1829. Ɔbɔfo bi a ɔse wɔfrɛ no John, nyia nna wɔfrɛ no John Onumanyi wɔ Ahyɛmu Fofor mu no, nna ɔdze ne nsa guu hɔn do hyɛɛ hɔn asɔfo. Ɔbɔfo no kyerɛɛ mu dɛ ogyina Peter, James na John a wɔyɛ tsetseberdo Asomafo no a wokitsa asɔfodzi a ɔkrɔn a wɔfrɛ no Melchizedek Asɔfodzi no ne nsaafee no ananmu ridzi dɛm dwuma no. Ɔbɔɔ Joseph na Oliver anohoba dɛ mber a ɔfata dur a wɔdze asɔfodzi yi a ɔkrɔn no bɛma hɔn. (Hwɛ ɔfã 27:7–8, 12.)
Ɔdze Aaron Asɔfodzi ne nsaafee na tum no to gua.
1 Me mfɛfo asomfo, wɔ Messiah ne dzin mu medze Aaron Asɔfodzi no ma hom, dza okitsa abɔfo hɔn som, nye nnuho asɛmpa no, na nsumuhyɛ enuma a wɔdze kɔ bɔnfakyɛ mu no ne nsaafee; na wonnkeyi iyi efi asaase do bio da, kesi dɛ Levi mbabanyin bɔbɔ afɔr bio dze ama Ewuradze wɔ tseneneeyɛ mu.