Ɔfã 92
Nyikyerɛ a wɔdze maa Nkɔnhyɛnyi Joseph Smith no, wɔ Kirtland, Ohio, Ebɔw 15, 1833. Nyikyerɛ yi kyerɛ Frederick G. Williams, nyia ɔnnkyɛree biara woyii no dɛ ɔnyɛ ɔpamfo mma Joseph Smith no, wɔ no ndwuma wɔ Nkabɔmu Dwumadze mu no ho (hwɛ afã 78 na 82 etsifi nsɛm no).
1–2, Ewuradze ma mbrasɛm a ɔfa mbrɛ wosi gye obi to nkabɔmu nhyehyɛɛ no mu.
1 Nokwar, dɛm na Ewuradze se, medze nyikyerɛ na mbrasɛm no a ɔfa m’akowaa Frederick G. Williams ho no ma nkabɔmu kuw, a wɔahyehyɛ no dɛ mbrasɛm a meedzi kan dze ama no, dɛ hom ngye no nto kuw no mu. Dza mekã kyerɛ kor no mekã kyerɛ obiara.
2 Na bio, mese ɔwo m’akowaa Frederick G. Williams, dɛ ebɔbɔ hyew wɔ kuw yi mu, na mber dodow biara a ibedzi mbrasɛm dadaw ne nyina do wɔ gyedzi mu no, wobehyira wo afebɔɔ. Amen.